مجموعة نكات

بسم الله الرحمن الرحيم
رواد المنتدى الكرام
السلام عليكم ورحمة الله تعالى وبركاته
اليكم مجموعة من النكات اتمنى ان تنال رضاءكم

مرة واحد غبي مشى يخطب أبو العروس قالو : نحنا دايرين مهر مليون جنيه
. قال ليه : ليه أنا عارضين علي واحدة بمية ألف جنيه بس وحامل كمان

واحد بخيل جداً من شدة بخله بعيش اليوم كله على رغيفة واحدة صاحبنا ركبو شيطان وبعد فترة الشيطان تعب من الجوع بس دخل عليهم واحد صاحب البخيل وقال ليهو ياخي مسألة الشيطان دي أنا عندي علاجا في واحد في الجزيرة بيقرأ ويطلعو ليك .. البخيل قالوا ليهو لكن التذكرة بس بي 15 جنيه الجني كورك من جوه: ( عليك الله أمشي حق المواصلات علي)

واحد بليد لدرجة قف تأمل عاوز
يزور ورقة فئة عشره دولا قام
اشتري ورقة ابو مية دولار ومسح
منها صفر من النمرة بتاعتها

واحد من أهلنا العرب ديل
معاه مرتو وولدو الصغير أول مره
يجي الخرطوم الشافع نزلتو من الباص
وقع في ابوه:
يابا داك شنو الفوق داك ؟
ابوه : ماني عارفه والله يا ولدي
وتاني: يابا يابا الشي ام تلاته كرعين ديك شني؟
الاب:شن خبرني بيها يا ولد
‏_طيب يا ابوي الشي الماشين فيهو
ده اسمو شنو
الاب :صدقني ما بعرفو يا ولد
الام قعدت تكورك في الولد:
يا ولد ابوك ده زهجتو كفاك أسئله؟
الاب قالها: خليهو يا وليه خليهو يتعلم


واحد لقي جنوبيه بتبكي ساله عن
السبب قالت ليهو: اسمي شيرين
وزول مصدقني مافي

غنماية سألوها عن أجمل أيام الأسبوع ؟
قالت : تيوس داى


واحد عندو غنماية هيكل عظمي بس
لما تجي تكح الا تنتكل علي حيطه
يوم سيدا زهج منها وقال ماشي
يبيعا رفعا فوق حمارو وفي الشارع
لاقاه واحد سالو: اسمع الغنمايه دي بكم
صاحبنا قالو: والله داير فيها مية الف بس
تصدق الغنمايه دنقرت تحت وقنبت تضحك

واحـد قــال لى واحدة بـريـــــد ك قـــالـت لــيـهــــو ص ب 33

مسطول عايز يتزوج ابوهو قال ليهو أنا بختار ليك
المسطول رد لابوه قال ليهو اطلع منها يا حاج كفاية اختيارك لامي

والى الملتقى ان شاء الله

الاخ العزيز الرشيد/

نشكرك كل الشكر على مساهماتك الرائعة والمتواصلة والتي تسعد الجميع,
نرجو تحفيز شباب الدناقلة في الدخول الى المنتدى,
ويمكنك ان تكون اللسان الحي للمنتدى بالدناقلة ان كنت مقيم حاليا بالدناقلة,

ولك جزيل الشكر

الغالي الرشيد
مشكور على هذه النكات الحلوة والله يديك العافية

[مواصلة]
اثنين مســـــــاطيل الأول يقول للثاني
تصدق انت تشبه الحمــــــار ؟
الثاني قاليهــو قول ما شــاء الله
ــــــــــــــــــــــــــــــــ

مسطـول إشتري سيارة شبح جديدة لنج
وهو ســــايقها فتح الراديو سمع هنا لندن..
قال إنعل أبو السرعة ذاتـــــــو و
ـــــــــــــــــــــــــــــــــــــ

مسطـول سألوهو لو يوم القيامه
سألوك داير تخش ياتو جنه ؟
قال جنة الأطفال
ـــــــــــــــــــــــــــــــــــــــــــــــــــــــــــــــــــــــ

مســـــطول مشي الحـــج قالوا ليه قوم طـــوف واسعي ؟
قاليهــــــم إنتو مش قلتو كل شئ علي البعثة
ــــــــــــــــــــــــــــــــــــ

واحـد عندو أرنب عاوز يبيعــــو
جاهو واحـد مسطـــــــــول قال ليه القرد ده بي كم ؟
رد الراجـل : دا ارنب ما قرد قــــــرد
قال ليه المسطول يا ابو الشباب انا سألت الارنب ما سألتك انت..
ــــــــــــــــــــــــــــــــــــ

جعلي ركب الطيارة

حلف على بناته بالطلاق يساعدن المضيفات
ــــــــــــــــــــــــــــــــــــــــــــــــــ ـ



واحد عندو حب استطلاع
قالو ليهو لو بطلتا حب الاستطلاع دا نديك نص مليون ..
قال ليهم :
والنص التاني حتدوهو لمنو
ــــــــــــــــــــــــــــــــــــــــــــــــــ ــــ


بخيل دخل مع ابنه سوبر ماركت
الولد قال لأبوه بأحب الشوكولاتة
أبوه قال ليه حبها ورجعها مكانها

ــــــــــــــــــــــــــــــــــــــــــــــــــ

ندل أبوه طردو من البيت
كتب على البيت مقر تنظيم القاعدة

ــــــــــــــــــــــــــــــــــــــــــــــــــ ـــــ

سكير لاقي ست العرقي في الحج
حلفها قدام الكعبة
تاني ما تزيدو موية .
ــــــــــــــــــــــــــــــــــــــــــــــــــ ـــ

(مواصلة)
كان في واحد عايز يتزوج ومشى يخطب المهم مشى خطب
قالوا ليه الرأي رأي البت لازم نشاور البت ونديك خبر
المهم مرت الأيام واتصلوا عليه أهل البت وقالوا ليه تعال
جاهم في البيت قام ابوها قال ليه موافقين لكن عندنا شرط واحد .
قال ليهم شرطكم شنو
قالوا ليه انها تقعد معاك – طبعا انبسط علي الشرط
وقال : وين نقعد . أبوها قال ليه على كيفكم المهم اتفقوا
اتفقوا يطلعوا الحديقة
طلعوا واتكلموا وانبسطوا ورجعوا البيت . قام الأب قال لي بنتو إن شاء الله عجبك – قالت ليه هو عجبني لكن فيه عيب واحد انو بياكل لبان كثير – قام أبوها قال ليها خلاص بكلمو – فدعاه فحضر – قام قال ليه انت فيك عيب واحد لو ما خليته ما حأديك بنتي قال ليه شنو قال ليه انك بتاكل لبان كثير
قال ليه بصراحة أنا ما باكل لبان إلا إذا دخنت – أبو البت قال ليه كمان بتدخن
قال ليه بصراحة أنا ما بدخن إلا إذا شربت – قال ليه كمان بتشرب
قال ليه بصراحة أنا ما بشرب إلا إذا حششت – قال ليه كمان بتحشش
قال ليه أنا ما بحشش إلا إذا قعدت مع أصحابي الاتعرفت عليهم في السجن
قام ابو البت قال ليه وكمان مسجون – شنو قضيتك؟
قال ليه لا ابدا حاجة بسيطة بس كاتل لي واحد
قال ليه وكمان سفاح – كتلتو في شنو
قال ليه لا أبدا بس مشيت خطبت بنتو وقال إني ما عجبتو
قام أبو البت رحب بيه – ومشى لي بنتو وقال ليها يا بتي أنا بشوف قصة اللبان دي ما مشكلة وممكن نداركا.
.

وهاكم المجموعة دي :

1/ صرصار راقد فى المستشفى بأزمة . زميلو المجبص سأله بف باف برضو؟ قاليهو لا شبشب

2/ دنقلاوي فاتح فرن جاهو شحاد قالو لي اسبوع ماضقت طعم العيش قالو ياهو طعمو زااااتو ما اتغير

3/ سودانية إشتركت في مسابقة ملكة جمال العالم فازت بلقب Miss Call

4/ مسطول سألوه عن الفرق بين الركشة والكارو قال في الكارو الحماره بره.

5/ مسطول قامت ليهو حبة في عينه .. وقف قدام المرايا قال: هسي دي عين ولا غين؟

6/ دكتور دخل علي غرفة العمليات
لقي واحد خايف شديد خلاص
سألو: خائف كده مالك
صاحبنا قالو: مافي حاجه بس دي
اول مره اعمل عمليه
الدكتور قالو: ويعني شنو انا زاتي
اول مره حأعمل عمليه

ونواصـــــــــل

واحد اسمو حسنين طقش العمود كل حسن طار براو

واحد داير ينوم .... غمد

ميكانيكي اشترا سرير نام تحتو

مسطول شر خطيبتو ... نشفت

جمل عرس فار .... جابو جمال فرفور

خروف عرس نملة جابو يا نملة مخرفة يا خروف منمل

كان في ... واحد اتنين تلاتة

مسطول سألوه امك راقدة في المستشفى بشنو؟ قال ليهم : بالتوب الأصفر


أها في بياخة أكتر من كدة!!!!!!!

أبيــــــــــــخ من كدة مــــافي ؟

طيب ... اليك الآتي
واحد حلق أخته لبسته
واحد طوييييييييييل عرس وحدة طوييييييييلة جابو ولد لفوه في بكرة
واحد غتيت عرس وحدة غتيتة جابو ولد ... نايم عايزين يصحوه اتغاتت عليهم عمل فيها ميت ... اتغاتتوا عليو ودفنوه
ولنا عودة

نكاتــــك حلـــــــــــوة. ضحكت من جوة في النكتـــــــــة بتاعة الغتيت والغتيتة, شكرا علي الابتسامات الرائعة

نكات اكثر من رائعة
خصوصاً بتاعت الغنم
اعترف ... انت الراعي دى ولا شنو؟!

انــــا الراعـــــي ؟
احتمـــــــــــــــــال

أكيييييييييييييد

مقبولة منك
على العموم راعي ما حاجة كعبة - على الاقل مهنة الانبياء

مواصلـــة
غنمايه حنكوشه
اول مرة يحلبوها
غمرت

مسطول دخل المطعم وقال للجرسون أديني واحد فول من غير سلطة الجرسون قال ليه : السلطة الخضراء شطبت عندنا سلطة طحينة بس المسطول قال ليه : ما مشكلة أعمله من غير سلطة طحينة

واحد من المسؤلين زار واحده من
مستشفيات المجانين ولفت انتباهو
واحد حالو صعبه وقاعد يتكلم براهو
وقفه مافي نهائي سأل الجماعه
قالو ليه ده اكان بحب واحده وادتو
شاكوش _ ومشو شويه شافو واحد
حالتو اصعب وشغال يضرب براسو
في الحيطه وحالة بايظه نهائي
المسؤل سأل الجماعه :اها وده مالو
قالو ليهو: ده هو الاتزوج زولة صاحبنا
داك

عويـر عـرس ليـهو واحـده
وبـعد شهـر الـمره قـامت ولـدت
قامـو النـاس قـالو لـيهو
يا زول ده شنو الكلام ده كيف؟؟
!!! قال ليهم: اها انجهونا

قال ليك ادروب بشاغل في بت قال ليها ياجمال توتيل ياجمال كسلا فجأة البت الطرحة وقعت منها وظهر عندها صلعة ادروب قال ياجمال فرفور

* واحد احوص امو ماتت قاعد يبكي يقول الليلة ياحليلك ياخالتي



* واحدشين جدا راكب حمار شاف رباطابية حلوة قام قال ليها اول مرة اشوف لي رباطابية حلوة ردت سريع قالت ليهو اول مرة اشوف لي حمار دورين

* واحد مشي المستشفي يزور اقربائة لما وصل المستشفي لقي واحد عندو حمي شديدة لمن يرجف والتاني مركبين ليهو درب لما رجع البيت سألوه اها الجماعة لقيتم كيف قال ليهم والله لقيتم واحد شغال هزاز والتاني مركبنو في الشاحن



* واحد اسمو بله شين شنا شديدة خلاص ولدو ليهو ولد شين زي ابوه قام زارهم واحد رباطابي في البيت شاف الولد الشين قال لابوه والله حقو تسمي ولدك دا زاد الطين بله



* مسطول سألوه عن عاصمة هولندا ماعرف الاجابة قاموا عشان يقربوا ليهو الاجابة قالوا ليهو مشهورة بالحليب والابقار قام المسطول قال ليهم حلة كوكو



* ادروب جا عشان يخطب ليهو بت قاموا اهل البت قالوا ليهو البت بتقرأ قام ادروب قال ليهم خلاص مافي مشكلة وقت الفسحة نجي

تحيه للجميع
بعض النكات التي لها علاقه
ببرنامج من سيربح المليون

‏_واحد قصير شديد اشترك في
برنامج من سيربح المليون طلب
الاستعانه بالجمهور علشان يطلع
الكرسي

‏_واحد سوداني اشترك في البرنامج
ده وطلب الاستعانه بصديق
فقال له مقدم البرنامج: علشان
تتكلم مع صاحبك عندكم تلاتين
ثانيه فقط
صاحبنا قاله:كان ما عندكم رصيد
اعملوا ليهو اسكول ساي بيرجع
ليكم

‏_واحد فاز بالمليون ضرب لزوجتو وقالها:
شوفي ليك شنطة وجهزي ملابسك
زوجتو :ماشين دوله حاره ولا
بارده عشان اجهز الهدوم المناسبه
قالها:خمي هدومك ديل وطيري
من البيت ده

النكات روعة و اطلب منك تمدنا بنكات اكتر يا خال

احلى نكتة الغنماية الحنكوشة

ماشاء الله
تتناسب مشاركاتك تناسب طردى مع سرعه صورتك

السلام عليكم
اليكم بعض النكات وان شاء الله ما تكون بايخة

واحد سأل ابوه:
يابا الزول السكران يعرفوهو كيف
أبوهو قالو: الزول السكران يا
ولدي الشجرتين ديك يشوفن أربعه
الولد لما عاين لقاها شجره واحده
‏_أبوه كان سكران طينه

الحافله واقفه في الموقف وفي
واحد قاعد جنب الشباك وسارح
بعييد جات واحده حلوه كده سألتو
:وين بالله _قصدها الحافله_
صاحبنا قالها:والله قاعد بس انتي
الما ظاهره

واحده عندها كديس بتحبو شديد
وقامت سافرت بعد ايام كده أخوها
اتصل عليها وقالها كديسك مات
صاحبتنا حزنت شديد وقالت لأخوها
مفروض ما تصدمني بالخبر كده
طوالي كان مثلا تقولي:
كديسك طلع في راس البيت
وبعد مسافه تقولي كديسك قاعد
جنب طوبه واقعه
وتاني تقولي كديسك وقع من
راس البيت واتعوق
حتي بعد داك ممكن تقولي مات
أخوها أعتذر ليها وقفل الخط..
بعد اسبوع كده أخوها ضرب ليها
وقالها: جدي طلع في راس البيت
وقاعد جنب طوبه واقعه

رباطابى مشى للجزار قاليهو : ادينى كيلو لحمة
الجزار كل مرة يقطع حتة لحمة صغيرة يرميها فى الميزان
الجزار قال انتو الميزان دا مالو ماداير ينزل؟
الرباطابى قال ليه : ينزل كيـــف عاد وانت بترمليهو فى الدوهات

يحكي ان حنكوشا… .. يقيم مع امو.. لوحدهما…. رسلتو امو لكي يحضر جزارا
يضبح ليهم الخروف……نقنق الحنكوش.. وطنطن….ولكنه خرج….ووجد جزارا كث
الشارب… مفتول العضلات… محمّر العينين…يحمل مخلاية بها
فرار….وعكاز….وبالضراع سكين…استوقفه الحنكوش وقال له:-
عمو..عمو….انت مش البتجرح الخروفاية..وتقشرها؟؟؟؟؟
رد عليه الجزار بالايجاب…ذهب الجزار مع الحنكوش الي منزل الاخير حيث يقبع
الخروف….شنقل الجزار الخروف..وعض شلوفته التحتانية واخرج سكينه…فصرخ
فيه الحنكوش مستجديا……دقيقة يا عمو…. خليني اروح ادسا…. عشان انا ما
بحب اشوف الدم….وهرول الحنكوش الي الاوضة الدخلانية… لكي يدسا و ما يشوف
الدم….بعد هنيهات ضبح الجزار الخروف وجا الحنكوش…..وجلس القرفصاء….
متمحنا..واضع اليد اليمنى على الجضم الايمن .. ثم قال وهو يذوب عطفاً
وحناناً :-" عمو…عمو…. يمكن الخروفاية دي حسي حامل ..وفي بطنها
بيبي…..؟؟؟؟"
رد عليه الجزار…." دا ضكر يا ولدي… ضكر…. ضكر زيّ وزيك….."… تحير
الحنكوش….وعقد ما بين حاجبيه….استعجاباً… واعجاباً بهذا الجزار.. العالم
الفاهم…. ثم سأله:-" مباااااالغة……. يا عمو .. مبالغة….كيف عرفت انها
ضكر زيك؟"….فدخل الجزار في ضفورو… ثم خرج من سبيب راسو…واخذ يملص في
جلد الخروف…وران الصمت… ثم قطع الحنكوش الصمت قائلا:-" عمو ..عمو…يا ريت
لو القميص بتاع الخروفاية دا.. فيهو ستستة…. الله…. كان يكون حاجة
فانتاستيك…. حاجة ما تخلص…..وخصوصا الاستايل بتاعو حلو….. يجنن"……..قال
له الجزار وهو يدفس يده…فيما بين الجلد واللحم:-
"يا ولدي دا جلد…. مو قميص… جلد .. جلد….ما سمعت بالمثل.." التسوي ..
كريت في القرض تلقاهو في جلدها"؟……. بتعرف كريت؟؟؟؟"
رد عليه الحنكوش…." لا… لكن يتخيل لي كريت دي في كلية الاقتصاد….مع ناس
سوسو…..وسمعت انها كانت مجكسه قرض دا…. لكن شوكشتو…يخسي عليها…والله
الدنيا دي فيها ناس قاسين خلاص….لكن يا عمو…. اسم كربت حلو والله…… انا
عاجبني"……ثم جلس الحنكوش القرفصاء اكتر من قرفصاته الاولى…متوجها الي
الفبلة…. والدموع تنهمر من عينيه مبتهلا الي الله…وهو يشحد الله ويقول:-
ان شاء الله…. يا رب….. ماما…. تحمل.. وتلد….وتجيب.. بنوته… ونسميها
كريت…. وتدخل كلية الطب…وتبقى دكتورة امراض جلدية……و تفتح عيادة و تكتب
لافتة كبيرة تكتب عليها الدكتورة كريت اخصائية الامراض الجلدية .. تأثر
الجزار.. وجدع السكين وهو يقول الضبح والسلخ طايرات…وجلس بالقرب من
الحنكوش واخذ يدعو معه الله.. ان يحقق للحنكوش امنيته...

خرج الجزار من البيت… بعد ان ضبح وسلخ وقطع اللحم…وهو يضمر في نفسه ان
يصبح حنكوشا…وقرر ان يتحنكش…ويملص العراقي..والسروال ويلبس ردا..وتي
شيرت….وجلس الجزار في نص شارع الزلط..متجها الي القبلة..وهو يدعو
ويبتهل الي الله .. والدمع ينهمر من عينيه مدرار:-
"ان شاء الله يا رب….. بركة الشيخ ابو البتول….ماما ..تحمل..وتلد.. وتجيب
بنوته .. ونسميها كريت…..وندلعها نقول ليها كرته….وتدخل كلية الدكاترة…
وتبقى اخصائية امراض جلود…. يا رب.. يا …رب"

علما بان هذا الجزار المطرطش…..الذي قرر ان يتحنكش…..يعلم علم اليقين
ان…امو ماتت قبال خمسطاشر سنة....!!!!!

حللللوة

لكم الشكر جميعاً وانتم ترسمون الفرحة على شفاهنا بهذه النكات الرائعة ....

استاذ قال لتلاميذه كل واحد اجيب ليهوا نكته من الواقع المعاش،،،،، وبعدين بدأ بالصف **************
قام الاول يقول نكته ،،،،، والف واحد على الطائر ،،،،
قال فى نمله طلعت الشجرة البره ،،، وطبعاً الناس مترقبه الاحداث ،،،
بعدين قامت وقعت ،،،،، وكسرت راسا.إنتهت
**************
وجاء دور الطالب الذي بعده ،،،، وبدأ يألف من حيث إنتهي زميله ،،،
وقال فى نمله طلعت الشجره ،،،، وفى هذه اللحظة ،،،،،،،،،،
ردعليه الاستاذ ووبخه ،،،، هسي زميلك ما قالها ،،،،،،
**************
ولكنه كان تفتيحه ،،،، وقال ليهوا يا إستاذ ــــــــــ دي نمله ابوريش.

الســلام عليــــكم
هاكم دي

قال ليك في 3 رباطاب, أدوا تــــرزي يقص ليهم 3 جلاليب,
الترزي قصاهن ال3 قصار, قالو كل واحد لازم ينبــــذه
الأول قال ليه أريتك بالقصر اليخلي طاقيتك مالة بالواطة
التاني قال ليه أريتك بالقصر اليخليك تتشابى للفنجان وما تحصلو
التالت قال ليه أريتك بالقصر اليخليك تقعد في
طرف البرش وتلولح في كرعيك

السلام عليكم

قاليك

واحد مسطول قاعد يشرب في سجارتين,
مروا بيجنبو ناس سألوه:إنت لي قاعد تشرب في سجارتين؟
قاليهم:
واحدة لي واحدة لي صاحبي قاعد في السجن.
خلوه ومشوا.
يوم تاني جوا الناس نفسهم مارين ولقوا الراجل
قاعد يشرب في سجارة وحدة قامو إستغربوا مشوا ليه
قالو ليه ليييييه بتشرب في سجارة واحدة,صحبك طلع من السجن؟
قال ليهم:
لأ.قالو ليهو طيب مالك بتشرب في سجارة وحدة؟؟
قاليهم انا بقيت مابشرب سجاير.

شايقي إمام سمع ليه واحدجعلي يجري
عشان يحصل الركعة سلم واقف

امام كان واقف أحدث في الصلاة وسحب ادروب
من وراه وقفوا امام وطلع
الإمام مشى يتوضأ اتلفت لقى ادروب ماشي
وراه قال ليه:
إنت الجابك وراي شنو؟
قال ليهو كنت قايلك دايرني في موضوع

لكم تحياتي

السلام عليكم

واحد قام من نومه نص الليل على صوت الجيران بيصرخوا
قالوا في تسمم في خزانات الموية
رجع البيت سألته زوجته
الحاصل شنو !!
قال ليها مافي حاجة .. قومى أشربي ليك مويـــة ونومي


استاذه كانت مساهره في حفله
دخلت الفصل وملت السبوره بقصة
سيدنا عمر بن الخطاب وقالت
للأولاد انقلو كل الكتابه دي في
دفاتركم ومش نامت في كرسي
في آخر الفصل فجاه كده جا
المدير داخل صاحبتنا كمان صحت
وقالت ليهم وهكذا نام عمر بن الخطاب
قرير العين بعد ان حكم رعيته
بالعدل

قاليك سوداني ضرب تلفون لبوش
وقالو انا واصحابي قاعدين بالقهوه
قررنا انو نحارب امريكا
بوش قال ليهو : كويس حأتصل عليك بعد شويه
وقفل الخط
وبعد لحظات بوش ضرب ليهو وقالو
انا جاهز للحرب وجهزت عشره الف جندي
السوداني قال ليهو: حاتصل عليك بعد شويه
وبعد اجتماع مغلق اتصل ببوش وقالو
لقد تراجعنا عن حربكم
بوس سألو : وأيه سبب التراجع
قال ليه : لانو ما عندنا مكان
يسع لعشره الف أسير

جعلي قاعد يفتخر بنفسو
نحن مرتنا تحتنا وتشتغل بي راينا
واوعه من جعلي بتهرشو مرتو
ومافي مره بترفع صوتا علي راجلا
وأثناء كلامو مرتو نادتو :
تعال يا راجل أحلب الغنمايه دي
صاحبنا واصل في كلامو ..
وحرم ما عندنا مره بتقعد تحت غنمايه تحلبا

جعلي متزوج شايقية بنتهم في حالة غيبوبة
لمن بدأت تفيق بقت تقول : محمد ، محمد ، محمد
الاب زهج زهج شديد وبقا يهبش في سكين الضراع
الام قالت : تمي الشهادة يابتي ، تمي الشهادة

ـــ تحياتي ــــ