نكات

1-قال ليك واحد تكاسى راكبة معاهو بنت كل ما بطنو تكركب يروح ضارب البورى شديد
الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي
اصدمها بس عليك الله بوريك العفن دا تانى ماتضربو

2-واحدة دنقلاوية سألوها : الدهشة معناها شنو؟
قالت : بسم الله دي ما ياهو ولد الهُمار !!!
3-مسطول سألوه عن الفرق بين الشهد والشهيد؟
قال : الإتنين بيتلحْســــو !!!ا
4-حفصة عروس قاعدة في الكوشة جنب عريسها
قالوا ليها : قومي أرقصي..فقالت : أبكر
أليك الله اهجز الكرسي دا !!!!ا
5-جعلي أول مرة ياكل لبانة....حلف بالطلاق
ما ينوم إلاّ يكمّلا !!!!ا

السلام عليكم
الأخ ود اللارسود.. شكراً على هذه الضحكات التي أهديتنا اياها ونرحب بك كعضو نشط في هذا المنتدى
اضافة الى النكات

واحد مسطول سألوه الفرق بين الحيرة والدهشة ... قال ليهم الحيرة انو يختوك في أوضة مدورة ويقولوا ليك أقيف في الركن !! قالوا ليو طيب والدهشة ؟؟ قال ليهم : انك تلقى الركن !!

واحد ممتحن .. والامتحان سخن معاه للآخر قام طلع ظهر ( حجر نرد ) وبقى يرمي الظهر والرقم البيطلع ليو يدور عليه في الورقة .. المراقب سألو : دى شنو دى البتعمل فيو دى؟؟ الولد قال ليو : شفتني غشيت؟ قال ليو لأ ، طلعت لي بخرة؟؟ قال ليو لأ عاينت لورقة جاري ؟؟؟ قال ليو لأ، طيب مالك؟؟ المراقب احتار ورجع مكانه .. بعد قريب نهاية الزمن المراقب قال تبقى للزمن خمس دقائق .. الولد مرق الظهر بتاعه وبدا يرمي تاني .. المراقب جا عليو .. ياولد دى شنو دى؟؟ الولد قال ليو: يعني ما نراجع يعني!!

A man asked his wife ... why god made u so beautiful & so stupid?? she said: he made me beautiful to atract u to me... & he made me stupid to atract me to u

قال البعض أن الضحك علاح لبعض الأمراص
فطوبا لكل من شارك في منتدي النوادر
ليست (طوبه)

يقول الفيلسوف فردريك نيتشه: "الإنسان هو المخلوق الوحيد الذي يتعذّب في هذه الدنيا، حتّى أنه أضطّر لاختراع الضحك!". فهل حقّا كافة البشر يتشاركون في كأس الهموم، ويُعانون من ضربات الأيام، وإن اختلفت حدة درجاتها من شخص لآخر؟! ألا يعني هذا بأن الضحك ونقيضه البكاء، كلاهما حالة يتعايش معها الإنسان حسب الظرف الذي يمر به؟! لماذا عندما يبث أحدنا شكواه يقول تعبيراً عن ألمه: "حتّى ضحكتي صرتُ اشتاق إليها"؟!

لقد أثبتت الدراسات العلمية أن الضحك يقوّي جهاز المناعة عند الإنسان، وأنه شكل من أشكال التمارين الرياضية، حيث أنه يقوّي عضلات الوجه، ويُساعد على تنشيط الدورة الدموية التي تنعكس إيجاباً على سلامة القلب، وهو ما شجّع عددا من الدول الأوروبية إلى تخصيص برامج تلفزيونية لرياضة الضحك.

اضافة الى تلك المعلومات التي جاء بها الرشيد ..
يوجد بالوجه ثمانون عضلة ووعندما يبتسم الانسان فانه يحرك 14 عضلة فقط ... وعندما يعبس تتحرك ال 80 عضلة مما يسرع من ظهور علامات الشيخوخة ...
هل تعلم أن الطفل يبتسم يوميا قرابة ال400 مرة بينما يبتسم الانسان الناضج 14 مرة فقط ؟؟
تحياتي

لكم الف تحية ومليون سلام
مشكور مصعب .. رشيد ... رشا ... ولي