القصة مش قصة بلد قصة انسان :

من طرف محمد الامين الإثنين مارس 23, 2009 5:45 am

القصة مش قصة بلد قصة انسان

يزعجني جدا حين تتعلق احاديثنا وشكاوينا بشماعة الامكانيات وحين انتهت هذه الشماعة واندثرت وجدنا لانفسنا شماعة جديدة

الحكومة

يا حبيب السودان انسان كما قلت
السودان شخصية لها كينونة وتفرد بحكم الدين والتنوع والمساحة وسبحان الله بحكم الزمان

يلا نحن لو عايزين نصلح الحال نتحدث عن الحال ونترك الشماعات

لا يتم حل اي مشكلة بدون التعرض لها من كل جوانبها وقتلها بحثا وايجاد الحلول

لو كلنا عملنا كدا كان الحكومة اختشت وعرفت انو الشعب نجيض واي مسئول عايز يلف ويدور بيفكر الف مرة لانو اذا هو ما احترم عقول المواطنين يبقي حيضيع في اقرب فرصة

لكن نحن وين

نقول الزراعة طوالي يجينا من يقول ان الحكومة هي السبب
الصناعة الحكومة هي السبب

هسي بالله عليك شوف كم كريسمس مرو بينا وكم ضحية وكم حكومة

بالله عليك ياتا فيهن العجبت زول
ازهري قالو ما بقدر
محمد احمد محجوب بدلوه بالصادق المهدي
عبود شالوهو وجو يكوركو ضيعناك وضعنا معاك
اكتوبر شالوها جا نميري
نميري شالو جو يكوركو عايد يا اب عاج كرهونا الحيط والتخشين بتاع الاسمنت في كل ملف تلقاها

ابريل لحق امات طه

يونيو هسي الناس بتكورك

انا اقترح ما دام كدا وما في زول عاجباه حاجة نحن نرجي سيدنا المسيح يجي يحل لينا الاشكالية دي

ومعليش بس والله انا كلام السياسة دا بيهيج علي المصران