حليل أيام زمان

من طرف وليد الطيب الخميس أبريل 23, 2009 4:33 pm

حليل زمن الزمن زين و الشعر مغطي الإضنين
حليل أيام زمان
زمنكم دا مااااا زمن
الزمن دا بقى زمن صعب

جمل يرددها الناس الكبار كلما مرت مناسبة تستدعي المقارنة بين زمان و الحاضر
لا أدري ماذا يقصدون بذلك , هل كانت المعيشة أسهل من هذه أم يعاودهم الحنين لي
بيوت القش و الصريف التي تفتح في بعضها , و إذا أردت دخول بيتك تمر بعدة بيوت
و أصحابها جالسين على العناقريب فتسلم على أكثر من أسرة و تجلس مع أخرى
لتأخذ الأخبار , رغم قناعتي الشخصية بأن التعليم كان زمان أفضل من هذا الزمن و رغم
توفر كل معينات الدراسة في زماننا هذا إلا أن عدد المتعلمين كان بسيط جداً مقارنة
بالزمن الحالي , كان المتعلم في ذلك الزمن يحظى بإحترام خاص و يطلقوا عليه الأفندي
و يقولوا ( متعلم شدييييييييد خلاس ) و كان عندما يمر بي جماعة كلهم يسلموا عليهو
بي طريقة تمجيدية , لكن بالمقابل في هذا الزمان توفرت التكنولوجيا الحديثة و توسعت مشارب
العلم و لكن فقدنا كلمة ( أفندي ) و الإحترام الزائد عن اللزوم , هنالك إحتمالين إما أن الأميين الذين
ينادون المتعلم بالأفندي في ذلك الزمان قلت نسبتهم أو إنعدمت تماماً , أو أن الناس مستخفة بالمتعلمين
الذين أصبحوا أكثر من الحصى و أغلبهم فشنك , لا أدري ماذا يقصد الجيل الأول بجملة ( زمنكم دا زمن صعب خلاص )

عموماً سنحتاج إلى مقارنة ما بين

1/ جلسات السمر زمااااان و هسع
2/ السكن الماضي و الحالي
3/ النفوس زمان و هسع
4/ الأملاك ( الخيرات )
5/ التمدن و الريف
6/ العرس زمان
7/ المواصلات

8/ التعليم

1/ جلسات السمر زمااااان و هسع]
ايام زمان ... محال ترجع ..
السمر كان علي اضواء القمر ... في الهمبريب
واليوم اصبح عبر الشات .. وغرف الدردشات
السكن الماضي و الحالي2

القطية والراكوبة ... وحكايات ( ابونفاش ... )
وهسع العيش في الفلل والتشمس في البلكونات والاكل في المعلبات
3/ النفوس زمان و هسع
الناس كان تتقاسم النبقة ... والعمود المدنكل مع السيرمس يجيك في العيادة ..
وهسع ... كفارة اوتعزية ..بالتلفون .. او رسالة بالايميل .. او مسج في الموبايل .. او مسكول ...!!

4/ الأملاك ( الخيرات
الضرع كان حلوب ... وماهاهم الفي الجيوب..والعافية مدفقة
رصيد في البنكي... وشيكات وتداولات باللابتوب ... والعافية مهددة

5/ التمدن و الريف
انشاء الله الضيقة تنقد
والواسيعة ما تنسد
يامغير الاحوال اصلح حالنا ..
واغنينا بفضلك عمن سواك

6/ العرس زمان
كان كلو واحد يقطي قدحوا .. والعرس يتم بالميسور .. والفاتحة كان مهر ود القبيلة
هسع التعارف بقي بالشات ... والطبق بالركاشات

7/ المواصلات
تكسي الغرام ..كان يعمل العجب ... والعشرة ماكان فيها نفاق وقلة أدب

]8/ التعليم
الخلاوي ... كانت فاتحة المشوار ... وفي سادسة يحتفل بحماد الناجح ..
واليوم كان جبت الماجستير ... ماتلقي حتي قريب يقول ليك مبروك

من طرف ابو لين الخميس أبريل 23, 2009 6:05 pm

وليد يا وليدى هو زمنكم دا زمن
انا ما عارف انتو العاجبكم فيهو شنو
انتو لا زرتكم مطيرة فى البلدات ولا بتعرفوا طعم الكسرة البايتة المدنكلة بى بصلة
وين انتو من حلات موية الترس (موية الصحة)
ووين نسوانكم من لقيت الويكة فى البلدات وغسيل الهدوم فى البحر
وينكم من القليبة وكارو الحمار
وينكم من الجورف واللوبة العدسية

يا وليد نحن كنا شهر كامل ما غى الجروف ما بناكل غير السكك والتمك

دحين يا وليدى قارنو زمنكم الممحوق دا بى زمناً تانى
ونحن زمنا لا تطروه

ولك الود

من طرف وليد الطيب الخميس أبريل 23, 2009 6:17 pm

يا ابولين ما تعمل ليها فيها عجوووووووووووووووووووز
انت ود بتين

من طرف ابو لين الخميس أبريل 23, 2009 6:25 pm

هههههههههههه
نحن قدركم
ولا دايرين تعملوا فيها حفرتوا معانا البحر

من طرف وليد الطيب الخميس أبريل 23, 2009 7:06 pm

هههههههههههههههههههههههههههههههههههههه
انتى حقو تكون معنوياتك فى العلالى
كتر خيرى انا الصغرتك

حليل أيام زمان

حليل أيام زمان

رد: حليل أيام زمان

رد: حليل أيام زمان

رد: حليل أيام زمان

رد: حليل أيام زمان