ماهو السؤال الذي لاتحب ان لا يسألك عنه احد؟

من طرف ود..نقد الخميس يناير 07, 2010 1:16 am

هناك كثير من الاسئلة يثير الغضب فبعضها يكون في غير مكانه وبعضها نصفه بالغباء وغالبا ما تكون هذه الاسئلة من الخصوصية بمكان قد يجعل المسؤول في موقع احراج لا يستطيع ان يرد فما هو الحق الذي يجعل الناس يتساءلون فيما بينهم في اشياء قد تخصهم او لا تخصهم وقد تسبب لغيرهم الازعاج

فما هو السؤال الذي لاتحب ان يسألك عنه احد ؟

[ندعوك للتسجيل في المنتدى أو التعريف بنفسك لمعاينة هذه الصورة]

من طرف احمد يوسف الخميس يناير 07, 2010 7:06 am

لك التحية اخى وجى
مرة من المرات سألت احد البنات عن عمرها
قالت لى ...........................البت ماتسألا عن عمرها
والولد ماتقول ليهو جيبك فيهو كم.....
وكل حسب رؤيته ..........لك ودى

من طرف ود..نقد الجمعة يناير 08, 2010 1:18 am

هذا السؤال مطروح للجميع اتمنى ان يساهموا معنا في هذا البوست وياريت نتعرف على الاسئلة اللى هم ما بحبوا اتسألوا ليها ويمكن ان نصنف شكل الاسئلة في نوع من الاسئلة ممكن اكون عادي وفي نوع من الاسئلة حساس وهذا ليهو علاقة بالخصوصية ودائما نجد الاطفال اسئلتهم كثيرة واسئلة صعبة جدا انك تجاوب عليها او ما عندها اي اجابات لذلك نجد دائما الام لا تصحب معها طفلها كي تتحاشى الاسئلة الكثيرة التي يطرحها على الناس او عليها
ومن جانب ثاني من هو الشخص الذي له الحق ان يسأل وطبعا الشخص الذي له الحق في جميع الاسئلة الوالدين لانو لازم اكونوا متابعين اولادهم والاشياء التي تتعلق بهم لانو الحوار الاسري داخل الاسرة ينمي العلاقات بينهم ويكون الدرع الواقي للابناء وزمان بفكرة البيت الكبير كان بكون اكثر من الام والاب يمكن ان يسألوك كل الاسئلة ولازم تجاوب وما تحاول تراوغ او تكذب لانو الكذب صعب جدا بالنسبة للحوار بين الوالدين والابناء
ولازم تعرف متى تسأل ومضمون السؤال عشان تجد جوابا يرضيك

اديك العافية اخي ابوحميد اشكر مرورك

من طرف fathi السبت يناير 09, 2010 10:24 am

موضوع البوست جميل جدا ياوجدي بس اقول ليك حاجة نحن شعب الاسئلة بتطرح بشكل عفوي وتلقائي وبتبدأ الاسئلة دي من عملية السلام والمصافحة كيف اخبارك كيف احوالك وكيف صحتك وكيف الاولاد وكيف الحاجة والحاج والجيران والقريبين والبعيدبن وكيف وكيف وكيف دي اسئلة بتخش فى باب المجاملة او عرف سائد بين الناس في عملية السلام وبعد كدة بتجي الاسئلة التانية وفي مرات كتيرة بتكون محرجة اوصعب انك تجاوب عليها..؟
بصفة عامة انا شايف انو الرجال يكرهون ان تسألهم زوجاتهم وين ماشي من وين جاي بمن اتصلت وهكذا ...

من طرف ود..نقد السبت يناير 09, 2010 1:37 pm

وكمان يا فتحي في اسئلة كتيرة مش في محلها مثلا تكون وصلت البيت اسألوك اقولوا ليك إنت جيت؟
تكون صحيت من النوم اقولوا ليك إنت صحيت؟
وفي نكتة ظريفة في هذا السياق
في راجل ماشي في الشارع وجد طفلا يبكي بكاءا شديدا فشده من يده وسألو بتبكي مالك الطفل قاليهو دقاني ابوي الراجل قاليهو دقاك ليه عملت شنو الطفل قاليهو دقوني في التحشر المتل تحشرك دا !!!!ههههههههههها
وهناك الكثير من الطرائف والاسئلة اللي ما في محلها منها العفوي والطريف والمحرج يذخر بها مجتمعنا السوداني ياريت نحاول نطلعه في هذا البوست
اشكر مرورك الكريم يازوووووووق
[ندعوك للتسجيل في المنتدى أو التعريف بنفسك لمعاينة هذه الصورة]

ماهو السؤال الذي لاتحب ان لا يسألك عنه احد؟

ماهو السؤال الذي لاتحب ان لا يسألك عنه احد؟

رد: ماهو السؤال الذي لاتحب ان لا يسألك عنه احد؟

رد: ماهو السؤال الذي لاتحب ان لا يسألك عنه احد؟

رد: ماهو السؤال الذي لاتحب ان لا يسألك عنه احد؟

رد: ماهو السؤال الذي لاتحب ان لا يسألك عنه احد؟