بمناسبه تخليد زكرى رحيل الاستاذ الانسان الفنان مصطفى سيد أحمد(14)
3 مشترك
صفحة 1 من اصل 1
بمناسبه تخليد زكرى رحيل الاستاذ الانسان الفنان مصطفى سيد أحمد(14)
من طرف khoaga99 الأحد يناير 17, 2010 8:34 am
ادفقى-قاسم ابوزيد
كيف اجاوب عن هوانا
لما يغلبنى السؤال
لما يتارجح منانا
بين مظنة واحتمال
مابحسك
دونك انتى الحقائق فى الظلال
والحرف بيعرف مداة
حتى لو جن الخيال
ادفقى
ماتكونى رقراق
ابقى ياضل ياشموس
غطى المساحات بالوضوح
استنهضى الشوق الجلوس
وهجك شوارع ذاتى فى ليل اليباب
ماتخافى من دم الغروب
لو رتش اللوحة الضباب
مادام ضميرنا الفينا حى
مادام عريق العشق حى
ملحوقة يامدن السراب
ماتشفقى
العطش الرحيل
النيل ركيز
ودمعة الاحباب سحاب
ادفقى
فيضان عمار
اتربعى وفجى الوجع
دمع الالام.....مايدفقك
ماخاب غناك
فارسك رجع
اتوهجى وانتى الشمس
اتلهجى ونورك سطع
نور بوادينا الكساح
لاقصت مزامير الصباح
مبكية قرية وقنبلة
متكية دمعة وسنبلة
الليلة فى ايدنا السلاح
ريشة وكدنكة ومطرقة
نبنيكى احسن ياظروف
مخضرة دانية القطوف
نطوى المسافات نسبقا
ادفقى
بلدك فداك
اتوهطى
ورى البنيات العديل
محمية بى عرق الترابلة
ونغمتك مسقية بالريد العتيق
انغام ربابتك تشيل
معزوفة الريد والرفيق
ماتصغرى
تكبر امانى السنبلة
هى اكبرى
تصغر معانى القنبلة
ماتصغرى
ماترجعى الصد للمداين والفرى
شيلى الشحوب والاصفرار
ادى البويتات منظرا
ادفقى
فى كل شارع وكل بيت
فى روابينا المحنة
وفى ضمايرنا السهول
ادفقى
فى كل حتة وكل زول
ابقى شان تبقى الفصول
كيف اجاوب عن هوانا
لما يغلبنى السؤال
لما يتارجح منانا
بين مظنة واحتمال
مابحسك
دونك انتى الحقائق فى الظلال
والحرف بيعرف مداة
حتى لو جن الخيال
ادفقى
ماتكونى رقراق
ابقى ياضل ياشموس
غطى المساحات بالوضوح
استنهضى الشوق الجلوس
وهجك شوارع ذاتى فى ليل اليباب
ماتخافى من دم الغروب
لو رتش اللوحة الضباب
مادام ضميرنا الفينا حى
مادام عريق العشق حى
ملحوقة يامدن السراب
ماتشفقى
العطش الرحيل
النيل ركيز
ودمعة الاحباب سحاب
ادفقى
فيضان عمار
اتربعى وفجى الوجع
دمع الالام.....مايدفقك
ماخاب غناك
فارسك رجع
اتوهجى وانتى الشمس
اتلهجى ونورك سطع
نور بوادينا الكساح
لاقصت مزامير الصباح
مبكية قرية وقنبلة
متكية دمعة وسنبلة
الليلة فى ايدنا السلاح
ريشة وكدنكة ومطرقة
نبنيكى احسن ياظروف
مخضرة دانية القطوف
نطوى المسافات نسبقا
ادفقى
بلدك فداك
اتوهطى
ورى البنيات العديل
محمية بى عرق الترابلة
ونغمتك مسقية بالريد العتيق
انغام ربابتك تشيل
معزوفة الريد والرفيق
ماتصغرى
تكبر امانى السنبلة
هى اكبرى
تصغر معانى القنبلة
ماتصغرى
ماترجعى الصد للمداين والفرى
شيلى الشحوب والاصفرار
ادى البويتات منظرا
ادفقى
فى كل شارع وكل بيت
فى روابينا المحنة
وفى ضمايرنا السهول
ادفقى
فى كل حتة وكل زول
ابقى شان تبقى الفصول
khoaga99- مشرف القسم الإجتماعي
- عدد الرسائل : 300
الإسم الكامل : طلال عبد الرحمن أحمد عبد الرحمن
نقاط : 6019
تاريخ التسجيل : 27/08/2009
رد: بمناسبه تخليد زكرى رحيل الاستاذ الانسان الفنان مصطفى سيد أحمد(14)
من طرف ود..نقد الأحد يناير 17, 2010 2:30 pm
رووووووعة يا طلال وهاك البيتين ديل
من بين مسامك بدخلك
من أي قاسم مشترك وشبه التشابه بدخلك
نتلاقى نهرين من تسامي وإشتهى
[ندعوك للتسجيل في المنتدى أو التعريف بنفسك لمعاينة هذا الرابط]
من بين مسامك بدخلك
من أي قاسم مشترك وشبه التشابه بدخلك
نتلاقى نهرين من تسامي وإشتهى
[ندعوك للتسجيل في المنتدى أو التعريف بنفسك لمعاينة هذا الرابط]
ود..نقد- مشرف القسم الثقافي
- عدد الرسائل : 3199
الإسم الكامل : وجدي الطيب نقد نقد مصطفى
نقاط : 10124
تاريخ التسجيل : 05/12/2009
رد: بمناسبه تخليد زكرى رحيل الاستاذ الانسان الفنان مصطفى سيد أحمد(14)
من طرف khoaga99 الأربعاء يناير 20, 2010 10:03 am
انت الأروع يازول يامرهف
بأحساسك الماعادى بالحاجات الجميله
وشكراً ليك كتير
ومتعنه بروعتك بالجديد
كن بخير
بأحساسك الماعادى بالحاجات الجميله
وشكراً ليك كتير
ومتعنه بروعتك بالجديد
كن بخير
khoaga99- مشرف القسم الإجتماعي
- عدد الرسائل : 300
الإسم الكامل : طلال عبد الرحمن أحمد عبد الرحمن
نقاط : 6019
تاريخ التسجيل : 27/08/2009
رد: بمناسبه تخليد زكرى رحيل الاستاذ الانسان الفنان مصطفى سيد أحمد(14)
من طرف ود..نقد الأربعاء يناير 20, 2010 10:36 pm
اهدي ليك الرائعة دي من الرائع ازهري محمد علي يا طلال يارائع
الطشاش
غيب إحساس الرضى
ومسَح الروح بالغباش
وانا ما نعيت
طيب معشرك
ولا أقمت عليك عزا
إشتهيت أفرد ضفيرتك للمطر
واحقن وريدك بالدُعاش
واكتفيت
أفضل أريدك إندهاش
أو ألوذ بي نفسي عنك
! يامدهشة
أنا وين أفوت منك أمش؟
بشفق عليك
من حسن ظنك
بالملايكة المارقه من باب الشمس
يا جابدة من تحتى الأرض
وقابضة فى نفسى العرش
يا نابضة من عطش الجسد للروح
مجلوبة إنت ومستباحه
كل المواعيد الزنيمه
كانت مباحة
ومطلقة
كل البراحات الحميمة
موصوده دونك ومغلقه
مسجونه فيك
إنتظارات السحاب
والإحتمالات المريحه ومقلقه
محلوبه من دمك عصارة العفه
فيك
لا فُضّ فيك
يا صومعة إملاقى والعشق المحال
دقت مسامير الفجيعه
على العُضام الحيه واللحم الحلال
بتمرقى من وجع المحجَه
وتندسى بين جرحى العُضال
وما انبله حلقك بالإجابات السؤال
فعلام جدواه .. السؤال
علام جدواه السؤال
وفارسك مدجج بالدعاوى الخايبه
والوعد الحنوط
رددتى فى سرك جلالات الهزيمة
وتليت على سرى التشهد والقنوت
مطموسة فيك كل الصحايح
بالفضايح
الواقفه شاهد والبيوت
وتعارضه ما بين الضحك والعبره
شوكة حوت
فعلام جدواه السؤال
يا باحثه عن كل السواقط
من نهاراتنا المهمة
ونابتة من خيبة أملنا
مع الليالى المدلهمة
يا متعبة
ومحقونة بى خدر الأمانى
المستجمة
أنا ما دلقتك للشوارع البارده
ولا البيوت المترفه
لو راودك عن نفسك الماجن الدّعى
وهدّ عزمك بالوعود الزايفه
ما تنسى إنك كنت وافقه
على المسامير الصقر
مجليه بى عرق الشفا
لا شاكيه من ذل العوز
لا باكية من وجع الجفا
وأنا ما دلقتك للشوارع البارده
ولا البيوت المترفه
يا واقفه مشروخه وأبيه يا نحملك شرف القبيله
ونغرمك سيف القضيه أو نبعثـك حُـرة ونـبيّه
لو قد ثوبك من قفا وأنا ما دلقتك .. ما دلقتك
الطشاش
غيب إحساس الرضى
ومسَح الروح بالغباش
وانا ما نعيت
طيب معشرك
ولا أقمت عليك عزا
إشتهيت أفرد ضفيرتك للمطر
واحقن وريدك بالدُعاش
واكتفيت
أفضل أريدك إندهاش
أو ألوذ بي نفسي عنك
! يامدهشة
أنا وين أفوت منك أمش؟
بشفق عليك
من حسن ظنك
بالملايكة المارقه من باب الشمس
يا جابدة من تحتى الأرض
وقابضة فى نفسى العرش
يا نابضة من عطش الجسد للروح
مجلوبة إنت ومستباحه
كل المواعيد الزنيمه
كانت مباحة
ومطلقة
كل البراحات الحميمة
موصوده دونك ومغلقه
مسجونه فيك
إنتظارات السحاب
والإحتمالات المريحه ومقلقه
محلوبه من دمك عصارة العفه
فيك
لا فُضّ فيك
يا صومعة إملاقى والعشق المحال
دقت مسامير الفجيعه
على العُضام الحيه واللحم الحلال
بتمرقى من وجع المحجَه
وتندسى بين جرحى العُضال
وما انبله حلقك بالإجابات السؤال
فعلام جدواه .. السؤال
علام جدواه السؤال
وفارسك مدجج بالدعاوى الخايبه
والوعد الحنوط
رددتى فى سرك جلالات الهزيمة
وتليت على سرى التشهد والقنوت
مطموسة فيك كل الصحايح
بالفضايح
الواقفه شاهد والبيوت
وتعارضه ما بين الضحك والعبره
شوكة حوت
فعلام جدواه السؤال
يا باحثه عن كل السواقط
من نهاراتنا المهمة
ونابتة من خيبة أملنا
مع الليالى المدلهمة
يا متعبة
ومحقونة بى خدر الأمانى
المستجمة
أنا ما دلقتك للشوارع البارده
ولا البيوت المترفه
لو راودك عن نفسك الماجن الدّعى
وهدّ عزمك بالوعود الزايفه
ما تنسى إنك كنت وافقه
على المسامير الصقر
مجليه بى عرق الشفا
لا شاكيه من ذل العوز
لا باكية من وجع الجفا
وأنا ما دلقتك للشوارع البارده
ولا البيوت المترفه
يا واقفه مشروخه وأبيه يا نحملك شرف القبيله
ونغرمك سيف القضيه أو نبعثـك حُـرة ونـبيّه
لو قد ثوبك من قفا وأنا ما دلقتك .. ما دلقتك
ود..نقد- مشرف القسم الثقافي
- عدد الرسائل : 3199
الإسم الكامل : وجدي الطيب نقد نقد مصطفى
نقاط : 10124
تاريخ التسجيل : 05/12/2009
رد: بمناسبه تخليد زكرى رحيل الاستاذ الانسان الفنان مصطفى سيد أحمد(14)
من طرف khoaga99 الخميس يناير 21, 2010 6:52 am
حقيقى ماخليت لى كلام اقولو او اكتبو
khoaga99- مشرف القسم الإجتماعي
- عدد الرسائل : 300
الإسم الكامل : طلال عبد الرحمن أحمد عبد الرحمن
نقاط : 6019
تاريخ التسجيل : 27/08/2009
رد: بمناسبه تخليد زكرى رحيل الاستاذ الانسان الفنان مصطفى سيد أحمد(14)
من طرف fathi الخميس يناير 21, 2010 6:13 pm
طلال يازواق لك التحية
عدى فات
صلاح حاج سعيد
عدّى فـات ..
زمن العيون الإلفـة
والحضن الملاذ
ورهـافة الحس البلوّن .
ضحكة الناس العـزاز
بعد الحنان .. الكان زمان
إستوطن المطر .. الحراز
روّح زمانى .. وفى رجاك
عانيت قساوة الإنـتـظار ..
فى ضل شبابيك السفر
صادقت ليلات الموانى ..
الـساكنة فى بحر
الأمانى بتنتظـر
لو يوم طيوف لحظك تفوت
تعبر خيالات تمر
قلق المواعيد الضّجر
سهر العيون ... الإحتراز
إتعزز النوم ..فىالخـدار ...
وإتمدد الشقا فى العمر
ملّيت تباريح الجراحات البقت
بعدك أسى وزمناً قسا
وحالاً أسيف
ومشيت أفتش عن
خطاويك القبيل .
واضّارى من زمناً ..
وراك ملانى خـوف
أشتقـت ليك ..
اشتقت أرتاح فى عيون
فيهن ملامحك ذاتا
من غير أىّ .. زيف
وإشتقت لى حكة صباحك .
والدعاش عطر رزاز مطر الخريف
أنا وإنت والدنيا الزمان
الناس وفـا وغنـوّة صفـا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً ..
رضى وحسّاً ندى و زوقاً رهيف
أنا وإنت والـدنيـا الأمـان
ما العمر شتّان بين
أوان زمناً حييتو
وعمر ما بتقدر بتعرف ..
بكرة يصبح حالو .. كيف
عدى فات
صلاح حاج سعيد
عدّى فـات ..
زمن العيون الإلفـة
والحضن الملاذ
ورهـافة الحس البلوّن .
ضحكة الناس العـزاز
بعد الحنان .. الكان زمان
إستوطن المطر .. الحراز
روّح زمانى .. وفى رجاك
عانيت قساوة الإنـتـظار ..
فى ضل شبابيك السفر
صادقت ليلات الموانى ..
الـساكنة فى بحر
الأمانى بتنتظـر
لو يوم طيوف لحظك تفوت
تعبر خيالات تمر
قلق المواعيد الضّجر
سهر العيون ... الإحتراز
إتعزز النوم ..فىالخـدار ...
وإتمدد الشقا فى العمر
ملّيت تباريح الجراحات البقت
بعدك أسى وزمناً قسا
وحالاً أسيف
ومشيت أفتش عن
خطاويك القبيل .
واضّارى من زمناً ..
وراك ملانى خـوف
أشتقـت ليك ..
اشتقت أرتاح فى عيون
فيهن ملامحك ذاتا
من غير أىّ .. زيف
وإشتقت لى حكة صباحك .
والدعاش عطر رزاز مطر الخريف
أنا وإنت والدنيا الزمان
الناس وفـا وغنـوّة صفـا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً ..
رضى وحسّاً ندى و زوقاً رهيف
أنا وإنت والـدنيـا الأمـان
ما العمر شتّان بين
أوان زمناً حييتو
وعمر ما بتقدر بتعرف ..
بكرة يصبح حالو .. كيف
fathi- عضو لجنة دستور
- عدد الرسائل : 539
بلد الإقامة : norway
الإسم الكامل : Fathi Alhassan yousif Ahmed
نقاط : 6159
تاريخ التسجيل : 18/10/2009
رد: بمناسبه تخليد زكرى رحيل الاستاذ الانسان الفنان مصطفى سيد أحمد(14)
من طرف fathi الخميس يناير 21, 2010 6:24 pm
في ذكري رحيله سطر الشاعر الرائع (عبد العال السيد) هذه الحروف بعنوان (ناحت على بابك يمامة):
بسمع صدى صوتك ..
مزامير فى
عشيـّات الشتا
والريح سوافى
وأطرق على بابك
أواخر الليل
وألاقيك إنت مافى
وأنشد على بابك
حزين " عزّ المزار "
وكل السنين
صارت منافى
وأهتف وأناديك
فى سديم الليل
يضيع حـسـّى و هتافى
قمراً وقف
مستـنـّى تال الليل
نهارات العصافير
والقوافى
رجعْ الصدى .
وحسْ الرياح
مجنونة في الساحات تعربد
وإنت مافى
غابت نهاراتك .. ولكن
لسـّة صوتك فى العروق
يا صاحبى ساكن
لسة صوتك يسرى
فى كل الأماكن
" يا قمرة ..
أقلبى السنسنة .. الحمرا"
وشوفى ليه ما جا
لسـّة على أفق المدى ترجاك
" صبية " جراحا نازفة
لسـّة واقفة
تسأل عليك مجلس صحابك
فى الليالى
تسأل عناقيد الدوالى
تسأل عليك عصفور مرق
ينفض نعاس عينيهو
من سهر الليالى
يا صاحبى لسـّع جراح
الفرقة صاحية
وتر الغنا المشدود ينوح
يسأل عليك فى كل ناحية
كانت ليالى " الدّيم " فوانيس
والعمر مغسول .. صبابة
وكنا ما بشغلنا غير وتر الغنا
وحرف الكتابة
يا صاحبى .. ليتها الأيام .. تعود
أنا فى منافى العمر ضيّعت الوعود
يا صاحبى ..
هطلت على قبرك سحابات الخزامى
وناحت " على بابك " .. يمامة
وشرقت شموس ترسم .
على باب النهارات إبتسامة
بسمع صدى صوتك ..
مزامير فى
عشيـّات الشتا
والريح سوافى
وأطرق على بابك
أواخر الليل
وألاقيك إنت مافى
وأنشد على بابك
حزين " عزّ المزار "
وكل السنين
صارت منافى
وأهتف وأناديك
فى سديم الليل
يضيع حـسـّى و هتافى
قمراً وقف
مستـنـّى تال الليل
نهارات العصافير
والقوافى
رجعْ الصدى .
وحسْ الرياح
مجنونة في الساحات تعربد
وإنت مافى
غابت نهاراتك .. ولكن
لسـّة صوتك فى العروق
يا صاحبى ساكن
لسة صوتك يسرى
فى كل الأماكن
" يا قمرة ..
أقلبى السنسنة .. الحمرا"
وشوفى ليه ما جا
لسـّة على أفق المدى ترجاك
" صبية " جراحا نازفة
لسـّة واقفة
تسأل عليك مجلس صحابك
فى الليالى
تسأل عناقيد الدوالى
تسأل عليك عصفور مرق
ينفض نعاس عينيهو
من سهر الليالى
يا صاحبى لسـّع جراح
الفرقة صاحية
وتر الغنا المشدود ينوح
يسأل عليك فى كل ناحية
كانت ليالى " الدّيم " فوانيس
والعمر مغسول .. صبابة
وكنا ما بشغلنا غير وتر الغنا
وحرف الكتابة
يا صاحبى .. ليتها الأيام .. تعود
أنا فى منافى العمر ضيّعت الوعود
يا صاحبى ..
هطلت على قبرك سحابات الخزامى
وناحت " على بابك " .. يمامة
وشرقت شموس ترسم .
على باب النهارات إبتسامة
fathi- عضو لجنة دستور
- عدد الرسائل : 539
بلد الإقامة : norway
الإسم الكامل : Fathi Alhassan yousif Ahmed
نقاط : 6159
تاريخ التسجيل : 18/10/2009
رد: بمناسبه تخليد زكرى رحيل الاستاذ الانسان الفنان مصطفى سيد أحمد(14)
من طرف khoaga99 الأحد يناير 24, 2010 10:10 am
شكراً جزيلاً الاخ فتحى على الابيات الجميله والمجامله
لك التحيه وانت تتحف هذا المنتدى بجميل مداخلاتك
وشعورك النبيل وانت بعيد عن الحله
لك كل الاحتلاام والتقدير
لك التحيه وانت تتحف هذا المنتدى بجميل مداخلاتك
وشعورك النبيل وانت بعيد عن الحله
لك كل الاحتلاام والتقدير
khoaga99- مشرف القسم الإجتماعي
- عدد الرسائل : 300
الإسم الكامل : طلال عبد الرحمن أحمد عبد الرحمن
نقاط : 6019
تاريخ التسجيل : 27/08/2009
مواضيع مماثلة» السيره الذاتيه للراحل الفنان مصطفى سيد أحمد (هديه لكل عشاقه فى المنتدى)
» ذكرى رحيل الفنان احمد المصطفى ( كتبها الشاعر ابراهيم الحسن )
» آخر ما كتبه مصطفى سيد أحمد, في غرفة غسيل الكلى بالدوحة
» رئيسنا البشير الانسان .. ورمزنا محمد وردي الفنان ..!!
» محمد طه القدال يرثى مصطفى سيد أحمد هديه لعشاق الراحل
» ذكرى رحيل الفنان احمد المصطفى ( كتبها الشاعر ابراهيم الحسن )
» آخر ما كتبه مصطفى سيد أحمد, في غرفة غسيل الكلى بالدوحة
» رئيسنا البشير الانسان .. ورمزنا محمد وردي الفنان ..!!
» محمد طه القدال يرثى مصطفى سيد أحمد هديه لعشاق الراحل
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى