دنيا غريبة

من طرف مارشال الأربعاء فبراير 03, 2010 3:56 pm

قصيدة غريبة نوعاً ما .. واحد مكسّر رسمي وشعبي! وما عارف يعبّر كيف. النوع الغزلي في الحلمتيش متوفر بصورة واضحة ، والواقع أن معظم الحلمتيش هو غزل ، بس إحنا هنا حاولنا إنّو تكون قصايدنا متنوعة .. وطبعاً القصيدة دي إستخدمت بداية درامية شويّة كده ، من ناحية إدخال الكلمات الإنجليزية .. وأحسسنا أن هذه البداية تمثّل "الرمية" لأن الكثير من هذه القصائد تُلحن وتُغنّى ..
تأليف : شارب الشطّة!
الشطّة!

حبيبتي I love you
ومن حبك I shall die
من شِدّة ما إنتِ beatiful
شعري الفي راسي fly
I see في عيونك sea
I can't swim براي
when I see you في الـ road
going to the shop بي جاي
cutting the زلط
on foot with shoes small and high
I don't know what I can do
I can't believe my eye
سماحتك عقّدتني عديل
أعاين ليك دموعي تسيل
أكُر في الحمدو عشرين مرّة
وأقرى معاها سورة الفيل
ولمن تمسكي المنديل وتمسحي بيو كحل عينيك
لمّي الدمعة فوقوا تسيل
أعاين في عيونك ديل
وأقول أريتني كان منديل
ما بنفع كلام يا ريت
نوعي ده ما شَبَه منديل
ملامحي قريبة للصارقيل!
كيفن بس أكون منديل
ولمّا تقومي منعدلة
وتقدلي ليك كم قدلة
أفنجط بي وراك ســــــــــــاي
التقول سخلة
أعاين وأقول هَمَلة
وحلاة القدلة في أهلها
حليوه وتمشي بي جَهلها
وتتقصّد مشي الأصلة
وأنا الفجغوني بي عَدلة
أنا اليادوب في دنيا الريد
مناي يا رب سلام في الإيد
عيونك زي عيون الصيد
كُبار زي خروف العيد
تكهربي بيها خلق الله
ونوعي ده عاد جنونو يزيد
وأقول يا رب تسلّم لي أو ساكت
تأشّر لي، وكان غمزت ده يوم العيد
وعينيك طالعا بينها طوّاف
لا الكبكابة لا الرجّاف
تقول رشّوني بي البفباف
يجيني رعاف
وأقعد ألف، عيوني ترِف
وأقول أكيد ده أثر فطور الفول
لمنّ تضحكي في نُكته
التقول لبعوني بي شنطة
وأكب فوق العصير شطّة
وأقرطع ما أسيب نُقطة
وأقول "يا سلام عصير لُقطة"
وإنتِ تقولي"بالغت وشربت الشطّة يا إنتَ"
مالها الشطّة، ما شربات عصير كُفته
عصير جركان من الدُكّان
يترشّه في صحن فتّة
ما مهم شرابي الشطة
والمهم الكلمة "بالغت "
و "شربت الشطّة يا إنتَ"

قد تكون هذه القصائد المتغزّلة في الحبيب والتي تأخذ طابع الحلمنتيش، غريبة الفكرة، مستهجنة في الشكل العام لها .. فهي تتبع أساليب ساخرة وتصويرات بعيدة عن القصيدة الغزلية الرصينة .. ولكن ما يشفع لها أن المقصود منها في الأصل هو الإضحاك .. وليس التعبير عن هذه المشاعر .......

علي فكرة ليست من تفكيري ولكن عجبتني وحبيت انشرها والشكر كل الشكر للكاتب