المريخ يقهر الأهلى شندى

حقق المريخ فوزا غاليا على ارسنال شندى بثلاثية نظيفة تبادل فى احرازها أحمد الباشا ومصعب عمر والقناص طمبل ,وبهذه النتيجة يعتلى المريخ الصدارة بالعلامة الكاملة 9 نقاط .
الجعلتى ســــــــــــــــاكواهــــــــــــــــا كـــــــــــــــــــــيف

حمد لله على السلامة وليد الطيب كنت مدسي وين
والله البركة ماسوراها الفشاكم لكن عليك الله الشوته بتاعت ضربة الجزاء بتاعت ساكواها امس دي شوتة لاعب كورة مهاجم بي بوز الكدارة
دي بتشبه شوتة بشير الجعلي الطير بيها الدناقلة من الكاس جابوها من موقف المناقل

الجعلتى تحياتى
نتمنى انه عقدة سواها دى ماتستمر نعاكم
لانه وارغو تحت تحت جاى راجع شهر ستة

لعدين شن جاب لجاب
ابوك مهاجم اسمه ابخف عنده راسية مبالغ فيها
لكن شوتاته الا يؤجوا ليها ناس يجيبوها
سواها دا تخصص فرق هلكانة بس

الجعلي مدافع يا عم محمد وماسوراها مهاجم المدافع معاه حق يوديها لندن لكن المهاجم ما عندو حق
بعدين ابوي كان لعاب بس الماسوراها ما عندو حاجة
تحياتي
الليله شفتوا وجبة القراقير دي سمحة كيف

الاخ الجعلتي تحياتي لك سااااااااكواهااااااااااا سكت اسياد اللبن وسواها كمان وقطع لسان كل مكابر والزول ده لعااااااااااااااااااب وبلو روسينكم سااااااااكت لانو البذوق شبكه المعز ده بدمنه عدييييييييل كده مو حلوه وطااااااااعمه ولا شنو ياجعلتي؟0

البلقى هبوبو يضري
ضروا ساكت
المحلي دا امسكوا فيهو قوي وخلونا نحن نمثل ليكم برانا

ابن العمة وليد الطيب الاخ محمد سليمان سامى الدباب حمدالله على السلامة
والله ياالجعلتى يا أخوى كان جينا للجد سكواها دا لعاااااااااااااب بطل مكابرة اصلو نحنا لما تغلبنا بنتمها بى الكلام غايتو الموسم دا الله يستر علينا من ناس المريخ لأنوالمريخ الشافتوعينى امس مع انتر كلوب دا مابوقفو الاكاس البطولة المريخ بقى بلعب الكورة الحديثة ياالجعلتى كورة لاتعتمد على صانع العاب يقف وسط المعلب ليصنع الاهداف المريخ جميع لاعبيه صانعى العاب حتى الحضرى الذى سيحدث نقلة كبيرة فى المريخ هذا الموسم.
بالتوفيق للهلال اليوم

الاخ /محمد يوسف لك كل التحايا والف مبروووووووووووووك انتصار الهلال الغالي علي فريق كالا وبالتوفيق لقمة الكره السودانية في متبقي الاستحقاقات القادمة 0

سامى لك اندى التحايا نتممنى التوفيق لقطبي الكرة والخرطوم والنيل والمنتخب الوطنى
طال صبر الشعب السودانى للبطولات فها قدحانت ساعة الجد فكل المعينات متوفرة للظفر ببطولة هذا الموسم .
بالتوفيق.

احمد يوسف كتب:ابن العمة وليد الطيب الاخ محمد سليمان سامى الدباب حمدالله على السلامة
والله ياالجعلتى يا أخوى كان جينا للجد سكواها دا لعاااااااااااااب بطل مكابرة اصلو نحنا لما تغلبنا بنتمها بى الكلام غايتو الموسم دا الله يستر علينا من ناس المريخ لأنوالمريخ الشافتوعينى امس مع انتر كلوب دا مابوقفو الاكاس البطولة المريخ بقى بلعب الكورة الحديثة ياالجعلتى كورة لاتعتمد على صانع العاب يقف وسط المعلب ليصنع الاهداف المريخ جميع لاعبيه صانعى العاب حتى الحضرى الذى سيحدث نقلة كبيرة فى المريخ هذا الموسم.
بالتوفيق للهلال اليوم

ابننا احمد يوسف
تحياتى انا فى الحسبة ودعمتك برضو عارفين شامة بت محمود ويوسف ودمحمود
يعجبنى فيك تشجيعك باعتدال وامانتك فى الرد والاعتراف بالحال فلك الف شكر ونتمنى ان تثروا سماء المنتدى بالنقاشات الهادفة خفيفة الدم والتى توثق عرى الاخاء والمحبة بينكم
منذ نشاتنا تربينا على مناكفة بعضنا البعض ولكن دون استفزاز أو تريقة
وكنا مريخاب وهلالاب على قلب رجل واحد اسمه الدناقلة لم نتخاصم ولن نتشاتم
والسسب كان حبنا لبعضنا البعض واحترامنا كذلك
لك الشكر اجزله مرة اخرى وتحياتى للخال يوسف وكل الاسرة الكريمة