انا الماساتي ما بتتقال لاسيكافا لا ابطال

نااااااااااااااا
انا المآساتي ما بتتقااااااااااال
بقيت احسب عميري الفات
وصيف.. لا دوري لا الاابطال
...
تراني وسط مهب الريح
مريكب لا فحها الشلال
بقيت مغلوب كتير وكتير
اتحجر بقيت تمثال

وافتش فى وصافتك وين
لقيتك فى بلادي هنا ....

انا الجرب مآسي الغي
تعال شوف كيف حفن كرعي
وانا اتبشتنتا يااااااااااااا خلاي
فوق درب الوصافة الني
...
بقت لى مع الهلال قصة
مخلفة فوق جروحى الكي
غزالهم ما غزال نافر
يحلق فى خلاهو الصي
...
ولا قادر افيق وارجع
ولا قادر ادارى البي
واشوف غيمك انا العطشان
واقول هسع يجيني الري
...

يا حليلى انا حليل ايام سعادتي معاك وكت
كان الزمن بسام يشاور لى دوام ضحاك
يضمنا كان هدوء الليل هو لا حس همسة لا كوراك
لقيت يا قلب زولك بعد وجعك لقيتو دواك
اتاريهو الزمن دولاب قسي ورجعني الف سنه ...

طريتا انا
طريت سيكافا بين اهلها
وكت تنزل وكت تطلع
مع الحوب يجتمع شمِلها
تمد ايديها للسيمبا
تداعب للجريد قبلها
وماهماها زولا فات يقاسي الغربة من اجلها
...

انا المآساتي ما بتتقااااااااال
في الابطال لقيت الجيش
ولما صعدتا جيت الطيش
و في سيكافا طالع بيش
وسيمبا الحطم الآمال