مشاركات الود جعلوتا منذ ان وطئت قدما منتدى الرياضة (الجزء الاول)

السادة في منتدى الدناقلة هذه احدى المشاركات التي طالها الحذف وبعدها كل مشاركاتي لنرى ما اذا كان الجعلتي اخل بالشروط التي من خلالها تم قبول عضويته
الاحباء في منتدى الدناقلة يحيكم الجعلتي من استاد الهلال بام درمان ويستضيف شيخ المعلقين العرب عصام الشوالي بين شوطي مباراة الهلال والصفاقصي على نهائي الكونفدرالية
استاذ عصام مرحب بيك في وطنك الثاني السودان
مرحب بالجمهور السوداني وجمهور الهلال ومنتدى الدناقلة
استاذ عصام ماهو شعورك والشوط الاول قد انتهى بتقدم الهلال بهدفين
والله انا احب جمهور الهلال ولكن انتمائي لتونس يجعلني اتمنى ان يعود ابناء صفاقص والعبرة بالخواتيم
استاذ عصام يقولون انك مريخي الانتماء مارايك
ردعلي بابتسامة وبلغة تونسية ما معناه حد يشعر بالسعادة يمشي يختار البعاد
شكرا استاذ عصام والشوط الثاني على وشك البدء
وتركناه يقول
سيداتي سادتي يحيكم الشوالي من استاد الهلال بام درمان او كما يسميه جمهور الهلال مقبرة الابطال وننقل لكم الشوط الثاني للنهائي الحدث بين سيد البلد وابناء صفاقص
كان معكم الجعلتي من امام مقصورة استاد الهلال ونعود لكم بعد انتهاء الشوط الثاني
لكم الحكم احبتي وانا في انتظار تحليلكم وارائكم المحايدة انشاء الله
لك احترامي وشكري
بسم الله الرحمن الرحيم
بدا عرض فيلم الرعب الهلالي بسينما استاد الهلال ومعكم الجعلتي ينقل لكم لقطات من كواليس الفيلم
انتهت المباراة بفوز الهلال بثلاثية نظيفة ففي الشوط الاول أداء جيد للهلال ونجم هذا الشوط المحترف أبراهيمه توريه بدون منازع ومعه الحارس جمعه وفيه اضاع أتوبونج أهداف مضمونه لكنه تحرك بدون كرة بشكل جيد وفتح مساحات في الدفاع الكيني وفي الشوط الثاني تحرك الهلال في كل الاتجاهات وضغط على الفريق الكيني وتم أحراز ثلاثة أهداف بواسطة 2 سادومبا و واحد لبشه وتحرك كاريكا وبكري بشكل ممتاز
وقد شهد الفيلم - ممنوع إصطحاب الاطفال. في بادرة هي الاولى من نوعها يعني الجواب باين من عنوانو رعب تقيل وذلك منعا للهلوسة
وهكذا سادتي دشن الهلال اول افلامه بعد ان تاهل لدور المجموعات وذلك في اطار استعداداته لملاقاة انيمبا النيجيري بمعقله بمدينة كادوقلي عفوا بمدينة ابا وقد شهد الفيلم حالات اغماء شديدة وهضربة تراوحت اسبابها مابين الهلع والفرحة
كان معكم من سينما استاد الهلال الود جعلوتا

المريخ يواجه المان يونايتد

من طرف الجعلتي في الأربعاء يونيو 29, 2011 10:55 pm

الجعلتي جا ماشي في السوق العربي يتقدل وبدندن
ليه تسيبنا ياحبيبنا
وفجعة كدة يشوف ليك بالبونط العريض المريخ يواجه المان يونايتد
شعر راسو وقف صوفة صوفة يعني الباشا ومصعب عمر حيواجهو روني وكريستيانو
هوي يالجعلتي بطل الاستهبال
انت ماعارف كريستيانو مشى ريال مدريد
والله غايتو يالهلالاب بتعملوا في عمايل
طبعا لانو الجريدة مريخابية والجعلتي كان متوضي وبرضو كان الشمار حارقو
وفجاة كدة ربك رب الخير يرسل ود يوسف محمود
احمد يوسف الله جابك تعال شوف لي حكاية المان دي شنو اصلي متوضي
اها احمد ذاتو طلع متوضي
اها والحل
قام احمد فكر مشى جاب جونتيات وبدا يقرا
يواجه المريخ في بطولة سيكافا ......اقيف اقيف يا احمد يا اخوي
في سيكافا المان الجابو شنو؟
اقول ليك بكون المان قلع النحل
هسع قلع النحل ذنبها شنو
واصل
المان يونايتد الصومالي
قاااااااااااااااااااااااااااااااااااااادر الله كما يقول الحبيب محمد عبد الماجد وحبوبتي
والله كلام الحمام بقى يركب ريش نعام
قال مان قال
اها يا جماعه الجعلتي ودع ود يوسف محمود
ومشى يدندن
سيكافا يا سيكافا
سيكافا يا سيكافا
سيكافا يالجيناك تحلينا
سيكافا يالجيناك بدل فاقد
سيكافا يا سيكافا
انا خايف يا سيكافا
جيناك تغنينا تقلعي طواقينا
كان معكم الود جعلوتا من امام مطار الخرطوم في استقبال العائدون ومعهم كاس المجاعه



والله غايتو جنس حاجات
اها ياجماعه الجعلتي الليلة جايكم بي شيتن كتر
الباشا : الحلبي دا طول لسانو وقال نحن ما عندنا طموح
مصعب عمر : لكن ما ادبناهو قونين زي السم
الباشا : ما كفاية
مصعب : يا الباشا يا اخوي كان جبنا قون تاني بتبقى ظاهرة
الباشا : اها والحل
مصعب : كدي نشوف السعودي
الباشا : اها يا السعودي رايك شنو تخش معانا نادب ود كفر البطيخ دا
السعودي يحك راسو
ما عندي مانع
ويتم الاتفاق
كان معكم الجعلتي من داخل معسكر المريخ

خارج النص
معقولة بس تعملوا كده في عمكم العجوز وما تراعو فارق السن
عاد دا كلام دا
حتى سيكافا
انتو عارفين دي حمى جديدة اسمها الحمى الاتوبونجية
قالوا دي اعراضها كدي عشان نكون علي بينة نستضيف ليكم خبير الحميات احمد يوسف
الجعلتي : السيد احمد يوسف ما هي اعراض الحمى الاتوبونجية
احمد: والله هي حمى تبدا عادة بي كبكبكة وعدم توازن وفقدان للاتجاهات
وهيجان في حالة ذكر اسم اتوبونج وربما حتى تذكره في خاطرة اللاعب يسبب هذه الحالة
الجعلتي :يعني احتمال انو يكون الفريق اليوغندي ذكر اسم اتوبونج قدام السعودي
احمد :وارد جدا
شكرا احمد يوسف خبير الجميات بمنتدى الدناقلة والى لقاء اخر
سيكافا يا سيكافا
سيكافا اخر هيافة
سيكافا يالبقى دفاعنا هدافا
عاد دا كلام دا
الجعلتي راجل ظريف جنو وجن سيكافا والمريخ
يسال في الناس الحالة كيف
والله الحالة ما معروفة كيف مرات تمش ومرات تقيف
الاسد النتر بي جاي دا اخوي شقيقي براي

من طرف الجعلتي في السبت مايو 07, 2011 6:51 pm

الف الف الف الف الف مبروك
هلالنا ولعها
هلالنا شعللها
وللللللللللللللللللللللللللللللللللللللللللللللللللللللللللللللللللللللللعت يا احمد يوسف
خش خش انا شايفك جاري
ارح
يلا ياعم محمد حسن
هوووووووووووووووووووووووووووووووووووووووووي ياناس
نحن اسياد البلد
نحن ابطال
غلبنا جزيرة الفيل اقصد الافريقي
هلا هلا
دق النحاس
صوت النحاس رزا الفارس نتر والخاين اتنحى


يا غرق يا جيت حازمة

من طرف الجعلتي في السبت مايو 07, 2011 6:55 am

الليلة وين هلالنا يملا العين
الليلة شماته بابو
اليوم ينزل سيد افريقيا الى ساحات النزال ولسان حاله يقول يا غرق يا جيت حازمة
اليوم اخوة سيدا سيسطرون التاريخ
ياااااااااااااااااااااااااااااااارب
نحن هنا يا ناس الجزيرة خليكم في الفيل ونحن بنعشق الاسود

من طرف الجعلتي في السبت مايو 07, 2011 5:50 pm

عجبوني الليله جو
الكورة سمحة
واولادنا سمحين
هنا وهناك رايح جاي
سا سا سادومبا كا كا كاريكا ووووووووووووووولللللللللللللللللللللللللعت
ونحن وحدنا من نمنح هذا الشعب معنى ان يعيش وينتصر
ويارب الشوط التاني ينتهي ونحن مولعنها عشان الليلة ياود يوسف محمود ويا عم محمد حسن نقلب ليكم المنتدى ازرررررررررررررررررررررررررررررررررررررررررررق
ودقت ساعة النصر باكتمال الهلال ...دخلوها وصقيرا حام

من طرف الجعلتي في الأحد أبريل 24, 2011 1:09 pm

سم اب درق البصقع
جدري القيع البفقع
صوتك مانع برقع
الطيب في شطارتو مبدع

انا ليهم بقول كلام
دخلوها وصقيرا حام

سم اب درق الجدادي
ثُكل الجدري البعادي
للخصيم ضربو بيازي
موسي المر الحجازي

قرقر ملا للوسادة
برنو و شال لي مكادة
ديل جنياتنا الندادة
سيدي الدارفي السيادة

انا نميت جب غناكم
يا البينين هوي براكم
البدوركم وراكم
حلق الطير لي غداكم
الصف العامر رجاكم
اتباشروا لبناكم
اركزوا زينب وراكم

انا ليهم بقول كلام
دخلوها وصقيرا حام
ابشروا ابشروا .........ودقت ساعة النزال والابطال يستعدون مساء اليوم لاضافة ضحية جديدة للمقبرة .
اليوم سادتي يستضيف سيد البلد اخوتنا التوانسة .. واخوتنا دي حقيقة عشتها ابان الثورة التونسية ونحن نتمنى لهم النصر في ثورتهم وقد انتظرنا معهم اللحظة التاريخية وهرمنا هرمنا معهم ولكن الليلة الثورة حقتنا والليلة نحن ضدهم وسنهزمهم شر هزيمة الليلة سننثر الفرح في ربوع ام در
وربوع السودان
اليوم سادتي السودان يتكلم كورة واللون الازرق طاغي ونحن الليلة على اهبة الاستعداد
ابشروا
ابشروا يا هلالاب
ابشر بالخير ياعم محمد حسن الطيب
ابشر بالخير يابو الزعيم
ابشر بالخير يا احمد يوسف
الليلة تعرض ساي يا احمد يوسف
هع هع هع ابشر
اليوم اخوان سيييييييييدا حالفين يجندلوا الافريقي
واعجبني حقيقة سلوك الهلالاب ورئيسهم وهم يحتفون بالتوانسة
اعجبت بالروح الرياضية السائدة فهم لم يذبحوا جدادة وياكلوها نية عند استقبال الافريقي
كما استقبل الترجي من قبل
استقبلوهم واكرموهم الكرم السوداني وحنكرمهم كمان في الميدان

ارفع راسك انت هلالابي
اقوال الصحف الرياضية ليوم الغد

من طرف الجعلتي في السبت أبريل 02, 2011 9:21 pm

بسم الله الرحمن الرحيم
اليكم عناوين صحف الغد الاحد 3-4-2011
جريدة الصدى
اي دمعة حزن لا لا
جريدة الزعيم
نهواك في كل الظروف
جريدة السوبر
لن نوالي غير الوالي

اما في اعمدة الراي
كبد الحقيقة
مزمل ابو القاسم
يحتجب لظروف خارجة عن الارادة
في السلك
بابكر سلك
مشى الحتانة
اوف سايد
حسن محجوب
مشى نيو سايد
كان معكم الجعلتي

اها يالجعلتي خليت كل شئ وقبلت علي وزارة الشباب والرياضة
قرار رقم 1- منع منتخب الاخفاقات الوطني من اللعب
قرار رقم 2- جلد مازدا 100 جلدة
قرار رقم 3- تحويل سفاري للعمل بتاع كارو بعد البطحة البطحوها ليه
قرار رقم 4 - اها يالجعلتي ياسيادة الوزيربهاء الدين ده بتاع كارو ما بنفع اها بتعمل شنو
بقول ليه (رووووووووووووووووووووووح منك لله )
واصل منتخب الوطن اخفاقاته وخذلنا اشد الخذلان ومع مين مع كينيا بالخسارة بهدف من ضربة جزاء

سواة العاصفة بي ساق الشتيل الني

من طرف الجعلتي في الأربعاء ديسمبر 22, 2010 11:52 am

هلا هلا هجوم زي النار ينطبق عليه قول الشاعر ابو قطاطي في اغنية فنان افريقيا الاول( سواة العاصفة بي ساق الشتيل الني) ساسا , مدينة , كاريكا ,فليكس والبلدوزر عبده جابر
لا حضري لا واوا لاغيرو كاسحات الغام بس
احمد يوسف يا اخوي و الله الا ميشو دا يبقى حاوي حتى يقدر اختار بين الدبابات دي
قولت هجوووووووووووووووووووووووووم دي الا سفاري يجيهو وجع ركب والحضري حصوة
شطب احمد يوسف

من طرف الجعلتي في الأربعاء ديسمبر 15, 2010 3:35 pm

يعتزم السيد احمد صالح ابو لين اليوم من خلال الاجتماع المقام حاليا بشطب السيد احمد يوسف محمود من كشوفات المنتدى وذلك لتاسيه بعبد الحميد السعودي من حيث كثرة الغياب وينك يا ابوحميد مشتاقين ياراجل
كان معكم نملة المنتدى الجعلتي من اما م مكتب ابولين
رسالة الحصاحيصا

من طرف الجعلتي في الأحد نوفمبر 07, 2010 4:25 pm

الو الو مراسلنا الجعلتي من استاد الحصاحيصا
مرحبتين الاخوة في منتدى الدناقلة
انتهى شوط المباراة الاول لمباراة الهلال والنيل الحصاحيصا بتقدم الهلال بهدفين مقابل لا شئ احرز للهلال خليفة احمد في الدقيقة 29 وكاريكا في الدقيقه الاخيرة من الزمن بدل الضائع
الاجواء بديعة هنا في الحصاحيصا وقد لبست احصاحيصا حلة زاهية احتفاء بمقدم سيد البلد وقد امتلات الشوارع باعلام الهلال كما امتلا الملعب ايضا بالجماهير القادمة من مختلف انحاء ولاية الجزيرة
وسيوافيكم الجعلتي بالاحداث اولا باول
كان معكم الجعلتي من داخل استاد الحصاحيصا
شكرا الاخ الجعلتي من استاد الحصاحيصا والا ان نلتقيك في رسالة الحصاحيصا عقب نهاية المباراة
رد: رسالة الحصاحيصا

من طرف الجعلتي في الأحد نوفمبر 07, 2010 10:16 pm

ناسف احبتي للانقطاع وعدنا لكم
استمر الشوط الثاني مع ضغط مكثف لاصحاب الارض بغية ادراك التعادل ولكن تكسرت الهجمات تحت اقدام مدافعي الهلال وحارسه الامين الا ان ادرك النيل الهدف الاول من ضربة ثابتة اثر مخالفة من علاء الدين يوسف تصدى لها التعايشة واثر الخروج الخاطئ للمعز سكنت الكرة الشباك واستمرت المباراة هنا وهناك الا ان اعلن قاضي الجولة نهاية المباراة بانتصار الهلال وارتفاعه بنقاطه الى 64 نقطة في المركز الثاني مع وجود مباراة مؤجلة مع حي العرب
كان معكم الجعلتي من منزله بحي دردق
الىىىىىىىىىىىىىىىىىى لقاء
رد: رسالة الحصاحيصا

من طرف الجعلتي في الإثنين نوفمبر 08, 2010 3:47 pm

مرحب بكم الاهل في منتدى الدناقلة
العم محمد سليمان ونظرا لوجود الجعلتي في مسرح الاحداث طلب رؤية للهدف الاول على لسان الجعلتي
طيب جدا كرة منفذة من البرنس حفظه الله ورعاه وارتدت من الحارس وجدها خليفة واسكنها الشباك ورايي انه هدف رائع ويستحق ان يكون هدف الموسم

واللاعب الوقع داخل 18 دي دايره خبير تحكيم ونظرا لان الدناقلة بها خبراء تحكيم 2 نستشيرهم والله اقول ليك حاجة ديل مامحايدين استاذ الصادق حايقول ضربة جزاء قبل ما تسالووعادل حمراي حيقول ماضربة جزاء
خلاص ما مشكلة نشوف الطاهر محمد عثمان ورايه شنو
الداخل اليها مفقود مفقود

من طرف الجعلتي في الأحد أكتوبر 31, 2010 11:32 pm

كان الفرح واضحا على المشجعين السودانيين بتونس
طبعا الجعلتي ده زول اي حاجة لازم انظر فيها
اها يالجعلتي خليت كل حاجة وقبلت على المشجعين
ياخ الشفقة تطير اصبر
طبعا الجعلتي استغرب ياخ مغلوبين وتفرحوا
اها قامت المباراه انتهت والهلال مغلوب
فجاة كده اللعيبة قاموا يتقالدو ويهنوا بعض
وهاك ياسجود شكر وقسم غي ملعب التوانسة
طبعا هنا يا اخوانا الجعلتي نقحت عليهو عادتوا
القديمة ود صلاح ادريس دة قام قرر انو يتصل بي ميشو
يعرف منو النتيجة امكن التلفزيون غلطان وبالمرة يعمل سبق صحفي
الووووووووو مستر ميشو
الووو الجعتي مالك يازول
انت المباراة انتهت كم
ما واحد صفر
لينا ولا ليهم
الجعلتي الظاهر الهزيمة جننتك ليهم طبعا
طيب اولادك ديل شنو الفرحة الليهم
يا جعلتي ياحبيبي ده اسمو عندنا في صربيا
تحطيم المعنويات
كيف
ايوا طيب لمن فريق يكون مغلوب ويعمل كدة معناها
اوع تجونا هناك لانو نحن حنكفنكم وندفنكم دفن الدفن
انت كمان عرفت الدفن
طبعا ياود ياجعلتي اصلوا انا متخصص دفن
وهسع انا بستعد لدفن الضحيتين الجايات
عرفنا ضحية واحدة اها التانية دي جبتها من وين
التانية دي يا جعلتي خليها في سرك
يعني يا ميشو ارهبتوا الجماعه
طبعا دا نحن حندفنهم دفن هم ومعاهم الشوالي
لالالا الشوالي خليهوا بعد اعمل معاهوا اللقاء
قلت كدة
تيت تيت تيت
ياسلام الخط قطع كدي النحاول تاني
عفوا هذا الرقم مشغول حاليا بالاستعداد لدفن
الضحيتين الجايات نرجو النحاوله بعد يوم 14

والله كلام بعد ده با جعلتي تسمع ليك غنية بي مزاج
جلست والفرح بعينيها تتامل فنجاني المقلوب
قالت استادك ياولدي مقبرة الداخل اليها مفقود مفقود
وكمان محمول على نعش مرصود

كان معكم الجعلتي من ....... الدناقلةالىىىىىىىىىىىىىىىىى لقاء
ما اجمل السبعات

من طرف الجعلتي في الثلاثاء أكتوبر 26, 2010 10:41 pm

حليل الرومان المساكين ,انه حظهم العاثر الذي اوقعهم في براثن اخوة سيدا
وبالرغم من الهزيمة نقول كما يقول امير المعلقين السودانيين لولا براعة الحارس لمني الرومان بهزيمة ثقيلة
خذلني اخوة البرنس فقد توقعتها الكوتة المعتادة ماركة الستات ولكن ابى كاريكا الا ان يقول لي اها يالجعلتي نكاية فيك وانت عامل فيها الاخطبوط بول الا اسويها سبعة
والجميل انو الرومان اتحيروا يمسكوا منو ويخلوا منو الهلال بقى اي لاعب بجيب قوون واي لاعب هداف حتى المعز عزنا عندو هدف
ونتمدد في شواطئ الفرحة (ما عشان غلبنا الاتحاد) لاننا اصبحنا نستمتع باللمسات الساحرة
البعد الرومان يستعد ويجهز متاريسو للزحف الهلالي
ونتشوق لنزور الحصاحيصا ونروي ظمانا طبعا للوكت داك بيكون الصفاقصي اخد الفيها النصيب

missed call :
الو سيادة الريس يوسف محمد يوسف انتو دولاب الكاس جهزتوا
يالجعلتي انت مالك مغلبنا الممتاز دا ماداير دولاب بقعد مع اخوانو
ياخ ممتاز ايه اللي انت جاي تقول عليه
نحن بنتكلم عن كاس السوبر ياريس
عشان كاس الكونفدرالية دا مايشكو من الوحدة مع انو نحن ذاتو الكونفدرالية ما عاجبانا



_________________