نكات جديدة لنج

1-واحده عجوز مشت للجيران للزياره لقت الولد قالت
ليهو كلبكم فى رد عليها و قاليها مافى
الحاجه خشت كده لقت الكلب قعدت تكورك بوبى بوبى
انا مانى حبوبتك

2-قال ليك فى واحد عندو موتر يوم كان مركب صحبو معاهو قعدوا يتشاكلوا الاتنين منو الى يقعد جنب الشباك............

3-قالوا فى قرد عيان راقد فى المستشفى، جا واحد صحبو يسال الدكتورالقرد مالوقال لي: واللهى القرد ده بين الحياة والموز.

4-جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة

5-واحد بخاف من الكلاب موت وبتخيل ليه انو الكلب بعضيه
خصوصا لو مر بي جنبو
فيوم جاي راجع من حفلة آخر الليل وصحبانوا مقدمنوا
لحدي باب البيت عشان عارفنيو خواف ولمان وصلوا
قالوا ليه طيب يا حنو سلام للصباح
قال ليهم مع السلامة
جا يفتح الباب خت كراعوا فوق كيس الوسخ
وقعد يكورك
جر جر جرجر
[قصة حقيقية]
6-في واحد دخل مطعم بيتزا هت طلب قراصه!

7-في واحد دخل مطعم بيت الدونات الأمريكي طلب لقيمات!

8-واحد جعلي وقع في بير قام جا واحد شايقي نزل الدلو الجعلي مسك في الدلو الشايقي نشل الدلو حتي عتبة البير الجعلي شاف الشايقي عرفو من شلوخو قام طلع سكينه وقطع الحبل


انا هنا بسأل سؤال ماهي العداوه بين الجعلي والشايقي؟؟؟؟؟؟؟؟؟

مافي زول عاوز يجاوب ولا حتى عاوز يرد ....... لكن بواصل

٩-في زول دخل غابة وشايل معاو كمنجة سحرية قالو ليو كلما يلاقيك اسد اعزف بالكمنجة الاسد بنوم طوالي.جاو الاسد الاول عزف بالكمنجة الاسد نام طوالي وجاو التاني عزف ليو نام طوالي بعداك جاو اسد كبير شديد صاحبنا عزف المرة الاولى مانفع و التانية و التالته يحدي ما الاسد ضربو جدعو بعيد كان في قردين في الشجرة الأول قال للتاني ما قلتا ليك الأطرش بضيعو .


‏١٠- (قصة حقيقية) قال ليك في زول اسمو (.....)الزول دا ضخم وعريض و سمين جدا وساكن عزابي مع اصحابو ... يوم جابو ليهم مره تغسل ليهم هدومهم جابوا ليها الهدوم وبقت تعد فيهم ( فنيلة خمسمية قميص خمسمية بنطلون خمسية ) صاحبنا عندو سروال طويل المره الغساله شالتو وقالت ناموسية اتنين الف

١١-‏ مسطول فات لي عزاء ولقى اهل الميت ما مسلمين ما عرف يعمل شنو قرا ليهم سورة الكافرون وفات.

١٢-‏ مسطول لقو حيران سألو مالك قال ماعارف واعد لي واحد الساعة اتنين ولا اتنين الساعة واحد


١٣-‏ اتنين سكارى بتكلمو مع بعض الاول قال لي التاني : والله انا الكاس الأول دا بقى يجهجهني جهجهه شديد وبقيت ما بستحملو خالص. التاني قال ليو: شوف اي حاجه بتجهجهك وبتعبك خليها الكأس الأول خليو خش في التاني طوالي.

١٤-‏ في واحد طويل طول شديد عمود كهربه بس . ويوم يجي ماش في الحلة بكشف البيوت كلها وبسلم على الناس في نص بيتهم _ ازيك يا حاجه , وين يا فرده _ الناس المتعقدين مرقوا خلو الحلة بس يوم في ناس جو سكنو جداد في الحلة وعندهم امهم نباوية عجوزه راقده في نص الحوش بس صاحبنا جا ماري بي جنبهم وسلم على الحاجة _ قامت قالت ليو يا ولدي برك (قعد) الجمل وتعال بالباب.

حلوة يا ارسود وعشان اوريك العداء بين اهلك والجعليين هو التنافر فى الطباع والعادات خد بعض الامثلة:-
1/الشايقية جبناء والجعليين شجعان
2/الشايقية بخلاء والجعليين كرماء
3/الشايقية جميلين والجعليين شينين
4/الشايقية بيحبوا يتأمروا على الناس والجعليين بيحبوا يخدموا الناس
5/الشايقية تجسسوا على الجعليين لدى الاتراك فى حملة الدفتردار التاديبية بعد حرق الجعليين لاسماعيل باشا(هده من عندى والباقى من واحد جعلى اصل بلاده)
6/الاستعمار الانجليزى وكدلك الاستعمارالتركى عند دخولهم السودان لم يجدوا مقاومة من الشايقية بل وجدوا المساعدة والتجسس على بقية القبايل
ارجو ان اكون قد رويت بعض ظمأك
الزول الضخم دا هو فضل الله والسروال ما حقه شحده من صاحبه مع تحياتى للجميع

مشكوووووووور على المرور عم محمد ..

عمي فضل الله دا كمان قصتو براو....

نكات جميله تغسل ماعلق بالنفس من اتعاب الحياه اليوميه وتدخل البهجه في الروح وبالمناسبه للشعر ايضا مفعوله السحري علي النفس

مشكوروالله نكات جميلةجداً

تكاتك جميله جدا اكثر من رائعه وشكرا

مشكوريين على المرور و هاكم ديل برضو :
-1 ‏‎واحد مسطول مشى الحج وصل رمي الجمرات غطى وشو الناس سألوه ليي غطيت وشك قال ليهم عشان ابليس ما يعرفني يمكن بعد ارجع احتاج ليو ؟!

?- كلب جاتو نفسيات لأنو اكتشف انو بينبح على حرامي اطرش

?- مسطول سالوه ماهي اجمل صدفه في حياتك ؟ قال:انا ومرتي عرسنا في يوم واحد

?- مسطول بجي البيت متأخر بتلب بالحيطه جات مطره وقعت الحيطه جا لقاها واقعه قال هسي الزول إتلب بي وين!!

?- مسطول خطب خطبة الجمعه بعد ما انتهى سأل صاحبو رأيك شنو فيني؟قاليهو:كويس بس عندك غلطات: أولآ ألمنبر عندو سلم ما في داعي تتلب،،وبعدين حكايه السيجاره بين الخطبتين دي شنو،،وماحصل سمعنا بي صحابي إسمو تامر،،وبالنسبه لأبو جهل صاح كافر بس كلمة ودالحرام دي مافي ليها داعي،،و الملك فهد ما شارك في غزوه أحد،،غير كده كنت ميه ميه أهنيك حقو يبقوك إمام

?- ( قصة حقيقية )
واحد بتاع هزل وضحك من ناس بركات ( مدينة جنوب الجزيرة ) جا البيت متأخر لمن دخل لقا مرتو راقدة في عنقريب في الحوش ولابسه ليها عباية سوداء صاحبنا قلبا بي عنقريبا في الارض و مرتو صحت مخلوعة وقالت ليو : اجي يا راجل دا شنو العملتو دا
قال ليها : والله كنتا قايلك غنماية

?- كان في سيرة بي بص سياحي شايلة حاجات عرس مودينها لمكان بعيد في السودان ، البص كلو نسوان الا اربعة رجال راكبين قدام ، في نص الشارع لاقوهم ليك قطاع طرق وقفو البص وقتلو الرجال وخلو البص نسوان بس .
قالوا ليهم الليلة بي حاجة عرسكم ودلوكاتكم حتعرسو كلكم هنا والعرست تعرس تاني . في واحدة بايرة بورة صعبه قالت ليهم احنا راضين بالواقع لكن حبوبه دي تعمل شنو . حبوبه قالت ليها : اسكتي اسكتي قالوا كلكم كلكم

?- دا مولود في الحواشات من قام صغير في الزراعة .. القسمة جابتو جامعة الخرطوم كلية الزراعة ، مولود في الزراعة وشالو جامعة الخرطوم كلية الزراعة ، اسبوع واحد بس قالو ليو ترجع تجيب رسوم الدراسة فات قعد عند اهلو شهرين ، اصحابو قالو ليو انتا اتأخرتا كدا ليي يا الجيلي قال ليهم: والله بس ظروف في البيت ؛ الاعلاف بعناها و ستة شوالات فتريته بعناها والمحصول بعناهو وجبتا القروش وجيتكم ، فتونا كتير في القراية ؟ الطالب قال ليو احنا طبعا ادونا البرسيم و ابا ستة وابا عشرين على ما اعتقد السلوكة
الجيلي قال ليهم دي القراية القريتوها في غيابي الطالب قال ليو بس احنا قرينا كد .. الجيلي قال ليو كان كدا اقرو ساي انا جاييكم مع الدقاقه.

?- واحد سوداني سألوه اول حاجة بتعملها بعد تقوم من النوم شنو قاليهم : برتاح شوية

??- واحد عندو بنت شينة شنه شديدة قاليها مش انا ابوك حأعرس ليك .. مش اشترى بوكسي ???? على الزيرو وقفو قدام الباب ، البجي يعرسها يشيل معاه البوكسي .. اي زول بجي يشوف البنت تاني ما بجي . في اتنين ما عارفين حاجة واحد منهم دخل يشوف البنت جا طالع مغمض ..صاحبو قال ليو عارفها شينة لكن انتا عاين لي مستقبلك وعاين للبوكسي دا.. صاحبو قال ليو : انا المره ما مابيها والبوكسي ما مابيو بس اولادها اجيب ليهم بكاسي من وين.....

أقول الجد والله أنا كنت في حالة لا أحتاج معها إلا لمثل هذه الضحكات التي وهبتني إياها

جزاك الله خير ودمت ،،،

بالجد البوست ده برفه للزول
واديكم مشاركتي

1/ في حنكوشه طارت منها عصافير واحد اخضر وواحد اصفر ركو في شجره وما قدرت تنزلون جاء مسطول ماري قالت ليه لو سمحته يا عمو ممكن تنزل لي العصافير من الشجره قال ليها الشجره ياتا الشجره دي يا عمو طلع قال ليها العصافير وين قالت ليهو العصفور الاصفر اليمينك ده يا عمو خمش العصفور لمن قرب يموت ونزلو ليها قالت ليهو والعصفور الاخضر الشمالك ده برضو ياعمو قال ليها وينو ده قالت ليهو ايوه قال ليها لكن ده لسه مانجض

2/ مسطول سكاهو كلب جاء يحكي لصاحبو قال ليهو كنت ماشي لي في كلب لاقيت لي شارع عفصتو في جلابيتو شرط لي ضنبي

شكرا على هذة الدعابة الجميلة ربى اديك العافية

تشرفنا بمروركم الرائع مزمل\محمد\نبيل.....شكرا على النكات الجميلة محمد يوسف......و مرحب بيكم اخواني نبيل ومزمل بين اهلكم وعشيرتكم .........
ونديكم النكات دي برضو:-

-1 واحد احوص اشترى عصفور احوص .. عاوز يدخلو القفص ختاو بره و العصفور بدل ما يطير دخل القفص..

-2 مسطول دخل يدو في موية نار لمن طلعها لقاها ماف دخلو راسو يشوفها فاتت وين ..

-3 مسطول عمل عملية تجميل و فات لي اهلو قعد يضحك قال ليهم : والله العظيم ما عرفتكم ..

-4 ابكر وحفصة عرسان وقاعدين في الكوشه .. حفصة ماشه ترقص قالت لي ابكر : ابكر اهجز(احجز) كرسي بتاعي

‏ -5 واحد اهبل صاحبو ضربو كف قالو جد ولا هظار قالو ليو جد قال احسن لأني ما بحب الهظار

-6‏ مسطول نسى مفتاح العربية داخل العربية ، قامو فتحو ليو الباب بي علاقه ملابس فات نسخ العلاقه

-7‏ مسطول فات لي مطعم قال ليهم عندكم شنو قالو ليو : قفلنا
‏ قاليهم طيب ادوني واحد قفلنا و واحد بيبسي

-8‏ ‏ لغز بتاع مسطول ( اذا كان القطار يسير بسرعة 20 كلم/ساعة فكم عصفور في الشجرة اذا كانت الكوكا كولا بي 50 قرش

-9‏ مسطول شاف لي واحد ياباني قال ابن اللذينا شبعااااان نوم

-10سكران سأل مسطول قال ليو ايهاب توفيق و محمد وردي اخوان ؟ المسطول قال ليو لا لا بس تشابه اسماء

-11‏ مسطول كافر قال الحمد الله ... صاحبو قاليو احنا كفار
قاليو نسيت استغفر الله

12‏ ‏- عاوزين يمسكو اي جنوبي و يرجعو جنوب السودان قالو ليهم كان عاوزين تعرفو الجنوبين خليهم يقولو زيت اذا قالو جيت معناها جنوبي ... في واحد جنوبي عرفهم بعرفو الجنوبيين كيف قام فات اتعلم يقول زيت ما جيت .. بعد ما اتعلمها الجماعة مسكو وقالو ليو قول زيت قاليهم زيت الجماعة استغربو الشكل شكل جنوبي واللسان لسان ود عرب قامو سألو زيت شنو قاليهم : زيت جمجم ( قصدو زيت سمسم)

-13‏ مسطول فات المسجد ولسوء الحظ الامام ما جا . الناس قدمو المسطول عشان يصلي بيهم .. قام صلى بيهم بعد انتهت الصلاة الناس قالو ليو والله صلينا معاك صلاة سمحة قال ليهم الحالة بدون وضوء

بسراحه بسراحه بسراحه هههههههههههههههههههههههههههههههه
يديكم الف مليون عافيه ويجعل ايامكم كلها فرح وضحكات
وشوكرن تقبلوا مروري
بس عندي كوتشن لو ممكن ياللارسود ده منو الزول السمين الي حسبوا ليهو السروال ناموسيه ؟