مين فيكم مسلم

دخل رجل إلي مسجد وهو يحمل سكين بيده وقال للمصلين مين فيكم مسلم؟
سكت الجميع وفجأة قام احد منهم وبكل شجاعه قال انا مسلم

فأخذه الرجل خارج المسجد وقال له عندي خروف عايزك تزبحو وتسلخو لي علي الطريقه الإسلاميه فزبحه له الرجل وقال له شوف ليك واحد تاني يسلخو ليك

فدخل الرجل مره ثانيه للمسجد وهو يحمل السكين ممتلئه بدم الخروف وقال مين فيكم تاني مسلم

فسكت الجميع واشاروا بأصابعهم علي الامام

فقال الإمام قلتو ششششنو ههههههو يعني عشان صليت بيكم ركعتين خلاص بقيت مسلم.

‏(اللهم ثبتنا علي ديننا)

الموت حق ودا امام شنو دا --- في مصر في امام بصلي بالمسلمين فترة طويلة من الزمن كل شي ف مواعيدو --- بعد كذا اكتشف بانه مسيحي --- وانما كان امام لانه محتاج للشغل ولك تحياتي

بمناسبة مين فيكم مسلم. واحد وصاحبو الشليق ماشين مشوار في الطريق الواحد قال للشليق عندي أصحاب عندهم عزا نغشاهم في الطريق، أوّل ما دخلو الشليق طوالي... الفاتحه الفاتحه الفاتحه، داك لحقو سريع وهمس ليهو: أسمع الجماعه ديل ما مسلمين. طوالي الشليق واصل رفع يديهو وقرا(قل يا أيها الكافرون.......)هو هو هو

الاخت / ام سيف لك عاطر التحايا علي القفاشه الظريفه دي حقيقه مضحكه وتحمل في جوانحها رساله كبيره جدأ اللهم ثبتنا علي الاسلام وثبت الاسلام علينا. تقبلي مروري كوني في امان الله