موضوع للنقاش

لماذا اتسم التعليم في قرية الدناقلة ب الارهاب مع العلم ب ان المعلميين اكفاء ولكن يستخدمون الضرب والشتم امام تلاميذهم ....ومثل هذه العمليات من نخويف وارهاب وانبعاث القلق في داخل الطلب ....اثرت في كثير من الطلاب ...ومنهم من ترك المدرسة بسبب هذا الارهاب ... هل يظن هؤلاء ان التعليم ياتي ب التخويف والارهاب ... ومع العلم ب انو الناس أهل ...حقيقة هناك معلميين كانو هم السبب في ترك بعض الطلاب للمدرسة .... ونظام الارهاب هذا يستخدم منذ زمن .....بس انا عاوز اسألك سؤال ايها المعلم اذا قالو ليك هذا الشخص ترك المدرسة بسببك فماشعورك ؟؟؟؟؟

حقيقة الموضوع مالقي اي استجابة .... مع انو الناس عارفين انو الكلام دا حاصل في النهاية الكلام دا مابشمل كل المعلميين بس معلميين مخصصين ....وانا كتبت الموضوع دا تأثر لي احد الاشخاص الذي كان المعلم سببآ في خروجه من المدرسة ...وليس هو وحده ولكن كثير من الاشخاص ....لكن انا شايف انو الناس بقت بتكتم في جواها وتحاول تظهر البسمة للمجاملة ..... الناس مادايره تلتمس الواقع داييرين يظهرو ب البسمه الخاضعة التي تحتها الف خط والف سؤال ...علي العموم انا فتحت موضوع للنقاش وصيغة الموضوع بسرعه كان فيهو بعض الاخطاء لكن بتقري وتقريبآ الفهم وصل للناس ..... الحاجه البتمناها انو التعليم يتطور في هذه القريه الي اسلوب التعامل الراقي مع التلاميذ وعدم احتقارهم ....وانشاء العلاقات الطيبة بين المعلم والتلميذ .... حتي ينال كل شخص حصته من التعليم ... والله الموفق.

والله اشكركم بحراره الاخ نقد ..... والخال محمد ......... وكلامكم حقيقه عجبني شديد ..... وهذا يدل علي طيب اصلكم ....... وعلي الانقياد الصحيح والامتثال لي حقوق المعلم عليك ...... لكن هناك اشيئا يجب ان تذكر مهما كان الثمن ف الحق حق ....... فهناك تلاميذ لديهم الرغبه في التعلم ولكن كان الاستاذ حايل بينه لان هذا المعلم استخدم اسلوب عنف بث الرعب فيه ..... ومن شدة خوف هذا التلميذ كان يدخل الحصة علي اساس انها متين حا تنتهي ..... هنا كسر المعلم رغبة هذا التلميذ ....وليس العنف بأن يجلد الطالب ب الصوت فهذا من الامور المعتاد عليها ..... ولكن العنف هو استخدام اساليب الشتم الغير مقبولة .... واستخدام الربط ب الحبال فهل هذا يعد تأديب بل هذا تخويف ياخي (ربيط ب الحبال انا تور ) انا مابشر عادي ياخي زي وزيك .... هذا مارواه لي احد الاخوان .... انا مابنكر حق المعلم علي ليه الاحترام وليه التقدير وانا حقيقة ...بحترم كل المعلميين الذين تعلمت علي يدهم .... ولكن هذا التجسيد من ما حكاه لي بعض الاخوه ... وانا متاكد من انو في ناس هنا حضروا زمن (الربيط ) ايوا المعلم شاطر ومافيهو كلمة ...لكن وين الاخلاق ...فعملية التعليم اخلاق قبل كل شيء .... اذا كان صدر من الطالب سلوك اوتقصير فلديك الصوت ...فهو كافي ..... حقيقه في احتقار من مثل هؤلاء .... وشوف انت لديهم كيف تذكر ك معلم عندما يجتمعوت علي سيرتك .... كل لفظ انت قلتو هم بذكروا كلو عملية شنيعه ومؤثره هم بذكروها ..... يعني مافي سمات طيبة ...... وانا في النهاية رسالتي لي كل معلم انو يوافق في عملية التربية ب الاساليب المعتاده وان يجعل فهم ووصول المعلومة للتلميذ هيا الهدف الاساسي .... وربنا يوفق كل المعلميين بقريتنا الحبيبة واخراج من ابناء القرية نوابق ..... ولكم جزيل الشكر .....والله سبحانة وتعالي الموفق .

السلام عليكم و رحمة الله و بركاته

الموضوع حقيقة مثير للنقاش و يا ريت الزمن يرجع حتى يرجع إحنرام المعلم و ترجع للمجتمع أصالته (مين كان بيسأل المعلم فى عقاب الطالب و مين كان يأيد الطالب على الخطأ) لكن اليوم حدث و لا حرج

و أهلنا زمان بيقولو القلم ما بيذيل بلم ..........!
لكن المقولة تقريباً حاصلة فى زماننا هذا ...!!!

لكم كل التقدير
الأخوان:
أحمد
الطيب
محمد الأمين

العم وجدي الطيب نقد لك كل التحية والمحبة والاحترام وشكرآ علي هذا التوضيح القيم

الاخ وليد لك التحية والاحترام (الصاح صاح والخطأ خطأ) ونحن كلنا بشر غير كامليين والكمال والعزه لله عزوجل .... والناس بتغلط والغلط بتحل ب الاستمالة لي الراي الراجح .... وكلنا بنتحاسب مافي زول افضل علي زول كل الناس واحد.....لو رجعت ايام زمان ولا حاليآ ...مافي داعي لهضم حقوق الطالب .... والخطأ من الطالب يعاقب علية ب الطرية القانونية

لك التحية ياخال
حقيقه كلامك جميل آخذتنا في جوله تحكي عن ماضيكم الجميل وعن زكريات باقيه معك منذ زمن بعيد مما يدل علي ان هذه الزكريات لها مكانه خاصه عندك ....... حقيقه يعني المعلمين بختلفوا زي ماقلت في المعلم البترتاح ليه وبترتاح لي تدريسو حتي انت ما بتكون حاسي ب الزمن وحقيقه دا بيرجع لي انو هذا المعلم آجاد التعامل مع التلاميذ وفتح لهم قلبه .... وهناك المعلم الذي تكره سيرتو حتي دا لمن يخش الفصل الطلاب بكونو في حالة زهج منتظرين متين الحصه تنتهي إذآ هذا المعلم لم يجيد التعامل معهم ..... ... لكن يا خال زمنكم كان سمح ب الرغم من الناس كانت بتعاني وكان في قسوة في التعليم وصعوبه في الدراسه وصعوبه للطالب في الوصول الي المعلومه وصعوبه في القرايه لأنو الناس كانت بتقرا ب (المستوره) .... لكن يا خال انا بشيد ب زمنكم لأنو كان زمن الناس الطيبه الناس الحنينة ..... ولك التحيه والإحترام

الاخ/ احمد لك التحيه حقيقه والله موضوعك يستحق النقاش والمعلم مهما كان عندما يعاقب تلميذ لايريد التشفي بالتلميذ بقدر مايريد توجيهه وارشاده لكن قصة انو تلميذ اخلي مدرسه لي معلم دي صعبه شويه لانو المعلم في النهايه بشروله طاقة تحمل محدوده ومثله كالشمعه تحترق لتضئ الآخرين وهمه الاكبر انو تلميذو اكون متفوق دئمأ وزمان اخي احمد لو العقاب بشرد كان خلينا المدرسه زمااان لكن الرغبه في التعلم كانت اقوي لكن اولاد الزمن ده حقيقه رغبه في التعليم مافي ودلع شديد وقعد اعملو المعلم شماعه .
قم للمعلم ووفه التبجيلا *** كاد المعلم ان يكون رسولا
لك عميق مودتي اخي احمد.دمت في امان الله

الاخ سامي لك التحية والاحترام
ب النسبة لي التعليم اختلف وكل زمن ب جيلو لكن نحن ماجيل الدلع ممكن يكون جيل غيرنا .... والاستاذ ليو احتراموا حتي الان ..... بس نحن اتناولنا حقائق معينة في انواع العقاب الغير مسموح بيهو .... يعني المعلم عندو سلطه محدده لا تتجاوز القانون ....

الاخ/ احمد لك ودي وانا ماقاصد جيلكم انتو مدلع تعليم لكن حقيقه يااخي احمد اولا الزمن ده مدلعين شويه . اماعن عقاب المعلم للتلميذ اتمني الايتجاوز الخطوط الحمراء من إساءه وشتم بل يكون في حدود التوجيه والارشاد مع العقاب البدني الغيرمؤذي الذي يؤدي الي اعاقة التلميذ بدنيأ ومعنويأ وانا معاك في المفهوم ده. تقبل اخي احمد مروري مع كامل ودي وتقديري.

لك التحية والاحترام الاخ سامي وشكرآ علي التوضيح وعلي النصيحة ..... وجزاك الله خير