عوداً حميداً الاخ وليد بعد غياب 13 عاماً من الوطن

من طرف سمية يوسف الامين الأحد مارس 11, 2012 8:26 am

عاد الاخ الغالي وليد يوسف الامين ود مكة الى ارض الوطن الحبيب بعد غياب 13 عاماً بالسعودية وقد رجع من ارض الحرمين الى ارض الوطن يعني من جدة الى أم بدة ونتمنى له ولأسرته إقامة وإجازة سعيدة وعوداًحميداً مرة آخرى الى أرض الحرمين وأنا كنت أتمنى أن أكون في إستقباله في الدناقلة لأشارك الوالدة والاخوان هذه الفرحة الكبيرة لأنه رجع ومعه الاسرة وربنا يحفظهم من كل شر وخاصة الملاريا والتيفويد ......اللهم آمين

من طرف محمد الامين الأحد مارس 11, 2012 10:01 am

حمد الله على سلامة الوصول للأخ وليد .. وفي النهاية ( القريب مهما طال غيابوا مصيروا إرجع تاني لأهلو وصحابوا ) ونتمني له إجازة سعيدة بين أهله وأحبابه وعوداً حميداً وأن تكون إنطباعاته بعد هذا الغيبة كما كانت ليست فيها مفارقات كبيرة.. بس كانت عايزه ناس النيل الأزرق

من طرف ود..نقد الأحد مارس 11, 2012 11:18 am

الغريب عن وطنو مهما طال غيابو مصيرو ارجع تاني لاهلو وصحابو
حمداً لله على سلامة العودة الاخ وليد يوسف ، وان شاء الله البلد ترحب بيك بعد هذا الغياب الطويل ، وما تخاف نحنا كمان فتناك بالصبر..

ونبارك سلامة العودة للعمة خديجة والاخ حافظ والاخت سمية ، وكل جميع افراد الاسرة الكريمة..
وعقبال عودة كل الطيور المهاجرة الى حضن الوطن الدافيء .. ود..نقد،،

من طرف محمد سليمان الأحد مارس 11, 2012 11:52 am

مفاجاة جميلة ياسمية
السفرة دى ماسمعنا بيها الا فى المنتدى
كنت فاكرها كذبة ابريل
لقيت اليوم 11/3
حمدلله ع السلامة
فرحة الوالدة خديجة عندنا بالدنيا
نتمنى له اقامة سعيدة

اخواني الاعزاء محمد الامين ووجدي وود الخالة العزيز محمد سليمان أشكركم كثير على مشاركتكم لنا هذه الفرحة الكبيرة وطبعاً أظرف حاجة وليد لم يعرف البيت ودخل بالشايقية وبدأ يسأل الناس وين بيتنا ووصفوا ليهو البيت عليكم الله دي حاجة تضحك ولا تبكي ،،يعني شوفوا الغربة أخذت مننا أحلى سنين العمر،، والعقبال لكل الطيور المهاجرة بالعودة الى أرض الوطن ،وليد الآن مع أحلى وأجمل الذكريات والاصدقاء والاهل جميعهم حوله وهذه لحظات لا تنسى ،،،،،،،،وعقبالك يا وجدي بعد هذه الغربة الطويلة .......مع تحياتي سمية أم التومات

عوداً حميداً الاخ وليد بعد غياب 13 عاماً من الوطن

عوداً حميداً الاخ وليد بعد غياب 13 عاماً من الوطن

رد: عوداً حميداً الاخ وليد بعد غياب 13 عاماً من الوطن

رد: عوداً حميداً الاخ وليد بعد غياب 13 عاماً من الوطن

رد: عوداً حميداً الاخ وليد بعد غياب 13 عاماً من الوطن

رد: عوداً حميداً الاخ وليد بعد غياب 13 عاماً من الوطن