صيوان الجعلتي للمناسبات البشية

[ندعوك للتسجيل في المنتدى أو التعريف بنفسك لمعاينة هذه الصورة]
فعلها بشة وبشبش كرومي
اعرب الجملة
فعلها: فَعَلَ فعل ماضي مبني على البشبشة -فعل مضاف والهاء مضاف اليه
بشة : فاعل معتاد على زيارة شباك الوصيف
وبشبش: الواو حرف عطف بشبش معطوفة
كرومي : مفعول به معتاد على البشبشة مسكين راجياهو جنس متيبة الله يستر

انتو بالمناسبة سكواها كان لاعب ؟
فعلها الفرنسي الخطير
وفي غياب البرنس كان الاولاد كلهم برنس

الجعلتى ياحليل ايامك وينك ياراجل
والله يا اخوى بينى وبينك كده الهلال داير شغل وبعدين غلب المريخ ده مايغرك المريخ زااااتو سجم فى سجم نحنا كان قسنا مستوانا بى غلب المريخ ده الرماد كال (الطاهر حماد)
نحنا فاقدين البرنس الهلال بدون البرنس زى ام فتفت بدون ليمون الهلال بدون سيدا زى الصلاة البدون اقامة انا الهلال ده ماوقع لى بى صورتو دى قايتو ياجعلوتا الله يدينا خير غارزيتو ده

يا شباب احمد و الجعلتي...
اتكلموا بعقل و حياد...مستوي الهلال صراحة ما ببشر بخير لقدام...
و بصراحة تاني المريخ دور كفر فيكم اليوم داك بس ما زار الشباك...ارجعوا لحديث قاقارين بعد المباراة مباشرة...تجدوا كلامي صحيح.
اما موضوع البرنس ده فرأي الشخصي انو الهلال بدون هيثم بكون حر و ما مقيد ...لاحظو لاداء لمهند...علاء...بشة...بهيثم و بدونه...ولاحظوا لدفاعكم
بوجوده و بدونه...الذول ده بفقد التيم خانة ساي...ما تكونو عاطفيين الشديد...الذول ده ايام مع الهلال انتهت كلاعب داخل الملعب...لكن ممكن اكون كابتن بس العب المباريات الما مهمة لانه حتي لما كان في مجده...لاعب غير تكتيكي..سلبي ..لا يساند المحاور...ولولا وجود عمر بخيت و علاء الدين لانكشف باكرا...لكن دوره كقائد و موجه كان و لازال في غاية الاهمية.

اولآ:ـ نقول مبروك للهلال الانتصار علي المريخ وهذه حال المستديره ولابد من هازم ومهزوم وغالب ومغلوب.. والمنافسه مستمره واصلوا يوم ليك ويوم عليك ..والاهم من ذلك كله استمتاع قبيلة الرياضين السودانين المرهفة الاحساس والتي تتعطش وتتشوق للقاءات القمه الهلال والمريخ.. اوالمريخ والهلال.. التي نتمني دائمآ ان تكون بالمستوي المطلوب الذي يرضي طموحاتنا وطموحات جميع اهل الرياضه والرياضين قاطبة.
ثانيآ:ـ كما ذكر الاخ /أحمد يوسف.. بالنسبه للفريقين كان المستوي متواضع جدآ رغم تفوق المريخ الكبير في الاداء وسيطرته التامة علي زمام المباراة في الشوطين الاول والثاني وصد العارضة لاهداف مضمونة ولكن كما ذكرت هذه حالة المستديره دائمآ والتي يلعب الحظ فيها احيانآ دور كبير.
وفي الختام يحق لكم ان تستمعوا وان تحتفوا وان تفرحوا لفريقكم وانتم تنتصرون وهوشئ طبيعي وقد يحصل العكس وايضآ هو شئ طبيعي.. ولايسعنا لا ان نقول لكم الف مبروك ونحن في انتظار اخذ الثأر في المباراة القادمة والتي نعد لها من الآن وديك اللحظه سوف نقوم بذبح الثور مرتديآ الازرق وحامل السكينه الاصفر.. وليس الخروف بالاصفر هل فهمت ياجعلتي ..عمك عصام.