نادي المريخ السوداني

والله المريخ تاريخ وانجازات...

والليلة اكبر دليل على الكلام دا

شكرا monzer

والله يا منذر أنت صراحا قدمتا حاجات رووعة وتشكر عليها وترد لك في الافراح إنشاء الله وأنت معنك هلالابي متعصب جبت كل الكلام دا باين عليك داير تقلب وبالمناسبة إذا كنتا داير تقلب مريخابي تغسل نفسك بالصابون عشرين مرة وتتقلب بالتراب تلاتين مرة





شكرا يا منذر بس أوعا تكون زعلتا نتمنا ليك دوام التوفيق

ابننا مندر براك بتجيب الهوا لنفسك انت تعبان وداخل منتدى المريخ وعامل copy and paste للموضوع ليه؟؟
أكيد شهاب حاس بانك فيك الرجاء وبيرحب بيك بين الصفوة وانا احب فيك الروح الرياضية وانو اللون الاحمر ما بيسبب ليك رجفة
بعدين انت نقلت تاريخ مشرف ادرسه كويس وقارن اى الريقين صاحب التاريخ والحاضر والمستقبل بادن الله يستحق التشجيع
اما الولاء الاعمى فلا داعى له انا شخصيا لو قريت تارخ زى دا كله انجازات وحاضر اخر انجازاته وصيف الكونفدرالية واستاد عالمى ورئيس عاقل وواعى وجمهور صفوة ولاعبين فى اخلاق العجب وطمبل ثم جيت للمقارن
رئيس فى اخلاق صلاح ادريس كل يوم منسحب وبتاع مشاكل وجمهور يعرفه القاصى والدانى ولاعبين فى اخلاق المعز وهيثم مصطف (الدى قبقب ريكاردو وبصق فى و شو)أكيد بعد دا القى مافى مقارنة واختار واحد من الاتى
1/انا احب الهلال واكره المريخ لدلك ابطل اشجع كورة
2/احكم العقل والمنطق واشجع المريخ

مرة اخرى ابنى مندرقد يصعب عليك امر تشجيع المريخ كما للهلال ايضا تاريخ يفخر به ارجو اجراء المقارنة فالهلال فخره بالوصافة جعله يسمى بالوصيف وخلو سجل الهلال من الكاسات الخاريجية والمحمولة جعله يسمىhero of big inernational zero اعمل استخارة اليوم الجمعة وقلبها شمال يمين ونم حتشوف فى المنام رؤية ترى فيها رجلا عليه الوقار والتقوى يدعوك الى الدخول الى عالم الصفوة الروحية الرياضية ويهديك نجمة حمراء تزين بها صدرك وجبة صفراء تغطى بها جسدك .ثم بعده يظهر لك رجل له قرون وعيون جاحظة يركب حمارا ميتا يقوم بدفنه فى زريبة عيش يستدر هدا الرجل عطفك ( تعال يابنى انا ابوك ترد عليه لا ابوى عماد) تعال يابنى انا امك ترد عليه لا انا امى صالحة وتجرى منه ويجرى من خلفك فى اتجاه الجنوب وهنا يظهر لك الرجل الصالح لابسا ثيابا حمرا وينقدك من دلك الضلالى ويدخلك فى قصر كبير مزدان بالورود والزهور وتشم رائحة المسك وتجد انك وسط قوم كنت تمنى النفس ان تعيش وسطهم
فجأة تصحو من النوم وتجد بجانبك اهلك وتقول لماما كدا وكدا فتنصحك بان تسمع كلامها وتطيع الرجل الصالح وتكون قد اهتديت شفاك الله ابنى مندر ومرحب بيك وسط الصفوة

الاخ منذر احيك على الموضوع الجميل وعلى روحك الرياضية

وحكاية الزول لو عاوز يقلب من المريخ الى الهلال يدعك نفسو
الا يكون قصدك يدعك نفسو بـ(اورنيش) ويشيل علب صـلصـة

واوجهك لك التحية مرة اخرى .


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قالوا لي ليه رافع راسك متعالي .... قلت كلنا بشر بس انا مريخابي

شكرا يا منذر على هذا الكلام الجميل الذي كتبته على المريخ

شكرا لهذا السرد من التاريخ العظيم يااخي يا راقى لان كل المريخاب صفوة وراقيين

شكراً منذر على القلتو عن المريخ وإنشاء الله تبقى مريخابي .
وزيدنا من حاجات المريخ تاني وثالث .