مبروك للمريخ وحظا اوفر للهلال

قدم الفريقان مباراة تليق بتاريخهما وسمعتهما وكنتيجة طبيعية فى لقاءات الفريقين قد ينتصر احدهما هده المرة وينتصر الاخر المرة القادمة
مبروك لكل الحمر وحظا اوفر للزرق

الف مبروك ود ابو عاقلة ... حقيقة لم اشاهد المبارة على الهواء بل تابعت معظمها على الاذاعة ... واليوم تابعت مقتطفات منها في برنامج الرياضة بالتلفاز
وكما ذكرت كانت مبارة قوية وقدم الفريقان مستوى طيب..
مبروك مرة ثانية للاخوة المريخاب .. وهذا هو حال الكرة مدورة يوم ليك ويوم عليك
نتمنى للفريقين التوفيق في مبارياتهم الدولية

ألف مبروك للمريخاب
وكنا نتمنى من الهلالاب التهنئة من داخل البوست بكل روح رياضية
على كل حظا أوفر

اكثر ما يعجبنى فى هدا المنتدى الرائع الاحترام المتبادل بين الافراد وهو احترام نابع من التربية التى ورثناها ابا عن جد رغم فرحة المريخاب العارمة لم يعبروا عنها الا فى حدود الادب والدوق واحترام مشاعر الاخوة الهلالاب
كما ان بعض الهلالاب الدين اعرفهم شخصيا بتعصبهم السافر لم يخرجوا عن حدود الادب وكان تعبيرهم عن الحزن فى حدود كتم المشاعر وهدا لعمرى قمة التبادل والالتزام التكتيكى بادبيات واخلاق الحلة المعهودة
لتك وهده الامور طالبنا بالتعبير الانى فى حدود احترام مشاعر الاخرين وهده هى الرياضة التى تعلمناها
شكرا ابنائي فقد ادهلتمونا بنوعية بشرية تعتبر صفوة بكل معانى الكلم الصريح الرجاء المحافظة على هدا المسلك الطيب

وليد على سعيد انا بعودتك
مبروك للمريخ للمرة الثانية والتالته ... كمان
راجع البوست لقد سبق وقدمنا التهنية للمريخ بكل طيب خاطر
وعشان ما تزعل تاني قدمناها
ود ابو عاقلة ... مافي شئ مرجع السودانين الى الخلف غير التعصب الاعمى
والغير مسؤل ...
لكم الحق ان تفرحوا بالفوز ولنا الحق ان نحزن ولكن فاليكن كل ذلك في حدود المعقول ... وهكذا هي الدنيا يوم ليك ويوم عليك ...(دواره)
لكم جميعاً هلالاب او مريخاب خالص تحياتي

مبروووووك للاْحمر الوهاج
ولجميع المريخاب وحظ اوفر للهلال


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قالوا لي ليه رافع راسك متعالي ... قلت كلنا بشر بس انا مريخابي