هديه للأنسان الزول ود الخاله بن الجراح

من كلمات الشاعر (عبد القادر الكتيابى )
لمحتك
وقلت بر آمن بديت أحلم
ألملم قدرتى الباقيه واشد ساعد على المجداف
تلوح لى مدن عينيك
وترفع لى مناره بسمتك ساريه
وبديت احلم
كل ما الريح تطارد الموج
أزيد أصرار
وأحلف بيك
أغير سكه التيار
واقول يا انت يا أغرق
الوح لى مدن عينيك تلوح لى
أخاف الضفه ترجع بيك .... قبل ألحق
أخاف غيم المنى الشايل
تسوقو الريح ويتفرق
آخاف .... وآخاف
وأشد ساعد على المجداف
وأجيك بى قدرتى الباقيه
حطام أنسان موسم
بشقى الدنيا
ومقسم قلبو فى الأحزان
وأجيك فنان
أشد أوتارى وأحكيلك
حكايه انسان
وهب لى سكتك نفسو
ورسم سيرتك على حسو
وربط ساعد على المجداف
وقال يا أنت يا أغرق
آخاف ... وآخاف
والاقيك يا أمانى .... سراب
مواهبى عليهو تدفق
آخاف ........................................ و آخاف