فصاحة وطولت لسان

المريخاب قبل الكورة حاميننا القعدة الا ماتجى سيرة الكورة ينطو فى حلقنا الواحد لو قلت ليو كورة مانشستر طلعت كم يقول ليك مالك ومالو ارجا يوم الاتنين البسويها فيكم الضباح شلباية فى المريخ ما سواها وقالو اكرم قال لو بى كراع واحدة بلعب ضد الهلال اريتك كان مانصحت كان عزرناك
اما ولدنا مجاهد الجماعة قالوا حيولد من جديد فى كأس السودان بعد دا خمو وصرو ارجو كاس السودان الجاى مابعيد مامجاهد لسة زول شباب وبعدين الخيل الاصيلة بتجى فى اللفة ..اللفة ولا الصحافة اها لمن يوم الاحد جا دكينا الشغل قلنا لو مشينا مشكلة الجماعة مالسانم طويلت برضو ماخلونا قبلو على التلفونات من ترفع السماعة يقول ليك وين ياوارغو انشاء الله جهزتو الشولات والشوالات دى طبعا عشان نشيل فيها الاقوان البجيبة وارغو وكلتشى انا طبعا رجفتى زادت وقلت الله يدينا مراقة من البشر دى اها صبيحة الاتنين الواحد اتشجع وقال يواجهة الجماعة لكن المريخاب ذى ماقلت ليكم لسانم طويل وما بتقدرو
قايتو لمن الكورة بدت نحنا الفينا كملت الجماعة قطعو نفسنا انا قايتو قلت الكورة دى بين الهلال وبرشلونا اتارى اعلام المريخ مابراهو السالب الجمهور برضو سالب اها يازول الكوره بخيرها بى شرها بدت انا من لقيت الطباح قاعد بره قلت مافى داعى للشوال اناما صدقت كلام الجماعة
وبعدين تشكيلة الهلال كان فيها كابوندى وشارع عبيد ختم اقصد خليفة والماسورة سادومبا فايتو الليلة الله يستر الليلة بلة جابر مالاعب بنمرق بى وين بس الجماعة قالو نحنا غير اولادنا ماعندنا طريقة كدى النبدء بى مجاهد الجماعة قالو غير مساوى مافى زول بيقنع لينا الزول دا عمك سيف ماصدق ماخلا ليهو شى صاحبكم قال والله انا مابقدر انا داير اثبت وجودى كدى شوفو الباشا . الباشا مالسة تلميذ قال مافى طريقة الجماعة ابو والبيابة الصلح ندمان ساومبا طبعا مافاهم حاجة من الكلام دا بس مساوى قال الا يوريو الزول دا لمن عرف لونو اتغير واضايق جنس ضيق فى الدنيا قال ليهم كرومى دا ماتسألو الزول دا اتكلم فى الارباب وانا الارباب مابرضى فيهو انا بعرف اجيب حق الريس انا اول مرة اشوف لى ماسورة تزعل بس قالوا زعل المواسير كعب الزول دا خلى سفارى زى السوسيو الداقاهو مطرة قايتو الله مرق دامر المهم سادمبا لمن جاب القون المنقوض وعليكم الله العارف القون نقضوهو لى شنو يورينى اها بعد القون سلينا لسانا نحن قبيل خفنا ساااى اه ياالمريخاب خمو وصرو والجماعة دوروا كمان اخوان سيدا بهظروا وسادومبا قام ...لب واحد ....لب اتنين ..وكرمى وين اكلو الدودو اها من ديك الجماعة القتسة الياها لى الليلة ماظهرو انتو وقت ماقدر الفصاحة مالكم ومالا والله نحنا للحول مابنخليم
ساساساسا شنو؟ سيكافا ... ماتزعلو هسى الجاب سيرة سادومبا منو

البيلقى هواه بيضرى

أسلوبك شيق ياود خالنا يوسف محمود
انا ما عارف وليد دا ساكت ليك كدا ليه
التحكيم كان اسباب الاساسى فى ان يخرس الالسنة هناك تداعيات بعينها لو حدثت ما عارف كان تودوا روحكم وين
فى كل مباراة يجامل الحكام العتالة والملاكمين بصورة سافرة
سألتك بالله ضربة الجزاء الاولى مع وارغو والتانية مع مصعب رايك فيهم شنو؟
علا شلاليت كل الحكام حكموا انه بيستحق الطرد
أها بعد داك احسب اتنين ضربات جزاء وطرد شلاليت
عينك ما تشوف الا النور

اخى محمد سليمان لك التحية من الاعماق
والله ياابو حميد ضربة الجزاء الاولى مافيها اى كلام وانا قلت راي فيها من لحظة ارتكاب خليفة المخالفة التى تقاضى عنها الحكم حتى الهلالاب قالو عنى مريخابى بس كانت صعبة شوية على حكم كريمة فالمباراة كانت فى بدايتها وماادراك ماقمة هلال مريخ والشحن الزائد بس الضربة الاحتسبها والاحرز منها الهدف اشك فى انها غير صحيحة وبعدين ولدكم بلة راقص دا انا ماعارف قصتومع عمر بخيت شنو ياخ الزول لو مشاكل ليو زول مابديهو شلوت بالصورة دى اما عن الملالكمين ياابو حميد نحنا اولادنا كلهم صغار وبعدين موسى الزمة هسى زول نصاح ماشاء الله عليهو دا يشيل ناس الهلال بى كامبوس فى ضهرو ويجربيهم العتالة عندكم ياابن العمة
اما ابن العمة وليد الطيب اصيب بيالخرس فلا يستطيع ان يقول حاجة بس انشاء الله علم المريخ الخاتيهو فى صندوق عربيتو يكون جدعو

حمدالله على السلامة يازول يارايع بقدومك ينور المنتدى ويذداد لمعان بس مشكلتك واااحدة وانت عارفها كويس وبعدين
نحنا قلنا الزول ده حرد لينا المنتدى ولاشنو؟احمد فيك انك المريخابى الوحيد الذى ظهر فى المنتدى حتى الان بعد الكورة ......لك ودى