الدناقلة...يا اجمل منى

غبت عنك كم سنة
واحشانى جد يا امنا
مشتاقة بس لمتين اجيك
ما انت لى اجمل منى
ما انت ملهمة لى غناى
وكتبت فيك اجمل غنا
والله بحلم بيك دوام
وراجية الزمن من تانى
بكره يلمنا.....
ننسى فيك كل الشقا
كل العذابات والضنا
يرجع يعود تانى الفرح
وتبقى عيشتنا الهنا
نحلم نعيش وسط الاهل
مابين ابونا وعمنا...
يبقى الحزن ماليه مكان
والفرحة تانى تعمنا..
مالقيت سواك والله وطن
ومالقيتا واحة تلمنا..
ما انت لينا بحور حنان
ومنك نابع حننا...
شعبك كريم بيه نفتخر
مافيه بنلقاه عزنا...
خلاص تعبت من السفر
والله اهلكنى العنا...
والله مشتاق ليك كتير
وبتمنى ارجع ليك انا
من تانى ارجع ليك واجيك
من تانى حضنك يضمنا
ما انت فيك احلام عمر
الدناقلة يا اجمل منى....
مع خالص تحياتى................ايمان الصادق الامين