حلمنتيش
صفحة 1 من اصل 1
حلمنتيش
حلمنتيش
حلوة حلاة قاطعة عديل و فوق الجمال بتقرا في السودان
لمن شفتها تقدل في الشارع طار مني العقل و اتجمد اللسان
اقول شنو اقول يا منو ما تدلوني يا خلان
العيون سبحان الخالق بحور و السنون درر و القوام بان
جمعت افكاري و مشيت عليها و قلت في نفسي قوي قلبك يا مان
وين كلامك المعسول وين الغني وين الشعر يا دونجوان
اول مرة يطير منك الحنك و اول مرة تنهزم و تبقي جبان
انت ياما ملكت قلوب و ياما شغلت عقول بكلامك النديان
الليلة نشوف حنكك ثابت لسه و جامد زي زمان
ولا خلاص قدام الحلاوة اتبكمت و راسك داش و جن كمان
قلت ممكن اعرف الساعة كم عندك طنشت و ركبت حافلة امدرمان
اعمل شنو ركبت وراها و عامل فيها مسهي و سرحان
ممكن افتح القزاز لاني بالجد مسخن و عرقان
تاني من جديد طنشت كلامي و حركاتي و الهذيان
خلاص اعصابي باظت و طار الكلام مني و الحنان
المهم نزلت و برضو نزلت وراها و خطواتا بالميزان
قلت ليها يا بت الناس ارجوك عبرينا قولي حاجة و لو حيوان
انا من الصباح جاري وراك لا خليت عربي لا حنك امريكان
يا زول دخلت بيتم و قفت انا و رفعت يدها و لوحت باي يا عيان
بس سابت ورقة كاتبة فيها مخطوبة و خيرا في غيرا يا تعبان
حلوة حلاة قاطعة عديل و فوق الجمال بتقرا في السودان
لمن شفتها تقدل في الشارع طار مني العقل و اتجمد اللسان
اقول شنو اقول يا منو ما تدلوني يا خلان
العيون سبحان الخالق بحور و السنون درر و القوام بان
جمعت افكاري و مشيت عليها و قلت في نفسي قوي قلبك يا مان
وين كلامك المعسول وين الغني وين الشعر يا دونجوان
اول مرة يطير منك الحنك و اول مرة تنهزم و تبقي جبان
انت ياما ملكت قلوب و ياما شغلت عقول بكلامك النديان
الليلة نشوف حنكك ثابت لسه و جامد زي زمان
ولا خلاص قدام الحلاوة اتبكمت و راسك داش و جن كمان
قلت ممكن اعرف الساعة كم عندك طنشت و ركبت حافلة امدرمان
اعمل شنو ركبت وراها و عامل فيها مسهي و سرحان
ممكن افتح القزاز لاني بالجد مسخن و عرقان
تاني من جديد طنشت كلامي و حركاتي و الهذيان
خلاص اعصابي باظت و طار الكلام مني و الحنان
المهم نزلت و برضو نزلت وراها و خطواتا بالميزان
قلت ليها يا بت الناس ارجوك عبرينا قولي حاجة و لو حيوان
انا من الصباح جاري وراك لا خليت عربي لا حنك امريكان
يا زول دخلت بيتم و قفت انا و رفعت يدها و لوحت باي يا عيان
بس سابت ورقة كاتبة فيها مخطوبة و خيرا في غيرا يا تعبان
امين كمبوني- عضو مشارك
- عدد الرسائل : 19
بلد الإقامة : السودان
الإسم الكامل : امين محمد سليمان
نقاط : 5770
تاريخ التسجيل : 30/07/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى