لا وحبـــــــــــــــــــــــــــــــــــــــــك

من طرف ezookhan الثلاثاء أكتوبر 21, 2008 11:02 am

الاعضاء وكل المنتمين الى المنتدى .
تحية حب واحترام واعتزاز بكم ولكم.
هى الحياة بجميع تقلباتها توجدنا فى اغلب الاحيان امام تحدٍ او خياراً لا نجد له ثالثاً .
ما اقساها عندما تفرق وما اقساها عندما تلعب لعبتها المعهودة وما اصعب وافجع الصرخات ومواويل وصراخات الهم والالم .
ليس الموت هو الفاجعة الكبيرة فى حياتنا او هو الوحيد الذى يفقدنا الاعزاء بقدر ما هو كبير ومقيت .
الا ان الم الفراق والبعد هو ايضاً صعبٌ ومريع .
نتقابل نختلس النظرات واعين المراقبن .
نتحين الفرص لللقاء نكابد ونتعب من اجل حبنا
نرضى حتى ولو ببصيص نظرة عابرة يكون اثرها داخل القلب بما يعادل الم البعد
ولكن عندما ياتى البعد والفراق هنا فقط نحس بصعوبة اللحظة وتصديقها
فما اقسى الحياة عندما تبعدك عن حبك وحياتك.

لو كان التمنى بينفع كل حبيب ****ماكان السعادة بقت قسمة ونصيب

والاصعب من ذلك هو رؤيتك لمن تحب وهو امامك الا ان حياتك او حياته اصبح لها نظام ثانى
ووضع اخر.........
والادهى فوق كل ذلك هو ان تجده محتاجاً اليك ينتظر ان تمد يدك اليه برغم ما حصل !
والسؤال هو: كيف التصرف ؟؟؟؟؟؟؟
تنسى الم الماضى ؟؟؟؟؟؟؟
ام عزة نفسك تقف حائلاًً امامك ؟؟؟
هذا هو السؤال الصعب والاختيار الاصعب فى اغلب حياتنا ؟؟؟
بالنسبة لشخصى ولكن معذرة قبل ردى ما هو ردكم انتم ؟؟؟؟؟؟
انا فاننى ارد واقول لكم :

جاي تترجاني أغفر ليك ذنبك
ما كفاية الشفتو من نارك وحبك
أنت فاكر تاني أرجع لك واحاسبك
لا يا ناكر دربي أصبح ما هو دربك
كنت تحلم بالسعادة في كلمة مودة
وهي غير ما إنت فاكر
وهي في نبضة مشاعر
في القلوب الما بترد أي طارق أي زائر
شايلة هم الدنيا زاده ومالية كل الكون بشاير
إجتمعنا علي المحبة في ثواني
في طريق مفروشة بي حبي وحناني
وافترقنا كل واحد في طريقه
انا ضائع وإنت مخدوع بالأماني
كل زادي في ضياعي
قلبي مفتوح للأحبة
للجمال الأشجى روحي
في شعوري سحره شبه
ورسالة فني سامي
تدعو للخير والمحبة
إلا قلبك يا حبيبي
لسه ما أدرك وشبه

من طرف محمد سليمان الجمعة أكتوبر 24, 2008 6:01 am

عزو
لك التحايا والامنيات الطيبة والتوفيق
حتى الان انا غير متأكد هل عزو ود خدر ولا واحد تانى ولكن الارجح دلك
عموما الجرسة ما ليها داعى وزى ما قال خالد لود حمد (اكل نارك)وفهلا اكل نارو0 شوف ليك هندية عيار عشرين اتلم عليها مادام ارتضيت لنفسك اسم خان وهى من خان يخون وهو خائنا كفانا الله شر الخيانة

الاخ/ ezookhan

لك التحية
والله ما عرفتك انت مين وابن مين وامكن جميع من في المنتدى لم يستطيعون التعرف عليك .
لذلك نصيحتي لكل من يسجل عضويته في المنتدي يجب علية استعراض ملفه الشخصي واضحاً حتى يتم التعرف عليه وهذا هدف من اهداف المنتدى . ولك شكري ،،،

من طرف ezookhan الأحد أكتوبر 26, 2008 9:38 pm

الاخوة الاعضاء :-
محمد سليمان والاخ نصر الدين :
تحية ود وحب اولاً الاخ محمد كفانا الله شر الخيانة والخاينين.
وارجع اقول ليك انا بأكل نارى وزى ما بقولوا المصريين (أدها وإدود).
والاخ نصر الدين كلامك صاح ولكن ازكرك ان الهدف الاول هو الارتقاء بالدناقلة عبر هذا الحيز؟
ولكن الواحد يريد ان يخدم من خلف الكواليس واهو برضو خدمة للمنتدى ؟
ولا ايه رايك؟

من طرف محمد سليمان الإثنين أكتوبر 27, 2008 5:06 pm

انت مصر تتخبأ ليه يا عزو كل الناس عاوزين يعرفوا عزو دا اخو ابراهيم خان ولا فعلا هندى اسمه حقيقى انا لمعلوماتى عنك قدرت انك عز العرب خدر حمد الخدر
الخدمة من خلف الكواليس دى سيبنا منها الكالوس ال000

من طرف الهلالابي الثلاثاء أكتوبر 28, 2008 8:33 pm

حبيبك بوراك ...جارت عليهو ظروف وخانتو الايام ..
الخيانة ياريت لو من شخص او (زول/ة) الخيانة مرات بتكون من الايام ومن الظروف ........
عموماً ياشباب ...
الله لاجاب الخيانة ...
لانو البطل (مابموت)......
احكي عنها يا ود عمتي .... بتاعت البطل ما بموت دي .

لا وحبـــــــــــــــــــــــــــــــــــــــــك

لا وحبـــــــــــــــــــــــــــــــــــــــــك

رد: لا وحبـــــــــــــــــــــــــــــــــــــــــك

رد: لا وحبـــــــــــــــــــــــــــــــــــــــــك

رد: لا وحبـــــــــــــــــــــــــــــــــــــــــك

رد: لا وحبـــــــــــــــــــــــــــــــــــــــــك

رد: لا وحبـــــــــــــــــــــــــــــــــــــــــك