ارهاصـــاتى

اخى سوباوى
التراجيديا ملح الحياة
لذا سانزف فى المرات القادمة
احزانى التى هى ملح تجاربى واستميحك عزرا
ان ترسل لى ارايك الوضاح كلما كانت هناك
قفوة منى وتهز عصا الترحال لى كى لا اتوه
كن اجمل فى اللقاءت
وانضر اللحظات
ابوفدوى

اعذري القلم المبعثر
حين تخونه في التو السنة الحروف

يااااااااا عبدلفتاح !!
انت ويييييييين من زماااااااااان ؟؟؟!!!!

يا سيد بدوى
صباح الخير
فى الخاطر الفسيح بالحيل هناك انت
وانا ما بين الفرحة والدهشة بقايا انسان
عوافى عليك الطله
زينت بى مرورك احروفى
وافر النحايا الى العقد الفريد
ودمت
ابوفدوى

الى صديقى حمزه بابكر العبد (قدس الاقداس ) علها تنال رضاه
ورحلت ...

من وطنك مشيت

هجيت ..

هجرنى صد

وأضنانى شوق

وما خاتنى شك

يا حسرة الزمن الجميل

والتفاصيل القبيل

وشن اتعب القلب المعنى

غير زكرى طيف

وأمانى زيف

وطشاش

امل ...

ابن العوينات الغميد

ما بين سهرا مليل

وسفرا طويل

ودمعا هميل

نقطة ... حسرة

وقطرة .. آهة ..

وعبرة .. سيف

يا حليلك أنت والزمن

الجميل ..

شايقنى سيل

وحريف اصيل

متوسد الاهات

سطير ..

حسرة وإشتياق

وأسف ..

تقيل

شادينى حيل

ارسم تفاصيلك هناك

شان أتزكر الزمن

المضاع .. سدا

وانوح .. براى

ذى اليتيم فاقد صدير امو الرحوم

ما اصلو الرحيل

كسر ضلوع صدر اللقاء

وادافقت لحظات وجع

اتمددت مسافات البعاد

بيناتنا فوق .. فوق ..

للسماء

عز المدى ..

سفر الرحيل

ما أنت أصلك والسماء

توأم رضع

من ثدى احلام الخيال

حتى العشم قنديل

رجاء ..

طيفك ..دنا

دندن تلى

لحن الرحيل

أخترت تبعد خطاى

عنك وتعبر بدونى بحار

صبر ..

وعزاى شقاى

نهرا .. بحر

جبلا .. سهل

عمرا ..صبح فاقد دليل

وأشق طريقا كنت ظانيهو

من غيرك .. مستحيل

بحلم كمان

تنبت شجيرات الامل

سيقانا توصل للسماء

وزهرو يفتق ثمر جديد

ونحصد تخيل امانى

جيل ..

تب ..

ما بقيف فى القيف

وأقولك ..

يا رحيل

خلى ..

الرحيل ..

الصفحة الأكثر أناقة في المنتدى..
بوركت وبوركت حروفك يا ابوفدوى..

الله عليك يا عبد الفتاح

مشكورة جداً
ياعليسه الله يقدرنا ونجعل كل صفحات المنتدى فى تمام الاناقه والروعة
نورتى بى مرورك احرفى المتواضعة
ابوفدوى

يا بدوى
شرفت وآنست الاحرف بالمرور
الانيق دمت
ولك من الحنايا اجمل تحية ابوفدوى

ابو فدوى يا رائع

[ندعوك للتسجيل في المنتدى أو التعريف بنفسك لمعاينة هذه الصورة]
فلتعذر احرفي لانها لا تستطيع مجارات جمال حروفك
فاكتفي بان اهديك هذه الكلمات من شاعرنا مدني النخلي

فى عينيك عشم باكر
وزغرودة بتزف لى الناس
خبر زمناً جديد مولود
لقيت غيرك .. بضيع إسمى
وبقيت أنا حى .. وزى مفقود


ابو فدوى
لا تبخل علينا نحن عطشى لهذا الجمال
ما تطول الغيبة
كن بخير

مشكور على المرور
يا نادوس الرائع

عبد الفتاح ..

كل ما اقول قربت ليك .. تلقاني بادي من الالف .

دمت لهذا المنتدي

ابو فدوى الزول السمح

دون الرجوع والتعليق على بوحك الجميل
اكثر ما اسعدني هو ان ارهاصاتك استدرجت لنا من بعد طول غياب
الرائع حمزة العبد الانسان الخلوق
وكذلك الفنان ابو ميري
والله كم اشتقت اليكم جميعاً يا دفعة
وكم امنى النفس ان يجتمع الشمل على ارض الواقع

لكم جميعاً كل ما هو جميل جمال روحكم
كونوا بالف خير

الوجيه بنجور
متاكد تماماً انك ستكون هنا لتعطر سماء احرفى المتواضعة
لك من الحنايا هين محبة
وشكر دفاق بقدر شخصك العملاق
كن حزينا تكن اجمل فى ارهاصاتك
ممتن حتى النخاع
لك ودى
يانسان

يا دفعة
الايام جديرة بعد فرقة قادرة بان تجمع الشمل الى ذلك الحين لك من القلب الف الف الف تحية
والله انا فىغاية السعادة بعودت الثنائى الرائع حمزة العبد وابوميرى (حميد كيلك)
نتمنى لبقية الطيور المهاجرة عوداً احمد فى اقرب فرصة ممكنة
وانت يا ابو الزعيم وجودك ملئ الدنيا
بهجة وسرور
كن انضر الفصول
وعوافى يا زول يا فلتة

انت ياهشام قايل قلع الهوى دا سااااااكت؟
وكمان من جوة؟
دى صعبة وخاصة لي ناس زي حلاتنا

غرقانين لي هنا

أريد البحر نائما على سواحلة أريد الصحرا عاشقه اريد كلمات تليق بمقامك لاكن هيهات

ما تطول الغيبة يا ابو فدوي

وتبقى انت يا ابوفدوى
للقليب منية وملاذ

ارهاصاتك وحشانا يا رجل
سنة وكل آل فدوى بصحة طيبة وعافية

ابو لين
الانسان الزوق
تسلم وكل الايام بيك عيد
ومعكوسة الي ال لين الابداع تمام العافية
والصحة والايام الجميلة
لا اقول كل سنة وانت طيب بل انت عيدنا كل سنة وانت لنا عيد
ابوفدوي

أبو فدوى تحيات ومدً إحترام

بالجد ارهاصاتك حرائق كافية لإشعال ما تبقى من قش الروح وقرأناها بعيون مفتوحة لأقصى إتساع.
جواها تتحكر قطرات من الجمال تصب داخل الروح فتغسل الوجع وتزيل ادران الوهن ... ارهاصات تعبر عن تمرد قلم ونزق حروف ... توُاقه لمعانقة لون مغاير ... فيها رغبة لا تبلى ... هي وجع ودواء ... سقم وعلاج ... بهجة تجاور عناء.
إرهاصات تنفيس لاحتباس روحك الحراري ... وتمليس لتجعدات حواسك ... تهذيب لشغب أعصابك مع سميرتك وصدقني يا أبوفدوي قرأتها وفجاءة سدت منافذ البوح وتركتنا على شفير الإختناق لانها متسربله بثياب إبليس الكلمة ورسول لغواية. وكم أعجبني بوحك لصديقك حمزه الذي يحتكر الجلوس على ناصية قلبك ..........
فارجو أن تداوم على كسوة صحفات المنتدى بهذه الروائع
المعزة لك ولابداعاتك

دوما أبو الخاتم

يا ابو فدوى بالجد
صميك موسيقى & وكلامك هديل
اكيد نجن موعودون بمجموعة ارهاصات العام 2010 ولا شنو ؟؟؟؟؟؟؟؟؟؟؟؟