فوازير سودانيه[غلوتيات]

اليكم بعض الفوازير المحلوله:-
1) كان شالوه رطن وكان خلوه أنبطن (الجنزير)
2) طويل وما بلحق الكعكول (الدرب)
3) حبوبتي في ديونا تأكل في مصرانا (اللمبة "الفانوس")
4) الضب قال في رقبة أبوك كككب (تفاحة آدم) ......... دي بصراحة ما متأكد منها، وهي مجرد إجتهاد
5) فيها فد سنينه وفيها فد عوينه وبسسسم الله علينا (الإبرة)
6) كان شالوه ما بنشال .. وكان خلوهو سكن الدار (الرماد)
7) بقر ابوي رقل رقل عقالهن واحد (النجوم)
8) قطع البحر بلا عضم ضهر (الصوت)
9) عمي المقدم يجري ويتحزم (المترار)
10) دخل القش ما قال كش (الضل)
11) جدي بطران في شق البيت حردان (خمارة العجين)
12) حبوبتي تتجلع في جلعا جاها العُصار هلعا (القطنة "التبيقة")
13) حبوبتى تية تية قمصاتا 100 (البصلة)
14) عتودي ود الحرام ضبحتو الليلة وباكر قام (الكعكول)
15) ملكين في ككر .. كان ده غاب ده حضر (الشمس والقمر)
16) جدادتى الرقيطة تجيب الخبر من تحت ا (الجواب)
17) فشقت وما بالت (الراكوبة)
18) عريانة وتكسي (الإبرة)
19) عابدة .... الفي الجروف لابدة (المركب)
20) لوح صابون في الواطه مدفون (الفجل)
21) حجر حجرجر .. حجارة؟ .......... لأ
رقبة طويلة.. نعامة؟ .............. لأ
تبيض وتفقس.. جدادة؟ .............. لأ
تعضي وترفس.. حمارة؟ .............. لأ (أبوالقدح)
22) فى البيت وريحتو ما بتنشم (الملح)
23) حبوبتى من هولا وجولا حتى الملوك عقلولا (المريسة)
24) حبوبتى من شدتا ولضتا شايلة جدى فى رقبتا (الشعبة)
25) قدر الفيل ... وصرتها صرة منديل (الناموسية)
26) من فوق راكوبة .. ومن تحت راكوبة ... وسطهن صبي يقلب في الهوبة (اللهاة واللسان)

أما الغلوتيات التي تنتظر حل فهي كالتالي:-
1) سمح الأتر =
2) الضل الرهين =
3) هي فيك وإن عرفتها بكريك =
4) حبوبتي من جنها شالت جدي في سنها =

5) طيراً طار من قنطار
حتت ريشو وقام عوار
بطنو السيح وضهرو النار
شدره فريده في رأسها حديده
الجن حراسها الموت في رأسها

6) طاسه وطمنطاسه
في البحر غتاسه
بطنا لولي
وضهرا نحاسا

7) أزرق كوميت متل السوميت
رب القدرة خلقو في الخدره

8) جاي من قدام
فيه الطب وفيه الطبيب
وفيه الصيام وفيه القيام
والما بعرفو ود .... ام
9) أحمر حيمور متل التيمور - جيت أخمو نقدتني أمو
10) شهاوي تفلق وتداوي
11) تدي الحلة وصا والنقارة عصا
منقول من احد المنتديات
ما تنقطعوا وعايزين حل للفوازير دي........

اللغة غريبه حبه علينا حاولوا افهموها

حل نمرة 6 ابو القدح

غايتو حل رقم 4 الراكوبة
التصحيح متين؟

الغلوتيه أو الحجوة هي من أكثر أدب الأطفال ثراء في عهود قد خلت ، فقد كانت مصدر ثقافة وتعليم دسمه للطفل ، وقد إنقرضت بإنقراض جيل الحبوبات المشلخات ذوات الشفاه المدقوقه وسير المفحضة.
الغلوتية تعتمد على إطلاق العنان للتفكير في الإجابة والتي عادة ما يكون سؤالها مبهماً يأتي في صورة سجع في كثير من الأحيان ليضفي المزيد من الإنتباه على المتلقي.

هي فيك وإن عرفتها بكريك ؟
حبوبتي من جنها شالت جدي في سنها ؟
حبوبتي في ديونا تأكل في مصرانا ؟
الضب قال في رقبة أبوك كككب؟
فيها فد سنينه وفيها فد عوينه وبسسسم الله علينا

Quote: بقر ابوي رقل رقل عقالهن واحد..........
قطع البحر بلا عضم ضهر..................
حبوبتي في ديوانا تاكل في مصرانا.......
عمي المقدم يجري ويتحزم................
دخل القش ما قال كش...................
جدي بطران في شق البيت حردان..........
حبوبتي تتجلع (تتدلع) في جلعا جاها العُصار هلعا............

الاولى اجابتها ( النجوم )

الثانية اجابتها ( الصوت )

الثالثة اجابتها ( الفانوس )

الرابعة ( ما متأكد من الاجابة )

الخامسة اجابتها ( الضل )

يا جماعة وينو عمنا محمد سليمان ابو عاقلة دا الزول البحل الغلوتيات كلها