عقد الجلاد

فرقة عقد الجلاد فرقة تستحق التقدير برأي لما قدمت من أغنيات رائعة من جميع انحاء السودان وكلها أغنيات ذات معاني سامية وتعبر عن السودان الوطن والشعب ..

ومن أجمل ما تغنت به الفرقة ..
الطمبارة والغناي
باب السنط
كل الخير
مشاوير المحبة
عطبرة
صرخة
والكثير من الأغاني الرائعة

أعضاء الفرقة ( السابقين والحاليين)
حمزة سليمان
عمر بانقا
أنور عبد الرحمن
الخير أحمد
حواء المنصوري
شمت محمد نور
طارق جويلي
أميمة ابشر
عثمان النو
شريف شرحبيل

وكبداية ..
نبذة عن شمت محمد نور
السيرة الذاتية :

شمت محمد نور


الميـــــــــــــــــلاد :

مدينة الحوش 1963 م





المدرسة الابتدائية الغربية الحوش بدأ بتعلم الموسيقى عزفاً على العود والاكوديون والغناء بالمدرسة الابتدائيه, وفى مرحلة السنة الثانية ابتدائى قام بمصاحبة الطلبة عزفا على الة العود والاكورديون.
تلقى التمارين على يدالاستاذ أحمد محمد نور شمت اخاه الاكبر الذى تعلم منه الموسيقى واستمر تدريبه على الموسيقى حتى مرحلة الصف السادس ممارساً الغناء والعزف على ألة العود والاكورديون.
وفى مرحلةالثانوية العامة كان من أهم المغنيين والعازفيين على نطاق جميع المدارس الموجوده بالمنطقة وهى (4) مدارس ابتدائية ومدرستين ثانوية عامة و2 عليا .

وفى المرحلة الثانوية شارك فى الدروة المدرسية على نطاق اقليم الجزيرة واحرز المرتبة الثانية وكان معه الفنان المشهور الذى احرز المرتبة الأولى عصام محمد نور ولقد بدأ نشاطة بشكل تام ومباشرفى مرحلة الثانوية بعد مشاركته فى برنامج مقاعد فنون الذى كان يقدمة التجانى حاج موسى ولقد احرز المرتبة الاولى فى احدى المنافسات التى كانت تشارك فيها مراكز الشباب والتى كانت من أهم المنابر التى تصقل المواهب فى مختلف المنشاط الفنية والرياضية.

كانت اسرته فنية مما ساعد فى اهتمامهم بصقل موهبته ...وكانت بمثابة رعاية مبكره حتى دخولة المعهد العالى للموسيقى والمسرح فى عام1988 ثم كان من مؤسسى مجموعة عقد الجلاد ..

شارك فى كورال المعهدالعالى للموسيقى والمسرح والذى نفذ برنامج المجمع العربى للموسيقى ... ونسبة لظروف المعهد ووقوف الدراسة فيه فترات طويلة تخرج سنة 1997

عمل استاذاً للموسيقى بكلية علوم التقانة تعاون مع جامعة الأحفاد للمشاركة فى اسبوع المرأة لعدة سنوات...... تعاون مع كلية علوم الطيران وقسم المختبرات الجامعة الاهلية.....

*********************************************************

أغنية الطمبارة والغناي

للشاعر/ محمد طه القدال

لحن الاستاذ/عثمان النو



نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

العضو حمزة سليمان
السيرة الذاتية:





الأستاذ حمزة سليمان العوض

*خريج المعهد العالي للموسيقي والمسرح - قسم تأليف وبيانو.

*عضوآ سابق في فرقة عقد الجلاد الغنائية وقد تغنت الفرقة بالكثير من أعماله تأليفآ وتوزيعآ. ..

*ومن الأعمال التي قام بتلحينها للمجموعة :
_ صرخة
_ أبوي يافارس الحوبة
_ الحوت
_ شين ودشن
_ إستحالة
_ باب السنط

* يعمل حاليآ بالخليج العربي أستاذآ للموسيقي.

* متزوج وأب لثلاثة أطفال.________________________________________
أغنية شين ودشن

الشاعر / صلاح احمد ابراهيم
الحان / حمزة سليمان

شين ودشن
حر سيافى شين
شين ودشن
كلمة مافى شين
وهظاروا خشن
بسموم وسوافى
تسال شن الحبة الفيهو
الحب في زاتو مبرر كافي
ماشين ودشن
حار سيافى شين
عشان بقعة خراب
مافيها شجر
راويها سراب واطاطا حجر
حصحاصا يولع في الرمضاء
الحب سلطان مسلط نافى
لغيروا مرض لكن شافي
الشعب الحر الفعلو بسر
آب لحما مر
في الزنقة أم لوم قدام ميلين
البسمع فيهم يا أبو مروة
بي فرارة ينط من جوة
يبادر ليك من غير تأخير
دا اخو الواقفة يتعشى الضيف
الحافظ ديمة حقوق الغير
سيد الماعون السالي السيف
الهدمو مترب وقلبو نظيف
لا تسالنى عن حب وطني الفقران وغنى


راجعين

حواء المنصوري

السيرة الذاتية :


حواء محمد آدم المنصوري .


الــــميلاد:

مدينة ود مدني 1967م



المراحل الدراسية :-

الابتدائي : مدرسة بانت ود مدني - مدرسة الحارة الرابعة الابتدائية أمد رمان .

المتوسطة : مدرسة كرري الحكومية الثورة الحارة (4) .

الثانوي : مدرسة البلك الثانوية الثورة الحارة (2) .

الجامعي : -جامعة القاهرة فرع الخرطوم .

المعهد العالي للموسيقي و المسرح .


المؤهل الأكاديمي :-

بكالوريوس تجارة جامعة القاهرة فرع الخرطوم .

دبلوم المعهد العالي للموسيقي و المسرح – تخصص بيانو

طالبة دراسات عليا – كلية الموسيقي – جامعة السودان



النشاط العملي :

مساعد تدريس بكلية الموسيقي و الدراما تخصص بيانو




المشاط الفني :

عضو مؤسس بفرقة السمندل الموسيقية .

عضو مؤسس بمجموعة عقد الجلاد الغنائية – عازقة بيانو

*********************************************************

عطبره

اشعار : جمال عبد الرحيم
الحان : طارق جويلي

من قمت من بيتنا ومشيت
بطاقتي صورة مصغرة
شايل معاي شنطة صفيح
حزمة هموم
ولدا متين بقي للسفر والاغتراب والدردرة
كان الزمان لسة رضى
والناس ظروفها مقدرة
وانا في القطار اصغر صبي
امال تفيض متفجرة
لما القطار صفر وقف
بهرتني صورة عطبرة
دي محطة الوطن الكبير كانت تضج متحضرة
ونزلت ماشي على الرصيف
اغبش هدومي مغبرة
الهجرة من زمناً قديم زي ساقية فينا مدورة..
عائلة ابوي عبد الرحيم من حلفا جات متهجرة
اديلة او والله رن فجلي
بلد نفاي اموقا كجلي نورين موقو
كن جواب كفاي
دقيتني نفص كورين لوجي
نفس القطارات والسكك
يوم مقبلة ويوم مدبرة
كان عمري 12 سنة
شايل التقيلة مبكرة
رحال بدون زاد لا متاع
كان لي كتاب ومفكرة
لميت شتات بعض الحروف
وقرايتي تبدو مكسرة
من قمت من بيتنا ومشيت
بطاقتي صورة مصغرة
شايل معاي شنطة صفيح حزمة هموم
ولدا متين بقي للسفر والاغتراب والدردرة

الاخت رشا لك التحية والتجله ... وانت دوماً تقدمين ماهو رائع وراقي
لك كل الاحترام وفي انتظار المزيد من روائع عقد الجلاد ...
وطلب خاص ( حاجة امنة )

لك كل مودتي

ابو الزعيم
طلبك على العين والراس
وينك طولت الغيبة

حاجة آمنة أصبرى


عارف الوجع فى الجوف شديد
عارفك كمان ما بتقدرى
اصبرى .. اصبرى
جاهلك شكى وجاهلك بكى
وفى بيتك المرق اتكى
والشيء البحير ومابحير
مابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى
سرحتى فى هموم العيال
كيفن يعملوا مع الدروس
وسرحتى فى حق الفطور
باقى الامور البى القروش
واحد زمن داير ردا
واحد خلاص قلموا اتكسر
زى التقول أكلوا الصبر
يا حاجة آمنة اصبرى
مشيتى لى برج الحمام
برجك صفيحتين ما بزيد
ومشيتى لى برج الحمام
كان تلقى ليك جوزاً جديد
يمكن بعد طلع الصباح
يغشاكى زولاً يشترى
هبشتى جاى فتشتى جاى
كان تلقى سكر بس محال
باقى الرطيل الفى الكرت
يا حاجة سفوهوا العيال
يا حليل زمان وسنين زمان
يا حاجة لو تذكرى ... يمه
وسمعتى صوت جاك من بعيد
وبعد قليل بابك ضرب
وسمعتى صوت جاك من بعيد
شالك تعب ... ختاك تعب
يا حاجة ناس المويه جوك
أصلو الشهر روح جرى
يا حاجة آمنة اصبرى
بعد صراع وصراع طويل
يا حاجة بينك والمحال
ما لقيتى فى داك النهار
شيتاً ويجو ياكلوا العيال
حبة عدس ما بسوى شيئ
وينو البصل وينو اللحم
حبة عجين ما بسوى شيئ
وينو الدقيق وينو الفحم
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى

راجعين

تسلمي رشــــــــــــــــــــــــــــــــــا
ومشكوره على سرعة الاجابة ... بس مالو ما كتبتي كلمات اي شاعر

لك التحية مجدداً وفي انتظارك

انت يا خالد عايز كل شي جاهز! انا قلت اديك بعض الفضل عشان تجيب لينا الألفها واللحنها منو ...
حاجة آمنة
كلمات : عبد الوهاب هلاوى

اللحان : شريف شرحبيل احمد

بس عشان ما تتعب وتزعل

العضو:


انور عبدالرحمن علي المهل

تاريخ الميلاد :

16/11/1965

العنوان :

امدرمان بانت شرق – حارة 4/4 منزل 980
تلفون :

+249187562654- محمول +24991274439


مراحلة التعليمية :


1969-1675 مدرسة شكيرة الابتدائية

1975-1978 مدرسة شكيرة المتوسطة

1978-1981 مدرسة المحيريبا الثانوية

1981-1987 المعهد العالي للموسيقي والمسرح

(دبلوم المعهد العالي للموسيقي والمسرح- تخصص موسيقي - صوت)

خبرات عملية:

عضو مؤسس لمجموعة نمارق الغنائية

عضو مؤسس وعامل بمجموعة عقد الجلاد الغنائية

بحث عن خصائص الالحان في المدائح في السودان(تحت اشراف بروفيسور الزبير بشير طه – المرحوم اسحاق الخليفة الشريف)

بحث عن طرق الغناء في القرن الافريقي(نموذج السودان – اثيوبيا - ارتريا)

مؤسس مجموعة النيل الغنائية – المملكة الهولندية



مشاركات عديدة في مهرجانات غنائية في كل من :


جمهورية مصر- قطر – اليمن – اسبانيا – ايطاليا – بلجيكا – سويسرا – انجلترا - هولندا – المانيا




اللغات :

اللغة العربية – الانجليزية – الهولندية



الهوايات :

كرة القدم (لعب وتشجيع)- رياضة المشي - العدو

*********************************************************
أغنية:

فاجأنى النهار
----------
فاجأنى النهار
وأنا ماشى بيناتا
أتساقط باقي حنين
لسه عيونك ياها عيونك
تكسر باب الدم السرى
وتجرى تنعس عشب القلب
وتبكى سماهو فراش
يا ناعس بين الخلوه وريحة الصندل
فلت الطين
النيل قصاها ضفيرتو
وشراها رماد
وفجا حنين
يسرى الحلم الموجوع
لابطلع وقت اللقياء
ولا بهجرنى جواي ضلوع
يا مولود مظلوم في رئتك
ميز ريحة المطره او اٍتخيل بيناتنا رزاز
انا حلفت بنات الشجر
الماطر ماتنزل صفقه
تعرى صفير الريح
يلقى غناهو صرصار
الليل الماكر
همست شجره لتانى شعاع رباني
شاقي الحله
يدخل صرة شافع
ويطلع ايقاع نوبه
اٍحنا حفايه في بلدك اٍتلفتت فوق كتفينا
ود العين ندى وطار
عصفور نبت فينى الريش
صفقت جريت فرحان
ما تغطيني إنا عرقان من وهجي الفينى

الخير احمد ادم برة
من ابناء قبيلة الداجو
من مواليد قرية المرابيع بالنيل الابيض
امه الحاجة امسلمة بت الفكي حسين زبرمة الفلاتي
ابوه احمد ادم بره حسين الداجاوي كان يعمل بالسواقة



الحالة الاجتماعية :


غير متزوج


مراحلة التعليمية :


المرابيع الابتدائية نمرة2
المرابيع المتوسطة
كو ستي القوز الثانوية
كلية الهندسة جامعة الخرطوم قسم المساحة
خريج الدفعة 15من قسم الد راما بقصر الشباب والاطفال
خريج الدفعة 16من قسم الموسيقي بقصر الشباب والاطفال


خبرات عملية:


عضو مؤسس مجموعة الهيلاهوب الفنية
عضو مؤسس لفرقة المختبر الفنية بمصحة كوبر للامراض النفسية و العصبية
مؤسس مهرجان الابداع بكلية الهندسة جامعة الخرطوم
مؤسس كورال التشجيع بكلية الهندسةجامعة الخرطوم
اجيز صوته كمغني بالاذاعة السودانية عام 1994
عضو سابق بمركز شباب امدرمان ومركز شباب بحري
صاحب فكرة منهج الدعاية الشعبية عبر وسيط ابداعي شامل لشركة شل
مصمم برامج العناية بالمعسكرات الميدانية بمدينة هجليج 2001 لعمال وموظفي البترول
انضم للمجموعة عام 1997
له محاولات في التاليف الموسيقي
له محاولات في الشعر الحلمنتيشي
عمل استاذ بكلية النصر التقنية قسم الهندسة
يعمل الان بمكتب هندسي خاص


*********************************************************
ايدينا للبلد


ايدينا ياولد ايدينا للبلد
الغربه ان شاء الله تعقري ياتعدمي المال
الفقري يا تعدمي
الشيك الخضري والله شلتي العيال من بدري
والله شلتي
ايدينا ياولد ايدينا للبلد
كان اخويا اللبره جانا والله يصلح الحال معانا
والله يصلح الحال معانا شن الغربه المئخرانا
شن الغربه
ايدينا ياولد ايدينا للبلد
ننتج بي ايدينا والله نخلص العلينا شان
تشيل ام ريكا دينا نبني دارناوتبقه لينا
نبني دارنا
اخلاصنافي العمل ا خلاصنا في العمل
يسوقنا للامل
حكومه كان تنصلحي كان تعرفي عيشي
وملحي كان تشوفي
اللبي تزحي ماتباري القول تلحي كان
تعرفي
كان الحكوم صلح سودانا صار مليح
ايدينا ياولد ايدينا للبلد

الأهليـــــــــــــة

الأهلية كملت يا حبيب راحت
يا حليل شمس المحنة الغرَّبت طاحت

بسم الله إبتديت متل البرق لاحت
في الشين والفسل بقينا نتباحت
طال الكان قصيِّر والعالي إتاحت
والصولات حليلِن مَلَكَتِنْ راحت

مالك يا زمان شبَّعتنا هوله
لبَّست الناس تياباً حاشا مِي هولا
يات من كان يجي دمَّاعو مبهوله
والــ لله راحت لقت البواجهوله

مالك يا زمان شبَّعتنا وِح ووحيح
صِح الدون كِضِب .. كِضْب العوالي صحيح
يات من كان أنا جعلتو ليَّ صليح
عقرب حزَّ ليَّ يا نفسي زين ومليح

في حِوال الزمن صار الفِكِر حاير
والياباك خلُّو عندو شِن داير
فوق أهل الفِكِر كاس الوحيح داير
لفت سوق النفاق سوق السمِح باير

تُب الشباب إن بقى كوَّاس
تُب الصبي إن قطع المروة خلاص
تُب الشايب إن بقى وسواس
تُب الأقربين الإتفاتتو الأنفاس




الموضوع جميل وحى يا كراش .... نشارك حبة كدة !!

شكرا على المشاركة
وبالفعل احسنت الاختيار
نتمنى مزيدا من التواصل

والله العظيم مبدعين ربنا يحفظكم
كنتو داسنو وين الابداع دا؟؟

نتطلع الى المزيد

شكراً لك يارشا على هذه المشاركة الجميله
التي تعرفنا اكثر على هذه الفرقه العظيمه (عقد الجلاد)

شــــــــــــكرا العم محمد سليمان والابداع وارثنه منكم اكييييد
شكرا الاخ محمد ومنذر دى من ذوقكم

طارق أحمد جويلي




الــــميلاد:

1963م
الوطن الأصــــلي / مدينة شندي


الحالة الاجتماعية :


متزوج أب لطفلة




المراحل الدراسية :


_خلاوي ود الفادني
_ المناقل
_الهلالية
_أمد رمان
_قصر الشباب و الأطفال (3) سنوات
_دارس للموسيقي 1984م – 1987م
_ دبلوم جامعة أمد رمان الأهلية ( مشروع جامعة أمد رمان الأهلية ) 87م
_جامعة السودان/ كلية الموسيقي و الدراما بكالوريوس بتقدير ( امتياز ) 1997م .




خبرات عملية:


عمل عازف للأورغ مع العديد من الفنانين السودانيين 84-90 م

التحق بمجموعة عقد الجلاد الغنائية منذ عام 1990م و حتى ألان .

عازف للأورغ و مؤلف موسيقي و ملحن لعدد من الأعمال الغنائية في فرقة عقد الجلاد منها : -

عطبرة ـــــــ الحان و توزيع .

سارة ــــــــــ توزيع موسيقي .

طيارة ــــــــ توزيع موسيقي .

سأجور ــــــ الحان و توزيع موسيقي .

قام بتأليف العديد من المشاعل الغنائية و الفواصل الموسيقية و الشعارات لأجهزة الأعلام تلفزيون, إذاعة.

قام بتدريس الموسيقي في :-

مركز شباب الربيع .

مركز شباب السجانة .

بعض المدارس الخاصة .

شارك في جميع مهرجانات الخرطوم الدولية للموسيقي و جميع المهرجانات الدولية .

شارك مع نخبة من الفنانين السودانيين في كثير من المحافل الموسيقية الدولية في عدد من دول العالم العربي و الأفريقي (1984م – 1992م ) .

التحق بمركز التدريب التلفزيوني 1996م و تخرج مذيعا و مقدما للبرامج في التلفزيون القومي .

تلقي عدد من الدورات الإعلامية ( مركز التدريب ) أكاديمية السودان لعلوم الاتصال .

عمل في إدارة المنوعات و الموسيقي في التلفزيون ( قسم الموسيقي) .

عمل رئيسا لقسم الموسيقي بالإنابة ( عدة مرات ) .

عضو بعض اللجان الاستشارية في مجال الموسيقي .

مقررا للجنة برنامج أصوات و أنامل ( لجنة اختيار المواهب ) .

مديرا لفرقة السلاح الطبي الموسيقية و المسرحية و مشرفا عليها في مهرجانات القوات المسلحة 1999م – 2002م .

كاتب عمود صحفي في مجال الموسيقي في صحيفة المشاهد السودانية تحت عنوان ( موازير ) .

مساهما في بعض المنتديات الثقافية في مدينة الخرطوم .

لانك عندى كل الخير وجيهك فرحة الدنيا ودواخلك ذى شعاع النور...التحية ليك crashوانتى من عشاق عقد الجلاد وهذا يدل على حسك الفنى الراقى وذوقك الرفيع

لكى التحية اخت رشا وطبعا عقد الجلاد(القديمة) دى عشقى من بدرى .ولو عندك المزيد من الاشعار القديمة ماتبخلى علينا بيها

رشا ...انت تنافسين نفسك
عودتنا دائماً على الجميل الذي دون شك ينبعث من دواخلك
كوني كما عهدناك ...
والى مزيد من التقدم
لك خالص الود

صوت الإستحاله


كلمات: جمال عبدالرحيم
ألحان: حمزة سليمان


المناظر هي زاتا
الصور نفس المشاهد
الشوارع والبيوت
الأماكن والمقاعد
والزمان ثابت مكانو
والرقم اللسة واحد
وحشة الليل البهيم
ولمة الناس الحزانى
غصة الشوق القديم
بدموعا وبحنانا
وقصة الولد اليتيم
ونفس صوت الاسطوانة
دنيا تتغير ودنيا
ادمنت عشق الثوابت
صوت ينادي الاستحالة
والحقيقة صوتا خافت
جرح ينزف وقلب دامي
ولسة صابر ولسة ساكت