خوفتني لكن

من طرف fathi الثلاثاء يناير 05, 2010 5:37 pm

دخل رجل على زوجته

وهي مشغولة بالبيت

وناداها :
قال :ياهناية ...
قالت :ايوه
قال : تعالي دايرك هنا ...
قالت : في شنو ؟؟
قال : تعالي بس وانا بوريك ...
قالت : ياخي انا مشغوله قاعده اكوي في هدومك !
قال : خلي المكوة وتعالي ...
قالت : خلاص كويس ...
ثواني وجاتو لابسها كيف ..كيف ..
وريحتها طاقة... وابتسامتها ماليه وجهها ...
قالت : أها في شنو ...
عاين ليها بإبتسامة صفراء وقال :
شوفي ... أنا عرست عليك ...

وردلب وقعت على الكرسي وهي تعاين ليهو ...
و بصوت يرتجف
قالت :سجمي ... قلت شنو ؟؟؟

قال : قلت ليك أنا عرست عليك ...
ويالله قومي شيلي هدومك وأرحكي على بيت أبوكي ...

أنا مسافر مع مرتي التانية كم يوم كدا نقضي لينا شهر عسل وبجي
راجع ...

عاينت ليهو بين مصدقة وما مصدقة ...
وبدون مقدمات قام ليك فيها ...

وقال : ما تعايني لي كدا قومي جيبي شنطتك وانا راجيك برة في
العربية ...

طلع وهي تعاين ليهو ومندهشه

ومنططة عيونها ومحتارة ياربي الحاصل شنو ؟؟؟
دقايق وجاتو في العربية ...

وبصوت مخنوق ...
قالت : لو سمحت ممكن تجيب الشنطه ؟؟؟
نزل من العربية وشال الشنطة وختاها في المقعد الخلفي ...

دور العربية وطوالي على بيت أبوها ...
بعد شوية وصلو البيت ...
قال ليها : تفضلي انزلي .....

فتحت الباب ونزل قبلها وشال الشنطه ...

وجاء بي عند بابها ومسك يدها

وقال ليها : حبيبتي
أنا لا عرست عليك ولاهم يحزنون
بس ... ابوك مات !!!
هي بدون ماتشعر قالت:

!...الحمدلله ....خوفتني لكن
منقول

من طرف ود..نقد الثلاثاء يناير 05, 2010 10:00 pm

والله يافتحي دا قطع قلبه مرة واحدة لكن بالجد كده قصة مثيرة تعرف اثناء مابقرأ في القصة كرهت الراجل دا شديد واقول في نفسي مفروض الوضع ما اكون كده مفروض اكون في تمهيد مفروض ومفروض ومفروض لحدي ما وصلت نهاية القصة وادهشتني المفاجاة وضحكت كثيرا والاضحكني اكثرموقفها في نهاية القصة
جزاك الله خيرا اخي فتحي على هذه المساحة الرائعة يا زوق

من طرف احمد يوسف الأربعاء يناير 06, 2010 6:49 am

الزولة دى اكيد ماسودانية يابو الفتوح ولا شنو؟

من طرف fathi الأربعاء يناير 06, 2010 6:53 pm

طبعا القصة فيها مبالغة شوية الواحدة بتجنن لما تسمع زوجها اتزوج عليها ...بس بتصل ردة الفعل عندها لهذا الحد وبتكون وفاة ابوها اهون عليها من ضُرة هل دة ممكن احصل في الواقع البنعيشوا اليوم انا غايتو استبعد ذلك مااظن دة احصل ؟
امكن زولتنا دي اتفاجأت بالموضوع يا وجدي وهضربت انا غايتو عازرا هههههههههههههه
اديك العافية الاخ وجدي علي هذة الطلة مع تحياتى

من طرف fathi الأربعاء يناير 06, 2010 7:01 pm

واللة ياابوحميد اكيد ما سودانية دي من هنااااك..؟

خوفتني لكن

خوفتني لكن

رد: خوفتني لكن

رد: خوفتني لكن

رد: خوفتني لكن

رد: خوفتني لكن