الدناقلة00قريتى الحبيبة
+2
ابوخاتم
ايمان الصادق
6 مشترك
صفحة 1 من اصل 1
الدناقلة00قريتى الحبيبة
ابيات من كلماتى عيدية لاهلى الكرام
قلت اكتب لى حروف
فى الدناقلة الجد بريدا
حبك انت فينى ساكن
مهما اكون عنك بعيدة
ليك بحن فى كل لحظة
ماعشت فيك ايام سعيدة
وشوقى ليك مابتوصف
لو قلت فيك مية قصيدة
اشتقت لى امى وابوى
اشتقت لى اختى واخوى
اشتقت لى نادية وفريدة
*****
اشتقت لى شوفة الجرف
ومشيتنا ليه عز العصر
اشتقت لى شوفة البحر
ولعب الجهال تحت المطر
ولمتنا فى كوم التراب
ولعبة شليل تحت القمر
وعصرية نمرق للاهل
نمشى لى بت خالد امنة
نلقاها دوب موقدة الجمر
بتدور تسوى قهوتا
وفى ايدا شايلة صحن تمر
وانا ليها اقول فنجانى وين
اشرب واقول وينو التنى
لى تقول يابت خلاص امشى وكفاك
ماالسكر اصلو فرد رطل
جابو لى حاج الامين
مرقلو فى دكان فضل
كيفن يتم وانا قهوتى
ضحوة وعصر
امرق وافتش للصحاب
نتلما كوم نرجى القمر
ولو لينا خاطر ماننوم
نرجى الفجر
من تانى يبدا صباح جديد
بهجة وسرور نقضى العمر
الدناقلة يا اهل الكرم
ماناسا ديل اطيب بشر
يارب تصونا وتحفظا
تسلم تطيب من كل شر
يارب تعجل بالرجوع
ونعيشوا فيك باقى العمر
*****
قلت اكتب لى حروف
فى الدناقلة الجد بريدا
حبك انت فينى ساكن
مهما اكون عنك بعيدة
ليك بحن فى كل لحظة
ماعشت فيك ايام سعيدة
وشوقى ليك مابتوصف
لو قلت فيك مية قصيدة
اشتقت لى امى وابوى
اشتقت لى اختى واخوى
اشتقت لى نادية وفريدة
*****
اشتقت لى شوفة الجرف
ومشيتنا ليه عز العصر
اشتقت لى شوفة البحر
ولعب الجهال تحت المطر
ولمتنا فى كوم التراب
ولعبة شليل تحت القمر
وعصرية نمرق للاهل
نمشى لى بت خالد امنة
نلقاها دوب موقدة الجمر
بتدور تسوى قهوتا
وفى ايدا شايلة صحن تمر
وانا ليها اقول فنجانى وين
اشرب واقول وينو التنى
لى تقول يابت خلاص امشى وكفاك
ماالسكر اصلو فرد رطل
جابو لى حاج الامين
مرقلو فى دكان فضل
كيفن يتم وانا قهوتى
ضحوة وعصر
امرق وافتش للصحاب
نتلما كوم نرجى القمر
ولو لينا خاطر ماننوم
نرجى الفجر
من تانى يبدا صباح جديد
بهجة وسرور نقضى العمر
الدناقلة يا اهل الكرم
ماناسا ديل اطيب بشر
يارب تصونا وتحفظا
تسلم تطيب من كل شر
يارب تعجل بالرجوع
ونعيشوا فيك باقى العمر
*****
عدل سابقا من قبل ايمان الصادق في الأحد أغسطس 28, 2011 10:01 pm عدل 1 مرات
ايمان الصادق- عضو مميز
- عدد الرسائل : 185
بلد الإقامة : السعودية
الإسم الكامل : ايمان الصادق الامين
نقاط : 5513
تاريخ التسجيل : 16/01/2010
رد: الدناقلة00قريتى الحبيبة
عاشقة الدناقلة إيمان الصادق الأمين الفكي صالح
سلام وتحيات حد التماهي حضورك بازخ في تجليات حنين إلى الدناقلة وأنا أجزم بأن الإبداع يتناسخ ،، كم هي دافئة وجميلة زفرات شوقك ،، وعندما قرأتها تذكرت تلك المساجلات التي كانت تدور بين الوالد عليه شبائب الرحمة وبنت عمي الأستاذه خديجة الأمين صالح ،، هذه العائلة مسكونة بالكلمة والإبداع من سالف ،، ويكفيك فخرا بأن والدك الأستاذ الصادق الأمين رجل يمتلك ناصية من لغة الضاد وله مهارة بارعة في عجن وتشكيل اللغة وكم كان مُجيد ومجًود لهذا العلم وتمنياتي له برافل العافية والصحة وكمان جدك الأديب إبراهيم صالح عليه الرحمة كان عاشق حرف وطريق. كمان برضو نعطي أهل والدتك حقهم كفى أنو عمر الفارس جدك.
أرخى للكلمة نياطها وإدفقي مواعين الحرف حتى يزدان المنتدى رونق وجمال.
تحياتي لك ولأفراد الأسرة
دوما
أبوالخاتم
ابوخاتم- العضوية البرونزية
- عدد الرسائل : 492
بلد الإقامة : الدوحة ـ قطر
الإسم الكامل : عثمان احمد صالح الحاج
نقاط : 6245
تاريخ التسجيل : 20/09/2008
رد: الدناقلة00قريتى الحبيبة
ست الحرف المهندم رقة وامتاع (ايمان )
فى بالى كل عضو مسجل حضور انيق فى هذا المنتدى يمر بهذا البوست
وما يساورو حبة رعشة ويعبر عنها لو بى حرف
بنصحو يراجع عشقو للحبيبة الجوانا ساكنة ام الكل (الدناقلة )
من الصعب جداً ان يرد الواحد بعد ابو الخاتم
لاعتبارات الحرف الرقم واشياء اخر
وبعد السرد التاريخى للابداع المجزر فيك فرعو
ولا كلمة فقط نرفع لك القبعات
وقبلى المرور
فى بالى كل عضو مسجل حضور انيق فى هذا المنتدى يمر بهذا البوست
وما يساورو حبة رعشة ويعبر عنها لو بى حرف
بنصحو يراجع عشقو للحبيبة الجوانا ساكنة ام الكل (الدناقلة )
من الصعب جداً ان يرد الواحد بعد ابو الخاتم
لاعتبارات الحرف الرقم واشياء اخر
وبعد السرد التاريخى للابداع المجزر فيك فرعو
ولا كلمة فقط نرفع لك القبعات
وقبلى المرور
ابوفدوى- مراقب القسم الإجتماعي
- عدد الرسائل : 394
بلد الإقامة : الخرطوم بحرى
الإسم الكامل : هشام عبد الفتاح مرحوم عبدالقادر
نقاط : 5947
تاريخ التسجيل : 01/05/2009
رد: الدناقلة00قريتى الحبيبة
اشكرك العم عثمان احمد صالح على المرور والمشاركة الرائعة واشكرك ايضا الاخ ابو فدوى على المرور الجميل وكما قلت مهما اكتب من سطور لن تعبر عن حبى وشوقى لقريتى الحبيبة الدناقلة وللاهل الكرام وربنا يرد غربتنا ودمتم بالف خير
ايمان الصادق- عضو مميز
- عدد الرسائل : 185
بلد الإقامة : السعودية
الإسم الكامل : ايمان الصادق الامين
نقاط : 5513
تاريخ التسجيل : 16/01/2010
رد: الدناقلة00قريتى الحبيبة
حبيت أسابق الأنفاس
واكتب قبل كل الناس
وبصادق الإحساس
كل عام وانتم بخير وربنا يحقق الامانى ويرد غربتنا ويرحم موتانا ويشفى مرضانا ويرزق كل محروم بالشئ الذى حرم منه يااااارب
واكتب قبل كل الناس
وبصادق الإحساس
كل عام وانتم بخير وربنا يحقق الامانى ويرد غربتنا ويرحم موتانا ويشفى مرضانا ويرزق كل محروم بالشئ الذى حرم منه يااااارب
ايمان الصادق- عضو مميز
- عدد الرسائل : 185
بلد الإقامة : السعودية
الإسم الكامل : ايمان الصادق الامين
نقاط : 5513
تاريخ التسجيل : 16/01/2010
رد: الدناقلة00قريتى الحبيبة
اللهم امين وربنا يردكم سالمين غانمين
بالجد اخت ايمان احسست برعشة مع كلمات الحنين الجارفة لحبيبتنا الغالية دناقلة الخير ربنا يردكم اليها وتشربوا قهوة العصرية وتمشوا تستنشقوا ريحة الطين في جروفها
لك ودي وسلامي
بالجد اخت ايمان احسست برعشة مع كلمات الحنين الجارفة لحبيبتنا الغالية دناقلة الخير ربنا يردكم اليها وتشربوا قهوة العصرية وتمشوا تستنشقوا ريحة الطين في جروفها
لك ودي وسلامي
الجعلتي- مشرف القسم التوثيقي
- عدد الرسائل : 1754
بلد الإقامة : دردق
الإسم الكامل : يسري بشير الامين محمود احمد البشير
نقاط : 7898
تاريخ التسجيل : 09/03/2009
رد: الدناقلة00قريتى الحبيبة
الله يحفظيك يابيت الصادق
وليد سليمان- العضوية البرونزية
- عدد الرسائل : 314
بلد الإقامة : السودان
الإسم الكامل : وليد سليمان ابوعاقلة
نقاط : 5417
تاريخ التسجيل : 28/02/2011
رد: الدناقلة00قريتى الحبيبة
ان شاء الله يايسرى ربنا يرد غربتنا ونرجع للدناقة الحبيبة ونلاقى الاهل ونشرب القهوة مع بت خالد بالجد قهوتا غير ربنا يعطيها الصحة والعافية مشكورين يسرى ووليد على المرور ودمتم بخير
ايمان الصادق- عضو مميز
- عدد الرسائل : 185
بلد الإقامة : السعودية
الإسم الكامل : ايمان الصادق الامين
نقاط : 5513
تاريخ التسجيل : 16/01/2010
رد: الدناقلة00قريتى الحبيبة
اللهم امين وربنا يردكم سالمين غانمين
بالجد اخت ايمان احسست برعشة مع كلمات الحنين الجارفة لحبيبتنا الغالية دناقلة الخير ربنا يردكم اليها وتشربوا قهوة العصرية وتمشوا تستنشقوا ريحة الطين في جروفها
لك ودي وسلامي
والله يا ايمان شكلك اجرستى عديييييييييييييييل
انا واخوى الجعلتى زاتنا اجرسنا معاك ومن بكرة النقفل بيوتنا فى مدنى ونرحل تب للدناقلة
الله يحفظك والاسرة الصغيرة وربنا يهون جيه عاااااااااااااااااجلة قولى امين
ابو لين- المدير المالى
- عدد الرسائل : 2820
بلد الإقامة : السودان
الإسم الكامل : احمد صالح احمد على
نقاط : 8765
تاريخ التسجيل : 06/09/2008
رد: الدناقلة00قريتى الحبيبة
اميييييييييييييييييييين يا ابو لين والله مابتعرفوا قيمة الدناقلة الا تمرقوا برة السودان لكن فى مدنى فى اى وقت اشتقت ليها بتدور عربيتك وتجى الكلام الناس البينهم البحر..
ايمان الصادق- عضو مميز
- عدد الرسائل : 185
بلد الإقامة : السعودية
الإسم الكامل : ايمان الصادق الامين
نقاط : 5513
تاريخ التسجيل : 16/01/2010
مواضيع مماثلة
» مناظر من نيل القرية الحبيبة
» التمدن المتخلف دخل قريتنا الحبيبة
» سطور من إرث قريتي الحبيبة الدناقلة..!!!
» النيل هوى قريتي الحبيبة الدناقلة..!!
» نرجوا الدعم من ابناء القرية الحبيبة
» التمدن المتخلف دخل قريتنا الحبيبة
» سطور من إرث قريتي الحبيبة الدناقلة..!!!
» النيل هوى قريتي الحبيبة الدناقلة..!!
» نرجوا الدعم من ابناء القرية الحبيبة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى