وصف بيت في الخرطوم!!!

من طرف ود..نقد الجمعة أبريل 09, 2010 8:44 pm

تخش بشارع المخبز (التركي) تلقى ليك محل بتاع حلويات (شامية)..... تمشي طوالي بلاقيك حلاق (فلسطيني).... جنبو بتاع سباكة (بنغالي)....... و في الركن بتاع سراميك (باكستاني)... أول شارع تدخل بيه تلقى بيت ساكنين فيه عمال (هنود) تخليه..... بعديه بتلقى عمارة ساكنين فيها لعيبة كورة (نيجيريين)..... تلف على يدك الشمال تلاقى محل شيشة (مصريين) و قدامو في عمال (صينيين) بيحفرو مجاري الخريف... و بعدين بتلاقيك شجرة تحتها ست شاى(حبشية) وقدامها بيت فيهو عطالة (سودانيين)...
أها دا البيت زاتو!!!!!

من طرف نصرالدين السبت أبريل 10, 2010 2:23 pm

حلوه شديد وهو ده الحاصل بالظبط ونقد لازع جدا

من طرف ود..نقد السبت أبريل 10, 2010 9:24 pm

حبة البترول الطلعت لينا دي جابت لينا المشاكل تقول مافي بترول في العالم الا في السودان!!!
الله اكون في عونا اخي نصر الدين ...
واهلنا قالوا الزاد لو ما كفى اهل البيت احرم على الجيران
نسأل الله ان يكفينا ويشبعنا عشان نشبع جيرانا معانا.. وطبعا نحنا مشهورين بالجود والكرم و جودنا جود اروش..
وبلادي انا بلاد ناساً تكرم الضيف حتى الطير اجيها جيعان من اطراف تقيها شبع...
ومنذ القدم السودان فاتح صدرو للقاصي والداني منذ الهجرات الاسلامية الاولى واجناس كثيرة اتت مهاجرة للسودان و طاب لها المقام فيه واندمجت مع شعبه المضياف الطيب واليوم عملوا فيها سودانيين و جابوا لينا مشاكل !!!
اني سعيد لمرورك من هنا اخي نصر الدين وما تحرمنا من طلتك الرائعة...
دمت ولك محبتي،،،

وصف بيت في الخرطوم!!!

وصف بيت في الخرطوم!!!

رد: وصف بيت في الخرطوم!!!

رد: وصف بيت في الخرطوم!!!