تاوهات

عبرت سهول عبرت بحور شايل الريدة للبلور..
رضيت بالغربة فى شانك بقاسى الفرقة لى شهور..
سرحان ديمة فى طيفك واتبسم لخيال مبهور..
وافضل احسب الايام فراقك زى كانه دهور..
راقد جثة فاقدة الروح وقليبا طار بعيد مسرور..
قليبى هناك مع الحلوة تدغدغ فيه زى ما تدور..
تشيلو غنا تشيلو منا يجيك الليل يوقد نور..
تشوفى الدنيا مبتهجة تحسى الفرحة تحسى سرور..
وكان فى مرة شعرتى زعل يفوحلو اريج تشمى زهور..
شوية على يا السمحةبشيش يا ملكة ست الحور..
قلب زولك بيريدك جد بيموت فوقك بيموت ماثور..
وليك مخلص هايم بيك لانك لى ما مأجور..
عندى سؤال عليك الله حصل فى مرة شفتى الهم غشاك الجور؟...
جفاك النوم طول الليل وجاك الغم وطافية النور؟...
دا كان شفتيه حلم شوقك فى دى الحالة فاقد النوم ليه شهور...
وراضى البى لانك لى حب طاهر عفيف ورهيف ماهو فجور....