سامحني وأصفح ياحبيب

سامحني وأصفح ياحبيب ساقوني منك بالقصب ندمانا ليه سبتك براك تتباكي في نص الدرب طمني حالك أنت كيف والبي عمره ما نضب انا أصلي زول أحساسو مات من بدري معتاد الضرب كم مره شانك يا مناي من حنظل الألام شرب من خشمي تتقاطر دماي لو ينطق أسمك بالكضب بنفوني من نص الديار يوم عرفو أني انا ليك بحب لكن كل ما زاد بعادي لقيته شخصك لي قرب سجنوني بين أربع حيط زربوني من جيهتك ذرب لكن شايفاك كل يوم وهل طيف خيالل بحتجب طالوني بالأيد واللسان مافي شيتا ما سلب غير حبك الما قدرو يوم يصلوه ما ساكن القلب أقرب شي أني انا بي وراك بتزله وأتهان وأنضرب لكن في لحظة لقاك بنساه ذي الكان لعب وريتن أني انا لي حبيب لو خنتو بشعر بالزنب ساقيني راويني المحبه ومن حنانه كمان شربت يا أخوي ذي ريدت ولادك برضي للمريود بحب والله لو حاس بالعلي ما بترضي بيتي انا ينخرب ذي ما بتدورلهم السمح لي برضو خير الدنيا حب لكني ألقا الدايرا وين من ناس لعين خيرا نضب دون شوره ذي بيعت الملح باعوني في السوق بالجلب ماراعو لي أمي الدوام تتباكي شاني وتحتجب باريت لي زول بالجته بس بارنك الروح والقلب انا قلبي لو فارق ضراك ما أظنو من بعدك كسب متحمله الألام براي شايله الهموم ما بتتحسب وما لقيت زول حاس بالعلي قاسمني همي معاي تعب عرفته صح ألم الضرب مابحسو زول الا الضرب القربه كيف وجراحه كيف ما بحسها الا المنضرب فوضته لي الله الأمر وكتين من التحنيس قلبت مظلومه والمظلوم دعوتو من الأله ما بتنحجب بكتبلك هسي يا الحبيب متصبره وماسك القلم بكتب لك هسي والقليب مجروح بعاني من الألم مكتوبي من شهر العسل شهر المرض شهر السجم ملفوفه بي كفن الزفاف والحنه في أيدي دم مرقته من سجن الطقا دخلته في الزل والوهم قبلته بالواقع المرير أمنت بي أمر القسم قبلته بالدايرنو لي كم قبلي مظلوم أتظلم يئسة من عيشت عزاب رامياني في زول ما رحم أنسانا صرت بلا طموح بلا مبادي بلا قيم قنعته من الرحمه تب بس فيك ما أنقطع العشم لا زلته ياك مالك القليب رقم أنو أمري انا أتحسم لا زلته بفخر بيك وأقول أنت الحبيب في كل ملم لا زلته بي أسمك بصيح لو حته ساكت أتهجمت وبقولو قدام أي زول ما خايفه أصلو الموت هو كم أخر رسالتي بطمنك أرجوك لا تشيل لي هم خليك في عهدك معاي أرجاني لا يفوتلك سهم بكون في جواك فرح بلسم تداويبو الألم ذي حسي ليك بين الضلوع غرزه وقليبي نجم أخواني سيبوا يفرحو انا جرحي لسه ما أتلأم يمكن ضميرا يوم يحس واعرفو أني انا أنظلم ويعودو شان يبنو الوقع كيفا بيبنوا الأنهدم ديل ناس هوايتا الظلم ديل خلو عيشتي بلا طعم ما سوه بي حكم العقل ما بندم الليهو أحتكم الناس بتتقاس بالعقول ما بالجلاليب والعمم وانا ماسكه في حبل الصبر في الله انا أملي ما أنعدم