المريخ قلد الهلال فى كل شىء

معاكم معاكم خسرالهلال من الاهلى خسرالمريخ من الاهلى --هداف الدوره الاولى سادمبا -- هداف الدوره الاولى ساكواه يعنى الجماعة فى المحلى معاكم فى كل شىء بس ما قدروا يقلدوكم فى بطولة افريقيا والفصاحه قالوا الدوره الاولى بالعلامه الكامله لكن ولدنا سابقا سولى شريف حرم الجماعه من العلامع الكامله والفرق بين الاهلى شندى والاهلى الخرطوم ان الاول لعبنا معه فى شندى والجماعه موعدهم الدوره الثانيه فى شندى ومن الان يظهر ان الدوره الثانيه مولعه نار ( وسولى شريف مبسوط منى)--ونشوف الحكايه اخرتا شنو

شكرا ليك ياعم محمد لكن ماتنسى انو الهلال اتهزم مرتين في الدوره الاولى من المريخ واهلي شندي والمريخ مره وحده بس وان شاء الله المريخ يبدع في الدوره الثانيه

دايمأ يااستاذ محمد ده حال الهلالاب دايما افرحو بي غلب غيرن ونسو اننا آخر مباراتين بينا لطشناهم ابتداء من هنو - وراجي وختامأ بي ساكواها ومهما واصل الهلال في مشاركاته الافريقية . ونحن خرجنا من الادوار البدائية فذلك لن ينقص من قامة الزعيم شئ لانكم مهما وصلتم وفعلتم لن تلحقو الزعيم لانه النادي السوداني الوحيد الذي زين جيد الوطن بالذهب الافريقي - والفضه الافريقية. ولاشنو ياحمد الطيب.

كلااامك صحيح جدا يا ابو شيبه ونتمنى انو الهلال(( يحاول )) ويجيب حاجه من بره كما فعل الزعيم

الاخ سامى والابن حمد لكم الود والتقدير اولا اتشرف بمعرفة الابن حمد الطيب حمد ( مش قلت ليكم استفدنا من المنتدى ) ثانيا نحن للان ما اتفرغنا ليكم لاننا مشغولين ببطولة الكبار مش محلى وفى الاخر الدورى للهلال وبذكركم الكلام ده فى اخر الموسم ثالثا عارفين قصة سولى شريف ( لما كان فى الهلال جاب قون فى المريخ -ولما لعب مع حى العرب جاب قون فى المريخ - ولما لعب فى الاهلى حاب قون فى المريخ شنو قصة سولى دى - غاتو دولاراتكم ضاعت بدون فائده

انا برضو بتشرف بي معرفتك يا عم محمد والوالد كلمني عنك كتير

ونعم العم ..

وماتنسى الخيله الحره بتجي في الاخر ... والمريخ حيغلب التحكيم والتنجيم ...

الابن حمد نحن اهل من جده واحده ولكن فرقت بيننا ظروف الحياة والحمد لله المنتدى جمعنا --شنو قصة هروب البدرى من بدرى كده صاحبك عرف الدوره الثانيه نار مولعه عشان كده نجح بدرى وقبض بدرى وهرب بدرى الله يكون فى عونكم ماقلنا ليكم عندكم دولارات محرقه روحكم البدرى عرف اللعبه خرج من بطولة افريقيا ومافى سيكافا ومباراته القادمه فى شندى قال احسن يتخارج وقول واحد ناوين على كروجر والا مازدا ( انصحكم بمازا) كما تقول الدعايه---

العم محمد والاخ محمد لكم التحية
والله ياحمد انتو خليكم دى شكلها كده ماحتحرك من مكانا وبعدين احنا البنجى فى اللفة انتو من بداية الممتاز فى الصدارة وبعد كدة stop شكلو كده البهظر مع الكدايس بخربشنو شدوا حيلكم يا ابو حميد ...........والبدرى هرب

نحن دايما صفوه وفي كل الظروف اخوه ودايما نعشق النجمه ونهوى ..
وحتى في كورة السله هزمناكم الليله ..
وين تمشو مننا ..

(( والله المريخ دا عقده عديل كدا للهلال )) ولا كلامي ماصاح ..

مع تحياتي : حمد ( المريخابي )

الاخ حمد لك تحياتي والله حقيقه المريخ عالم جميل ياحمد انتصر افرح ثلاثه ارباع الشعب السوداني اتهزم برضو افرح نص الشعب السوداني في ياحمد جمااااال زي ده؟. كان في خلي اورونا عشان نمش عليهو

الاخ سامى شنو الحكايه انت وحمد ناسين الحاصل وهروب البدرى وبعده الحضرى كدى اول شىء حلو مشاكلكم ونشوفكم فى الدوره الثانية وبعدين اتكلمو عن ماضى المريخ القديم من زمن امى نفيسه واخير ليكم تسجلو مشاطيب الهلال ---- الابن احمد اهنيك بالمولوده وتربى فى عزك وطبعا رائدات الهلال زادو واحده ان شاء الله

الاخ حمد لك تحياتي والله غايتو الهلالاب ديل شغلين بينا جنس شغل ومن حسه اهضربو امرقو من المجموعات القونا منتظرنهم والله حقيقه ياحمد من قال المريخ عالم جميل انتصر يفرح تلاته ارباع الشعب السوداني انهزم افرح نص الشعب السوداني في جمال اكتر من كده؟ كان في خلي اورونا ليه ياحمد عشان نمش عليهو .( قالو ياحمد الماعندو قديم ماعندو جديد والماعندو كبير افتش ليهو كبير والكبير كبير ياهلالاب ونحنا ماعندنا مشاكل بس امرقو منها انتو وبقو في حال فريقكم الماش بالحظ ده ).