الهلال بالارقام

الهلال الأول عربيا وإفريقيا و72 عالميا ياجماعه الفيفا جامل الهلال والا شنو يمكن الهلال دفع رشوه للفيفا غايتو في ناس ما بتصدق الكلام ده حتى لو جاء بلاتر وحلف اسم الله لكن هذا هو الواقع والما عاجبو يشرب من البحر وهاكم الدليل بالأرقام .

116 مباراة على التوالي في ملعبه لم يجرؤ فريق بالفوز عليه.

الفريق السوداني الوحيد الذي ظل دائم التواجد في دوري أبطال إفريقيا (دور الثمانية) أربع مرات.

الفريق السوداني الوحيد الذي وصل الى نهائي بطولة الأندية الإفريقية مرتين في العام 1987 و1992 ..

الفريق السوداني الوحيد الحائز على البطولة الأولى في السودان (الدوري الممتاز) عشر مرات من مجموع خمسة عشر نسخة.

الفريق السوداني الوحيد الحائز على بطولة الدوري الممتاز خمس مرات على التوالي.

لهذا ولغيره أقمنا الاحتفالات
أما عن فريق الصفوة ترتبه 258 عالميا يعنى الأول على فريق صومالي وأخر جيبوتي طبعا الكلام ده ما بيعجب الابن حمد الطيب ولا سامي ابوشيبه والله يكون في عونكم قال محموله جوا قال-----

الاخ الاستاذ محمد حسن التصنيف البتقول فيهو ده ماتصنيف كاف ثابت ومستديم يعني شهريا بعوسوهو هلهيلكم في الابطال مداوم لي اربعه سنه صااااح لكن بدون جدوي يعني الصفر الدولي الكبير متحمدكم من تاريخ تأسيس ناديكم حتي آخر ثانيه في ساعتكم . شايلين الدوري الممتاز اكتر مننا صاااح برضو نرجع انجاز محلي وماتنسو انو كاس السودان ملك لينا برضو. انتو وصلتو الابطال مرتين (1987 -و 1992) لكن مرقتو صفر اليدين منها . برضو نحنا نرجو منكم بالاعتراف بي اننا النادي الوحيد الذي شرف السودان بكأس خارجي محمول جوأ ولعبنا نهائي الكونفدراليه ماسنة 1987 ولا 1992 سنه 2007 وشلنا فضيتة يا استاذ محمد ولاشنو ياحمد اخوي......

الاخ سامى نحن على يقين تام ان الهلال لو لعب براهو فى الابطال ما حيشيل الكاس لسبب بسيط لانو الهلال مافريق بطولات ولكن نرجو ان يتعلمو من المريخ

الاستاذ العم محمد حسن تحيه طيبه اتمنى انك ترجع الى صحيفة الصدى قبل اسبوعين وخاصه عمود الاستاذ مزمل ( كبد الحقيقه ) وقد رد الى جميع الهلالاب بالسودان وان هذا التصنيف شهري والفيفا ببراءة منه والسنة الماضيه المريخ حسب التصنيف الشهري كان المريخ رقم 71 في العالم وكان الاول عربيا وافريقيا ولأن المريخاب صفوه لم يفرحوا بهذا التصنيف لأننا نعرف مستوى كرتنا السودانيه وهذا للتوضيح وشكرا ياعم ....

الابن حمد لك الود حتى لمن نفرح ما بعجبكم وانا من قراء الصدى عشان اشوف كيف كتاب المريخ بيضحكو عليكم وبضللوكم خاصة مزمل وانت شفت عمل ايه فى المريخ ورفع اللعيبة السماء وصور المريخ كبرشلونه وفى الاخر طلعتو من المولد بدون حمص والله يستر من سيكافا ما تكون ذى الفاتت ونحن يهمنا ان نكون متواجدين مع الكبار مش مع الحمام الميت ناس الجيش الصومالى

العم محمد تحيه طيبه سيكافا البتضحكوا عليها دي اشترك فيها الهلال 8 مرات واحسن مركز جابو كان الثالث والمريخ اشترك فيها 7 مرات واسوأ مركز ليهو كان الثالث جاب كأسين و4 ميداليات فضيه .. اين الهلال واين الكاسات لانعرف لهو الا الصفر الدولي ومتعود الهلال يصل المرحله دي ويطلع فشوش وعارفين النتيجه النهائيه بشم ريحتو لكن مابصلو ... فرق ياعم

hmod94 كتب:العم محمد تحيه طيبه سيكافا البتضحكوا عليها دي اشترك فيها الهلال 8 مرات واحسن مركز جابو كان الثالث والمريخ اشترك فيها 7 مرات واسوأ مركز ليهو كان الثالث جاب كأسين و4 ميداليات فضيه .. اين الهلال واين الكاسات لانعرف لهو الا الصفر الدولي ومتعود الهلال يصل المرحله دي ويطلع فشوش وعارفين النتيجه النهائيه بشم ريحتو لكن مابصلو ... فرق ياعم

المريخ ياحمد اشترك خمسة مرات
فاز بالكاس مرتين
وكان الوصيف مرتين
ومرة كان ترتيبه الثالث
لذا لزم التنويه
نرجو ان تكثر من مشاركاتك
محمد حسن دا وزن الريشة
معلوماته مصدرها معروف
الباقى يعزف ليه
هاهاهاهاهاى
تحياتى يا امحمد ودحسن ود الطيب

الاخ محمد معلوماتى من صحف السودان الرياضية اليومية ومن الصدى المريخية لكن ما عارف تقصد شنو لى عشرة سنوات زرت السودان مرة واحدة 2008 يعنى مافى حد يمدنى بالمعلومات . المعلومة صارت سهلة ومجانى وبعدين الحكاية راى ووجهة نظر ما مصارعة ( وزن الريشه دى ما فهمتها) ايضا ماذا تقصد واحد يعزف ليهو وها ى ياخوى لو ما صدرك واسع خلينا ننسحب كما انسحب اخرون وشنو قصة افضل هجوم دفاع المريخ فى سيكافا انت الباشا ده قايل نفسه لسه لاعب فى الهلال والسعودى هدفه سادمبا ما يجيبه واخيرا التصنيف الشهرى تانى قال الهلال الاول افريقيا وعربيا وكمان 72 بدل 74يعنى مركزين معلومات ذى دى من وين تصلنى بالله عليك وضح قصدك فى الكتابه عشان الواحد يقدر يرد وحتى الان حسن النية متوفر اما اذا اتضح غير ذلك استعد----
المهم واحد بعزف ليهو دى لو تقصد محمد الشفيع فعلا كان بيعزف لى الايقاع فى حفلات الناس الماقادرين يجيبو فنان فى ذلك الزمان الاسود وايام مرت بخيرها وشرها والشفيع منذ عشرين سنه قابلته مرة واحده ففى السنه التى رجع من السعودية جئت انا ورغم ذلك اتشرف به بسانت من اين تأتى بالمعلومات ومن اين شجعت المريخ لازم تكون اتأثرت بمن قبلك ولى عوده عشان نشوف قصة وزن الريشه دى تقصد بيهاشنو

الاخوين الاعزاء الاستاذ محمد حسن ومحمد سليمان لكم اعذب التحايا لشخصكم الجليل ووالله المنتدي الرياضي حلاوتو بيكم لكن بس من غير تجريح لانو والله بي كل صراحه لامن قريت رد الاخ محمد حسن حسيت انو زعلان شديد من تعابير الاخ محمد سليمان في النص المكتوب ارجو منكم الاخوين محمد حسن ومحمد سليمان تطييب النفوس لانو جد والله نحنا بنتعلم منكم كتير وفي النهايه الرياضه تسامح والطف مافيها روح الدعابه وده سر حب الناس ليها. وانشاء الله رسالتي ماتكون تقيله عليكم مع خالص حبي واحترامي.