شعر حلمنتيشي

أديك العافية يابت رامة على الحلمنتيش الرائع ده فالحلمنتيش رغم خفته إلا أنه يستطيع أن يعالج الكثير من القضايا الإجتماعية ويفسر العديد من الظواهر الوافدة على مجتمعنا بفعل العولمة ويقلل حدة التاثر بها على سبيل المثال اهديك هذه الأبيات للشاعر الحلمنتيشي المبدع حدباي
عن الدش وما فيه من قنوات تجرح الحياء العام وتصيب معتقداتنا في مقتل.
الأبيات
ناساً في البيوت ما تقيسة بي تيبانا.
ماتغر دشوشن والزمم خربانة
مشوبرين شديد دايرين إشوفوا الدنيا كل أركانا.
جابوا الدش عديل ربطوه أعلى مكانا.
نحنا ما همانا.
ممكن نعمل إرسالنا برانا .
ونرسلوا لي اليزابيست في مكانا.
ونقول ليها ياليذا إن تطيعي وتخضعي لزوجناك عصام غانا.
كلمة الحق المعانا .
ناس تقوله وناس تحاذر .
وناس تقول في الدش خطورة وغزو سافر.
وناس تقول الدش ده طفرة وفلته في الزمن المعاصر.
ونحنا كلمتنا بنقوله وما بنكابر.
إنو ما عيب الخواجة لما يرسل بث مباشر.
عيبنا نحنا قي نفوسنا لابنصنع تكنلوجيا ولا بنهيئ شأن نذاكر.
عيبنا نحنا شكلة في كل المحاور .
وزيف بينضح في المنابر .
فيهو اشتت ورقنا وفيهو إتكسر قلمنا وفيهو إندفقت محابر.
وديمة نبكي في مجد غابر.
حقو نحنا نفوق ونصحا شأن منصنع مجد باكر.
هذا مع
أطيب تحياتي