احبك جدا

من طرف الجعلتي الأربعاء أغسطس 10, 2011 2:33 am

احبك جدا واعرف ان الطريق الى المستحيل طويل
احبك جدا واعرف اني اعيش بمنفى وانتى بمنفى
وبيني وبينك ريح وغيم وثلج ونار وبرق ورعد
واعرف ان الوصول الى عينيك وهم
واعرف ان الوصول اليك انت يسعيدني
انا امزق نفسي لأجلك ايها الغالي
ولو يخيروني لكررت حبك في المره التانيه
يامن غزلت قميصك من ورقات الشجر
يامن حميتك بالبصر من قصرات المطر احبك جدا
ا حبك جدا واعرف اني اسافر في بحر عينيك دون يقيني
واترك عقلي ورائي واركض اركض خلف جنوني
احبك جدا جدا وجدا وارفض من نار حبك ان استقيلا
وهل يستطيع المتيم في الحب ان يستقيلا
وماهمني ان خرجت من الحب حيا وما همني ان خرجت قتيلا

لك التحيه الاخ الجعلتي وانت تعبر هذا التعبير الجميل لمعني الحب والتضحيات من اجله.

من طرف ابوخاتم الأربعاء أغسطس 10, 2011 6:28 am

الأخ يسري ود أستاذ بشير

مزيد من التحيات والسلام

أولا مبارك عليك الشهر وتصوم وتفطر على خير وإن شاء الله رمضان الجاي تصوموا في سودان ديمقراطي مُوًحد قول آمين.

ده شنو يا ود أستاذ بشير الجمال الطافح الغامر الفجة ،،، وشايفك هنا إتدفقت لمن فاضت فيك الفكرة وبصراحه ده لغة كتابة رومانسية فيها تحدي يلعن ليك أبو الظروف ذاتها ،،،وعليك الله ما تضارى وراء الدعوات ،،، وبصراحة فتنة الشعر فيك نائمة بارك الله في المنتدى الذى أيقظها ،،، وبالله عليك كمان خليك ماسك في خصر القصيد والكلام البرجع لزمن الإنبجاس.

ينوبك ثواب

دوما ـ ابوالخاتم

من طرف الجعلتي الأربعاء أغسطس 10, 2011 2:55 pm

الحبيب ابو الخاتم
رمضان كريم
اللهم امييييييييييييييييييييييييييييييييييييين
اللهم اجعل السودان سودانا ديمقراطيا
ومشكور يا عزيزي على مرورك من هنا ياعزيزي هي لحظات نفلت فيها الزمام لمشاعرنا ان تفيض كما فيضان النهر العظيم
هي لحظات يا عزيزي يهتز فيها وتر احساسنا بفعل مثل هذه الاشعار وانشاء الله يا عزيزي سنواصل في احساسنا وسنلعن ابو الظروف
ونتمنى ان تكون معنا في قادم الرمضانات
لك شكري
الجعلتي

من طرف fathi الخميس أغسطس 11, 2011 7:32 pm

كلام من غنانا على وزن احبك جدا بس فية لوعة يا الجعلتى
شوف كم زمن ما شلنا هم
ولا عشت يا قلبى العذاب
و سرحت فى ليل الشجون
ما عرفت لى دربك مااب
الحب طريق محفوف صعاب
وانت لسه فى اولو
يا قلبى قالوا الحب عذاب
و افراحو حافيها الالم
فى ظلو ما بنخشى المصير
فى صفاهو ما نفقد عشم
صدقنى مهما ليك ظلم
ما اظن حنانو تبدلو
مرت سنين الشوق معاك
ولا هلا فى دنياك ربيع
عانيت جحيم الحب وفاء
قاسيت حلاوة الريد دموع
راضى سعيد فى الويل تضيع
و سير طريق ما بتوصلو

لو بتلقى زول بحبك زينا
زول بشيلك في عيونو
وفي ضلوعو وفي دموعو
في ابتاسمتو وهناهو في شجونو
ما بنعاتبك
لو بتلقى ما بنعاتبك
ياما جيناك وياما بابك
لوبحس دقات قلوبنا
كان حاكلك كان بكالك
نحن ما ناسك .. ما ناسك
شبابك نحن ريدتك ونحن ماعمرك
ليه بتهدم انت في لحظة تجنى
البنيناهو في عمر مخضر طويل
الدموع في عيونا
تتحجر عشانك ما بتسيل
وقدر ما نحاول نشيل همك
بتتمرض قلوبنا وما بتشيل
نحن ما ناسك .. ماناسك
انت ما علمتنا الحب بسمة صافية
فيها عزة وفيها بهجة
بتسجير بعاطفة دافئة
نحن عشناها بشعورنا
وبعواطفنا الرحيبة
انت ما ضيعت أرواحنا في صحارى التيه
ما ترجع تجيبها
لية تلوعنا وتسيبا ليه

من طرف وليد سليمان الخميس أغسطس 11, 2011 8:16 pm

رمضان كريم ومزيد من التقدم

من طرف الجعلتي الخميس أغسطس 11, 2011 11:05 pm

الخال الجميل فتحي الحسن
لك الود
ياسلاااااااام علي الاحساس الجميل
اقسم بالله ياخال لقد لمست فينا وترا حساسا
اقسم بالله لقد طفت بنا في عالم تاني عالم جميل ملئ بالاحاسيس
لك كل الحب والتقدير
ولا تبخل علينا باغاني الزمن الجميل
خالص ودي
الجعلتي

احبك جدا

احبك جدا

رد: احبك جدا

رد: احبك جدا

رد: احبك جدا

رد: احبك جدا

رد: احبك جدا

رد: احبك جدا