واقعنا بعيون ساخرة جداً جداً..!!!

الاخ وجدي لك التحيه والله حقيقة الواقع البنعيشو في البلد الايام دي مرير جدأ وكل حاجه فيهو صعبة المنال يعني الواحد عشان اتعلم وكمل تعليمو علي افضل حال الماده ام الحاجات تخذله والوضع الاسري البسيط عشان كده اي زوول بقي بفتش في اقصر الطرق للكسب والتحسيين من الوضع المادي وزي مابقولو الحياة ياكفر ياوتربأعتبارها اقصر الطرق للكسب. تقبل مروري الاخ وجدي مع فائق احترامي.

الاخ وجدى
الاخوة المتداخلين فى هذا البوست

لصعوبة الحياه المعيشة فى بلدنا وغلاء الاسعار الكل صباح اخترت لكم هذا الكاروكتير

ولسان حالنا يقول ( مانصبح )



[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
خطيييره دى ياود العمدة قول نيمة داير كم سنه عشان تتاجر

الاخ وجدى لك التحية
حقيقة كم هى جميلة فكره هذا البوست عله يخفف عن معاناتنا اليومية كما اشرت انتفى فى هم الجرى والرحيح ورا لقمة العيش لعلها استراحة جميله وراكوبه همبريبه بضرى نصنقر فيها وقت الضيق
شكراً ليك وللاخوه المتداخلين

استاذنا وجدي الطيب
كووووووووووووووم من التحيات والاشواق

انت تمارس مهنة التخدير ببراعة لا تضاهى شنو الناس تضرب الهم بالفرح !!! مش كان من الافضل مناقشة مسببات الهم والغم الطافح
اما كان الاجدر بحث جذور مشكل الهم والغم والشظف والفقر والعوز الذي يرزح تحته اهلنا وشعبنا المغلوب على امره وذلك نتاج لسياسات ممنهجة متبعة من قبل نظام البشير الذي كنت تطبل له هنا وبشرتنا بعد الانتخابات المخجوجة بالرخاء والانطلاق نحو السعة والدعة التى سوف يتمتع بها شعب الله المحتار فيكم !!!! (جوع كلبك يتبعك)
اغصب ضميرك على قولة الحق في هذا الذي يحدث ومن المتسبب في الغلاء الطاحن والفقر الذي طنب البلد !!! فأنت لا تثريب عليك
لانك عائش بنفس عقلية العصبة الحاكمة مغالطة الواقع !!!
كان اجدى لو طرحت مسببات الغلاء والبلاء التى اوهنت العظم واشعلت الرؤوس شيبا !!! قول الحق كل الحق ولا شئ غيره حتى تكون
شهادة براءة ذمة تشفع لك عندما كنت تصك مسامعنا بالخير الذي سيأتي به اولي العصبة بقيادة بشيرك الهمام
ايغال في التخدير والإنصرافيـــــــــــــــــــــــــــــــة

طن احترامات
دوما ـ ابوالخاتم

اختي الكريمة الناشطة سمية..
الاخوين الكريمين فتحي الحسن ..
ابوالخاتم..
اليكم مني سلام كتير وشوق اكتر..

شكراً لكم مروركم من هنا اسعدني .. وتعالوا نواصل مع بعض سخريتنا من الدنيا الفانية ومآلاتها ، ونحاول نتعلم اجادة ضرب الهم بالفرح ، لانو ام لبوس مافي حد واخد منها حاجة ، ولانو ربنا سبحانه وتعالى ورسوله الكريم وصونا الا نجزع لمصائب الدنيا ، ولا نحمل لها هماً ، فلسوداننا الحبيب رب يحميه ، وله في خلقه شئون ، وكل شيء عنده بمقدار ، يهب الملك لمن يشاء ، وينزع الملك ممن يشاء ، وهو كفيل بالظالمين ، تعالوا نرفع اكفنا لله مخلصين له الدين بأن يشرح لنا صدورنا ، وييسر لنا امورنا ، ويفرج عنا كروبنا وهمومنا ، ويوفقنا الى ما يحبه ويرضاه...


يلا ياجماعة خلونا نواصل في هموم تعليمنا لانو هو الاهم في الحياة ، خصوصاً الايام دي لانو المؤتمر منعقد ، والظاهر كده المؤتمر دا فيهو بشريات كويسة للنهوض بالعملية التعليمية ..

واهم خبر سمعتو من المؤتمر انو قرروا زيادة السن المعاشية للمعلم ورفعوها الى (65 عام) للاستفادة القصوى من خبرات المعلم ، التي لا تستغني عنها جودة التعليم ..

وكمان في طراطيش كلام لسه ما اتأكدت منو انو حا اضيفوا السنة الناقصة ، ويمكن ان يكون السلم التعليمي (4-4-4 سنوات) او (6-3-3 سنوات) او (9-3 سنوات) ، وطبعاً سلمنا الحالي الدولة الوحيدة البتعمل بيهو هي تركيا ، والمفروض تكون فيهو ايام الدراسة خلال العام (210 يوم) ، ونحن في السودان لم نستطع تدريس اكثر من (180 يوم) في العام ، ودا مكان الخلل يا اخوانا في السلم الحالي ، وعدم تمكن وزارة التربية من تدريس (210 يوم) في العام يرجع الى اسباب كثيرة وظروف متعددة لايسع المجال لذكرها هنا..

وبالنسبة للمنهج فخبراء المناهج اكدوا فعاليته ، وقوته ، ومواكبته للعصر ليخرج تعليماً جيداً ، وسيستمر مع بعض التعديلات الطفيفة ، كما اكدوا ان تدني المستوى العام للتعليم ليس بسبب المنهج ، وانما يرجع لاسباب اخرى غير المنهج لايسع المجال لذكرها هنا ، وما عايزين نصدع بيها راسنا لانو خبرائنا في التعليم ما بقصروا ، وثقتنا فيهم وفي مقدرتهم عالية لمعالجة تلك الاسباب..

وكمان سمعنا انو في خطة لبداية تفعيل مجانية التعليم وذلك بوضع خطة لتاهيل المدارس الحكومية في جميع انحاء السودان من حيث الاجلاس والمعلم والبني التحتية ..

والخبر المفرح كمان بانو في اتجاه لتكون مرتبات المعلمين اعلى مرتبات تعطى لموظف في دولة السودان ، والخبر دا مفرح لانو بصب في مصلحة التعليم لان المعلم هو الركيزة الاساسية للعملية التعليمية ...

وان شاء الله بكرة المؤتمر بنتهي ، وبجيكم بالخبر اليقين ، وبجيب ليكم معاي توصيات المؤتمر وقراراته التي نتمنى ان تطبق عاجلاً غير آجل على ارض الواقع...

خليتكم بعافية .. ولو امد الله في الآجال عقب بجيكم صادي .. ود..نقد ،،،

حبيبنا وجدي الطيب
صدقني يا زول يا رائع الكلام البتقول فيه عن ثورة التعليم ده كلام جرايد ولا في ثورة ولا في مجانية تعليم ولا في تعليم من اصلو .
الطباشير يا عزيزي تشتريه المدارس الحكومية او بالاخص يشتريه التلميذ
والمعلم يا صديقي الطُلبة (ولا استهين بها فهي مهنة شريفة) ياخذ اكثر منه مالا . وحتى ان حصل ما تقول عن الزيادة في الراتب للمعلم ما الفائدة؟ فالسوق يا صاحبي ينتظرها بفارغ الصبر ليزداد اضعاف مضاعفة ,فالسوق سوق مفتوح واي زول بي مزاجو
يا صديقي انا اعتبر ما يثار عن التعليم ضجيجا لا بودي ولا بجيب تعودنا ان نستمع الى هذا الضجيج دائما ولا نعيره اهتماما فالبراميل الفارغة دائما ما تصدر ضجيجا
اقعد عافية

حنبنيهو ..
البنحلم بيهو يوماتى
وطن شامخ
وطن عاتى
وطن خيّر ديمقراطى

وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده
سياده
حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري..
ورديّه
مكان الحسره أغنيّه
مكان الطلقه
عصفوره
تحلق حول نافوره
تمازج شُفّع الروضه
حنبنيهو
البنحلم بيهو يوماتى

وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه

مشكورة أختي الغالية وصال على الكاركتير المؤلم لأن نهايته موت العريس او جنانه او هروبه من الزواج يعني كلها عواقب وخيمة .............. الاخ وجدي لك تحية صباحية وأحب أحكي ليك قصة واقعية في شاب خطب شابة ووجد أمها بتهتم كثير بالمظاهر والحركات المهم زولك إتورط وبدأ يشتري في الهدايا والحلويات الغالية من المحلات المشهورة في الخرطوم وطبعاً الام مبسوطة بي خطيب بتها المرتاح البجيب الغالي من المكان الغالي وبعد فترة الشاب اشترى شوكلاتة عادية ووضعها في علبة من محل راقي وغالي والام فرحت والمرة التانية اشترى شوكلاتة غالية ووضعها في علبة عادية وفي الحالة دي الام وزعت الشوكلاتة كلها على الجيران لأنها افتكرت إنها رخيصة ولم تعرف قيمتها ......... وهذا دليل على عدم معرفة الشخص من دواخله والحكم عليه بالمظاهر الخداعة لأن الشخص ربما يحمل في دواخله صفات ومروءة وكرم ورجولة ودين وخلق واحترام ولكنها أشياء غير مريئة للعيان وبعد كل هذا يرفض ويأتي آخر فقير من دواخله وغني في مظهره يبصم له بالعشرة وفي الآخر ربما تحصل مفاجأت لا يحمد عقباها .......... والله أنا سمعت قصص واقعية من بعض الاخوات السودانيات هنا في السعودية والله تجعل الواحد يتريس ألف مرة قبل الموافقة على الزواج لأنو في شاب طبيب وغني مادياً ولا أدري غني أخلاقياً ودينياً أم لا والغني الله المهم تزوج شابة جميلة وصغيرة ومتعلمة المهم بعد الزواج إكتشفوه متزوج،، جِنية بسم الله الرحمن الرحيم ،، وهذه الجِنية بكسر الجيم ، مانعاه الزواج من آخرى وشوف الشابة دي تكون دخلت في نفسيات ربما تمنعها من الزواج للابد،، وآخرى تزوجها سعودي عمره فوق السبعينات والسبب هو الفلوس والجنسية السعودية وحل مشاكل أهلها المادية،،والثالثة تزوجها واحد إكتشفت إنه يعاني من مرض نفسي وكان يحبسها في الشقة ويمنع منها الجيران وكل هذه التجارب نهايتها كانت الطلاق واكيد نفسيات مدمرة للشابة وأهلها،،معليش وجعت راسكم بالكلام الكتير أترككم في رعاية الله

استاذنا وجدي الطيب

فيض من التحايا لروحك ،،

أنت تعلم جيدا بأني لا أسمح لنفسي بإساءة أو تجريح أحد مهما كانت درجة الإختلاف ، ولكن ممكن يكون هناك نوع من الحدة في التزاحم نحترم فيها الآخر مهما كبر شأنه أو صغر ،، فلك أن تعلم هذه هي القاعدة التى أتبعها ترسيخا لمبدأ الإحترام الذي نقيم عليه الحجة.
فيا أستاذي البوست المفتوح من طرفك تناولت فيه قضية شائكة تؤرق العامة كل بيت سوداني دعك من مجتمعنا الصغير " الدناقلة" لهذا تزاحمنا معك فيه ، أما إذا كان البوست لا يهتم بالقضايا العامة فليس من حقنا التزاحم في شئ خاص بك !!!
ثم ثانيا نحن مروقين المنقة للآخر شديد ،، فانا ليس من جعل الموضوع أكبر من اللازم فهو كبير بأصله و يهم الجميع " التعليم" فياعزيزي انت مجتهد وموغل في ممارسة التغبيش والتضليل والتخديرعلى الآخرين !! فهل تريدنا أن نخرص أفواهنا عن قول الحق وكشف الغش والتضليل الذي يبرع فيه منسوبي المؤتمر الوطني من مطبلاتيه وهتيفه !! لا وألف لا ولن نسكت عن ذلك ولا نحيد قيد أُنملة عن قول الحق كل الحق رضيت أم لم ترضى.
فأنا أطالبك بأن تأتي لي بالعبارات والكلمات التى فيها أذى للمشاعر ؟؟ وخدش للنفوس وتجريحها ؟؟ والسب والمهاترات ؟؟ والألفاظ الغير لائقة ؟؟ التي أثرتها ؟؟ فإذا كان لك بذلك فلترمينا بحجرها حتى نعتذر لك وللأعضاء الكرام من مرتادي هذا البوست!!!!
فأنا يا عزيزي قناعاتي ليست في حاجة إلى فتح بوست فأنا أعرفها تماما وهذا يكفي لاني في تصالح تام مع الذات.
ويا أستاذي أنا أفهم وأعرف جيدا سياسة الإلتفاف والتحوير التي يجيد ممارستها زبانية المؤتمر الوطني فلا تخرج عن الموضوع الذي رددنا عليك فيه وطوالي شبكتنا تجريح وإيذاء مشاعر وخدش نفوس !! يا أخوي نحن طرشنا طُراشنا عن مخرجات مؤتمر التعليم المزعوم والوعود السراب التى تروج لها هنا ....
فأنا بمثابة خميرة عكننة لأي عجن فطير تعجنه حكومة السجم ده !!! وما بنسكت عن فضح التغبيش والتضليل !!!

راسخ إحتراماتي

دوما ـ ابوالخاتم

خالي الغالي وجدي اختي وحبيبتي سمسما لكما مودتي
انا لا ضد ولا مع زواج السودانيات بالاجانب ولكن لفت انتباهي قولك ما خطته جريدة الصحافة بان الرجل السوداني لا يحتمل الحب الجياش .. كن قبل فترة ليست بالطويلة نجلس جلسة نسائية بحته في معية احدي الحنانات يعني جلسة حناء وكانت احدي الموجودات خفيفة الظل وتتمتع بروح حلوه اقترحت علي كل واحده ان ترسل كلمة بحبك الي زوجها وكانت الطامة الكبري ان بعض الموجودات لم يصلهن الرد علما بانني لست من اللائي لم يصلهن الرد كنا ينتظرن علي امل حتي لو كلمة شكرا ولكن لاحياة لمن تنادي مملنا من الانتظار وما هي الا ثواني وكل واحده بدات تتصل علي زوجها لماذا ولماذا انك احرجتني امام الموجوات انك لم تحبني ابدا وهات يا شاجر ونقار ولا ندري ماذا حدث بعد ان ذهبن الي بيوتهن الله اعلم .
لكن كيف تعرف المرأة ان زوجها يحبها وان ما قاله قبل الزواج كان صحيحا كيف لها ان تعرف وهو في صمت عميق ..وكان كل النقاش ان الرجل السوداني جامد وروتيني وانه ليس كباقي الرجال في باقي الدول لم يسمع زوجته كلمات الحب والغزل .
مع الاعتذار للزوج السوداني ولك العتبي حتي ترضي
دمتم مع مودتي

خالي الغالي وجدي حبيبتي سمسما
اريد ان اسالكما سؤالا هل الزواج بدون حب يعيش ؟ سؤال محير من الصعب الاجابه عنه فهناك من يقول : ان الحب هو الحياة والزواج بدونه قد يكون مصيره الفشل وهناك من يؤمن بان المودة والرحمة بين الزوجين ربما تكون اقوي من الحب نفسه وهذا الاختلاف من طبيعة البشر وكل حسب تركيبته ولكن لو نظرنا من حولنا لوجدنا ان الزواج بدون حب خطر بل انه يدق اول مسمار في نعش الزواج الزواج بدون حب امر مخيف لان الارتباط العاطفي يجعل الاثنين في حالة شعور دائم بالامان والزواج بدون حب يجعل كل الطرفين غارقا في الاحساس بالعزلة والخوف والترقب ويقول البعض ايضا اننا ندفع ثمن الزواج دون حب من صحتنا النفسية والعقلية .
والله المستعان
تحياتي دوما
اهلي الطيبون