وجهة نظر

بداية ..ازيكم .. طولنا من المنتدي كم يوم جيت راجعت شريط الشمارات الفي البوابة لقيت نفس المواضيع القبل كم يوم زائد مساهمة اومساهمتين جديدة( وبيخصو الحلة وناسا).. بصراحة المواضيع المقتبسة دي مواضيع بايخة ومملة جدا لأنو الواحد لو دخل العم قوقل دا بيلقي مواضيع اجمل ومامملة عشان كدة وبما اننا ناس حلة وعارفين بعض كويس احسن نكتب حاجتنا نحن والمقتبس دا الدايرو بيقراهو غادي غادي ..هسة الحاجات الفي البوابة دي لو ما المساهمات التلاته الإجتماعية دي الواحد ح يفتكر دا منتدي واحة الطفل المسلم عديييل !! عموما مامشكلة الحشو البكبر الكوم ولا النوم لكن كل مانلقي شانص ح نفتح موضوع حيوي ..دمتم كيلة

الأخ عزو كميات شوق وتحايا واحترام لشخصك الراقي والله أنا معاك وبأيد ووجهة نظرك السليمة وكلك نظر وياريت لو جعلنا النصيب الأكبرلطرح للمواضيع الحيوية التي تخدم الدناقلة أما المواضيع المقتبسة فمن السهل الحصول عليها فلاداعي للأسراف فيها لانها يمكن الحصول عليها بدون عناء فهلمو أهلنا الكرام لطرح المواضيع الحيوية التي ترتقي بأمنا الحنون الدناقلة . ودمتم في أمان الله.