يايها الملأ افتوني في رؤياي ان كنتم للرؤيا تعبرون

من طرف نصرالدين الأربعاء يونيو 19, 2013 7:56 am

والله يافتحى اخوى انا ماعندى ليها تفسير غير انه مجتمع بهم يحثهم على ترك السلطه بأسرع وقت ممكن وافساح المجال لقيادات شابه غير كدى ماعندى ليها تفسير

من طرف ابوخاتم الأربعاء يونيو 19, 2013 4:58 pm

الخال الأنيق فتحي الحسن

تحيات وشوق ماكن شديد لروحك ،،،،،

جنابو نصرالدين سلامات يا زول يا ماتع .... قبل ان انزلق في طين الخال فتحى ده عندي تعليق على تفسيرك ده ... انا يتخيل لي انك انت ذاتك غلبك تفسير الشغلة نوهائي لانو كلامك ده كلام زول قنعان من التفسير ذاتو لانو الشغلة طينة لكة شديد ....

الخال فتحى انت عارف الأستاذ الشهيد محمود محمد طه عليه رضوان الله خته رأيه في الناس ديل من السبعينات عندما قال " انهم يفوقون سوء الظن العريض" عليك النبي شوف سماحة الوصف ده كيفن وحاول أن تفهمه من كل الزوايا .... أنا بي فهمي البيسط ده انو الناس ديل أي زول في السودان طاله عبثهم وما فاضل ليهم إلا سيدنا النبي عليه افضل الصلاة والسلام .... بس بيني وبينك عمر البشير منو وعلى عثمان منو ونافع منو الممكن أن يتمثل لزول في منامه بمعية سيدنا النبي عليه افضل الصلاة والسلام !!! الكلام ده عاد يركب كيفن في رأس زول !!! هل يعقل بأن سيدنا النبي عليه افضل الصلاة والسلام يتمثل في حلم لزول ما مع ناس اياديهم تلطخت بدماء الأبرياء !!! هل يعقل بأن سيدنا النبي عليه افضل الصلاة والسلام أن يتمثل لزول في حلم بمعية قوم اشاعوا الخوف والجوع !!! قوم مأكلهم ومشربهم وملبسهم ومسكنهم بالحرام !!! قوم يكذبون كما يتنفسون !!! قوم يسكنون الفلل وشاهق العمارات وبقية الرعية يفترشون الارض ويلتحفون السماء !!! قوم ينعمون بسعة العيش ودعة الحياة وباقي الرعية يقتاتون الخبز الحافي !!! قوم يتزوجون مثنى وثلاث ورباع إبتغاءا لمتاع الدنيا الزائل !!! قوم لو مرض أحد من ابنائهم يطلبون العلاج في الخارج وباقي الرعية لا يجدون قيمة الدواء والموت سمبلة !!! قوم اجاز لهم برلمانهم بتعاطي القروض الربوية !!! و كما تعلم بأن الله سبحانه وتعالى أذن بحرب للذين يتعاملون بالربا !!! والحبل على الجرار في ذكر سوء عملهم !!! فقل لي بربك بس كيفن سيدنا النبي عليه افضل الصلاة والسلام يتمثل في حلم مع قوم من شاكلة هؤلاء !!!

واخيرا لو عاوز ليك تعبير لهذه الرؤية بين قوسين اقول لك انا اعتبر ده من "الافلام المسيئة للرسول صلى الله عليه وسلم " وصحي الإختشوا ماتو !!! قال عمر البشير وعلى عثمان بشيبه ونافع قال !!! تبا لهذا الزيف ... تبا لهذا النفاق ... الناس ديل انا بستغرب وبسال نفسي مليون مره بأي وجه يقابلون الحق عز وجل ؟؟؟

وافر المحبة

دوما ـــ ابوالخاتم

من طرف نصرالدين الخميس يونيو 20, 2013 4:22 am

والله يابو خاتم اولا سلامات ومشتاقين كثير كلامك صاح غلبنى التفسير لكن بعد يومين سوف اجتمع مع المعبرين وافيدك بالتفسير عاجل

وبعدين اخونا فتحى نحن عاوزين منه صحن فول مدنكل من( قدرته) قدرة الفول المصوره دى وبعدين بنرد عليه بعد طعام ناكله

من طرف fathi الخميس يونيو 20, 2013 8:00 pm

تحياتى لك الاخ نصرالدين وللعزيز ابوالخاتم
التمكين فى الارض قرنه الله عز وجل باقامـــة الصلاة وإتاء الزكاة والامر بالمروف والنهى عن المنكــــر.كما ورد فى قوله تعالى (الَّذِينَ إِنْ مَكَّنَّاهُمْ فِي الأَرْضِ أَقَامُوا الصَّلاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الأُمُورِ)
ولربما قصد المتكلم فى الفديو تمكينــــا اخر ...؟
وعلى حسب فهمى للاية وشروط التمكين فيها... واولهـــا الصلاة فهى مقامـــة فى السودان قبل قدوم هؤلاء وكذلك الزكاة والامر بالمعروف والنهى عن المنكــــر... ومكن الله لعبادة فى السودان العمل بالاية ومضمونهـــا دون تذكير من السلطة ..

يايها الملأ افتوني في رؤياي ان كنتم للرؤيا تعبرون

يايها الملأ افتوني في رؤياي ان كنتم للرؤيا تعبرون

رد: يايها الملأ افتوني في رؤياي ان كنتم للرؤيا تعبرون

رد: يايها الملأ افتوني في رؤياي ان كنتم للرؤيا تعبرون

رد: يايها الملأ افتوني في رؤياي ان كنتم للرؤيا تعبرون

رد: يايها الملأ افتوني في رؤياي ان كنتم للرؤيا تعبرون