زنقة زنقة يا بشة

من طرف الجعلتي الجمعة سبتمبر 13, 2013 3:09 pm

اللييييييييل الليل الليل اختفن نجومو وضوة قمرو
نم نم يالجعلتي
الحضري العجوز يا حليلو فكت منو
إتجلكن خلاس أصبح كبير في سنو
إعلام الضلال في الفارغة ساي نافخنو
سجم أم الدلاقين البكون راجنو

يا حليلا الجماهير قفلت أنوارا
تتزاوغ تفوت من العيون تضارى
قالوا الحلبي عذبنا وتركنا حياري
دا الراجل كبر شوفولو بس نضارة
والله كلام كدي تعال علي جاي ياود يوسف الننم معاك ود البشرى الحريف للنجمة قطع وفرتق
تلاتة أقوان حلاااال خلو الوصيف في محنة
والإستاد خلاس سوينا حقنا نحنا
جوة القلعة غنينا وعرضنا فرحنا
كان تموها اربعة هسة كان إرتحنا

كابتنا الحريف من الوسط ختاها
مرت موزة يا ناس الله ما احلاها
الحلبي العجوز يا حليلو فات خلاها
كتمت فيهو لحق الليلة أمات طه

يا عبداللطيف عذبت جدو معاكا
والجمهور سكت خليتو يبكي وراكا
كورة عجيبة هزت لي جبال التاكا
دخلت جوة جدو حليلو قعد إتباكا

كاريكا إنطلق والباشا ماشي وراهو
إتقدم عكس والباشا لسة معاهو
الحضري إتلبش من الحريف الجاهو
بشة الراقي عاد يا الحضري ما بتنساهو