ريــــــــدة خشــــــــم بيـــــــوت

نفس العيون الحبتك بقت الغريبة بتنكرك
واتغابت العرفة الزمان بي نظرة ما بتعبرك
نفس العيون الحبتك والكنت ليها زمان قريب
الدنيا لفت وخانتك والليلة بتحب زول غريب
والنظرة ذاتا اتغيرت والله ظلم الريد عجيب
والضحكة ياها وسمتا حركات عيونا مع الكلام
رفع الحواجب من بعيد قبل الايادي تقول سلام
الليلة حبت زول جديد والله ظلم الريد حرام
نفس العيون الحبتك يا قلبي خليها التفوت
باكر بتنساها وتعيش والذكري جواك بتموت
خليها في ريدا الجديد والريدة ذاتا خشم بيوت
      

جميل جداا وكلمات رائعه ومنتظرين منك الجديد قريب