حمى الديربي السوداني

بدات حمى من نوع جديد الظهور في الشارع السوداني الا وهي حمى هلال  مريخ والتي من المنتظر انطلاقتها عشية الخميس القادم وكلا المعسكران يصرحان ( دا نحنا حنأطعكم)  دانحنا حنبهدلكم ففي الهلال تاتي التصريحات على خلفية ان الدوري الممتاز ماركة مسجلة باسمه خمسة مرات على التوالي كما ان وجود الزيمبابوي العجيب ادوارد سادومبا يبعث الارتياح في اوساط الاهلة كما ان وجود برنس السودان المبدع هيثم مصطفىكرار يمحي كل بادرة للخوف من الهزيمة من نفوس الاهلة بالاضافة الى امنياتهم بوجود اكرم الهادي سليم او محمد كمال لكي تضحي شباك المريخ بلا حارس دي حلوة يالجعلتي  كما ان اقامة المباراة ستكون في الرد مردوم ( اللهم جنبنا الطوب ) والذي يعتبره الاهلة مصدر تفاؤل على ضوء انتصاراتهم فيه الى حد بث التشاؤم للحمر وهروبهم منه في الديربي السابق بدعوى اصلاحات في الرد مردوم  
ناتي للمعسكر الاحمر فنجد الارتياح يعم الحمر وتاتي التصريحات على خلفية تعثر الهلال على مرتين من شقيقه الاصغر هلال الجبال ثم حي العرب يعني ان الهلال اضحى ملطشة واي فريق بقى بغلبه ولكن اذا رايت انياب الليث بارزة فلا تظنن ان الليث يبتسم 
 
ولا نملك الا ان نتمنى ان ترقى المباراة الى مستوى افضل ولايفسدها التحكيم الضعيف جدا ونتمنى ان يلعب الفريقان مباراة جميلة وممتعة
كما نتمنى ان ينزل الهلال هزيمه تاريخية بالمريخ
دا شنو يالجعلتي التسوي فيهو دا هسا ما كنا كويسين وعامل فيها كاتب صحفي وبتكتب عن القمة والامنياتوالله يالهلالاب بتعملوا في عمايل  

والله يالجعلتي تحليل زي التحليل علم ومقدرة انت كنت عارف  النتيجة ولا شنو هوي يالجعلتي مالك عامل كدة زي ضفاري داك محتلي حبيب البلد وانت داير تحتلا المنتدى هوي يازول اعمل حسابك انت فرحان كده ليه اول مرة تغلبوهم ولا شنو ما حاجة عادية طوالي ملطشنهم لكن عليك الله الطوب دي اتوقعتها كيف ياخ ما حاجة عادية نحنا طوالي ملطشنهم زي ماقلتا وهم طوالي مفلقننا لكن والله يالمعز بالغت عديل الناس داير اسجلوك وانت تختلا عراضتم