المكياج

في ظاهرة الايام دي وضع المكياج في اوقات غير مناسبة . مثل الذهاب لمكان العمل . او منازل العزاء والله انا في اليومين دي شفت واحدة هي قريبتي جدا عاملة مكياج وكان تاني يوم للبكاء يعني يوم رفع الفراش. واختنا آخر حركة وتقديم في الموية والشاي وآخر رشاقة مع المعزيين

ياسبحان الله ...
والأغرب من كدة ياعواطف قالو الوحدة لما تسمع في عزا في الحلة تقوم تمشي للحنانة تقول ليها أعملي لي حنة البكاء
عاد ده كلام....؟

والله والله والله انا سمعت واحدة قالت اشوف لي حنانة بسرعة فلان قالوا تعبان في المستشفى واقفين في راسه رايك شنو ؟

الله المستعان
معنى الكلام ده مفهوم التعزية عند النسوان اختفى تماما وبقت مظاهر وشوفوني وكده
الرسول صلى الله عليه وسلم أمر بالتعزية تسلية وتصبير لأهل الميت مش نمشي ونزيد الحزن عليهم بسلوكيات مشينة

وطبعا بيضعوا مكياج مضحك جدا البنات والله تحلفي تقولي ماشين حفل تنكري .
ألوان مزعجة من ظلال وروج . يعني تلقي الواحدة عاملة روج اخضر مع لون البلوزة . هل يعقل لون الشفايف يكون أخضر ؟

عارفة الحل للإحنا فيهو شنو؟
الناس ترجع تاني لتعاليم دينا السمحة
نرجع ونسمع كلام الحبيب صلى الله عليه وسلم اللي ما أمرنا ب حاجة إلا لأن فيها مصلحتنا جهلنا الأمر ده أو عرفناهو
نسمع كلامو والوحدة تخرج من بيتها تفلة(من غير مكياج أو عطر)
عشان ماتؤذي خلق الله وتكون أطاعت ربها وامتلث أمر رسوله وحفظت نفسها من كلام الناس
ولا رايك شنو ياعواطف؟
بالمناسبة أنا ما بعرفك رايك شنو نبقى أصحاب

كيفك انت
اتمنى والله من كل قلبي ان نكون اصحاب واديك نبذة عني بسيطة
انا اسمي طبعا عواطف على محيسي اعمل سكرتيرة بجامعة الجزيرة بكلية الطب قسم طب المجتمع . متزوجة وعندي بت وولد كبار بتي اتخرجت هندسة مدنية والولد تخرج من كمبيوترمان هندسة كمبيوتر . انا زولة مرحة
جداً واحب اتعرف على الناس الظريفين زيك واتمنى اكون عند حسن ظنك .

إن شاء الله تسلمي يارب
والله فرحتيني بالجد ...لكن من اسم ميحيسي ده معناها إحنا قرايب أو يكون تشابه علي البقر...
تمام شديد...وإنت أول زولة ترد على طلب الصداقة فبالجد بشكرك كتير
بالنسبة عني:
اسمي الاء النور عثمان الأمين(باس بن لو سمعتي بيهم) اتخرجت السنة الفاتت من كلية الصيدلة جامعة الخرطوم...الان أعمل في صيدلية وشغالة معيدة في جامعة إفريقيا ..أكبر وحدة بين أخواني
بحب أتعرف على الأهل من قريب لاني ماعشت معاهم
تاني بشكرك ياعواطف
بنتك اسمها منو؟

كيفك الاء. اتمنى كل الامور تمام
غايتو انتي لو بت عثمان (بن) انتي بت عمي عدييييل .يعني سمية تكون عمتك صح؟؟
تعرفي نحن قرايب شدييييد بس ظروف الحياة فرقت الناس وكل زول اصبح في بلد .
أسالي أبوك وقولي ليه بتعرف على محيسي طبعا في الدناقلة بعرفوه بحاج على المحيسي .
المهم يا ستي بتي اسمها ساره عبد العزيز محمد علي اتخرجت هندسة مدنية من جامعة السودان واتزوجت قبل سنة والايام دي حامل وفضل ليها في الماستر بس البحث وناوية تخلصه شهر 12 قبل ولادتها حتكون شهر 2 . قالت تاني مع الطفل ما بتقدر . ولدي اسمه صادق واتخرج من كمبيوترمان هندسة كمبيوتر وشغال في شركة ديزل. لسه ما اتزوج . انا تزوجت صغيرة وعشان كده اولادي زي اصحابي وبرنامجي معاهم طوالي .
اتمني يا الاء نتقابل في اقرب فرصة ممكنة .

فعلا ياعواطف أنا سألت الوالدوقال لي إنت بت حاج علي محيسي وأنا بت النور بن وسمية عمتي
لكن الدنياومشاغل الحياة خلت الناس ماتعرف بعض...ماشاء الله على أولادك وربنا يحفظهم ليك ويخليك ليهم...بتمنى بالجد إنو نتلاقى في أقرب فرصة...
ساكنة وين؟ في مدني ولا الدناقلة؟

كيفك يا الاء
تحياتي للوالد والوالدة . بالمناسبة امك من الدناقلة برضو ؟
انا كنت ساكنة مدني ولكن رحلنا الخرطوم نهائيا قبل 3 سنوات وما زالت وظيفتي بجامعة الجزيرة وحيعملوا لي انتداب لجامعة الزعيم الازهري . في الخرطوم ساكنة المغتربين بشارع محمد نجيب .
انا الايام دي بمدني عاوزة اعمل اجازة بالخصم لاني كملت كل الاجازات الى ان اسوي اموري مع ناس الزعيم الازهري .
خلاص يا الاء لازم نرتب برنامج علشان نتقابل وتكون بينا زيارات بأذن الله

نرجع لموضوع المكياج تاني رايك شنو في وضع البودره اللامعة على الوجه وعدسات بالوان مختلفة للعيون وتلوين الشعر وقاشرين ليك بكلمة new look عليك الله في تخلف اكثر من كده خلقة الله دي زيها في ؟

عارفة يا عواطف المشكلة في إنو العقول خاوية وزي ما شفت الناس لازم أعمل زيهم
أنا معاك إتو المرأة بطبعها بتحب التجمل ولكن السؤال:
أتجمل لمنو؟
ولشنو؟
وبياتو طريقة؟
وهل الكلام ده بيرضي ربنا ولا لأ؟

السلام عليكم
وين إنت ياعواطف
طولت الغيبة
إن شاء الله المانع خير

كيفك يا الاء
والله اشتقت ليك شديد اليومين الفاتوا . لكن والله كنت مرهقة وجاتني حالة بتاعة نوم غريبة ارجع من الجامعة انوم واصحا اعمل حاجات سريع وارجع تاني انوم .
انتي اخبارك شنو ؟
لما لقيت رسالتك وانك فقدتيني والله يا الاء فرحت شديييد وقلت الاء دي بت مخلصة بالجد .
لما أرجع الخرطوم لازم ننسق للمقابلة بأذن الله . لو اموري تسهلت لنهاية الاسبوع ده برجع الخرطوم .
تحياتي للوالد والوالدة

السلام عليكم ورحمة الله وبركاته
ما تكون إرهاق وتعب متراكم
أو إنك مابتاكلي كويس فجسمك فاقد طاقة وبيعوضها بالنوم
بالجد مشتاقة إنو نتلاقى وأنا في إنتظار وصولك بالسلامة للخرطوم

الغالية ألوية
تصوري مقدمة لاجازة بالخصم من نهاية شهر 9 لحدي الان ما ردوا علي .انا طلبتها ابتداء من 1\11 .شفتي دايما في المصالح الحكومية المعاملات بتمشي ببطء مبالغ فيه تشتكي لمنو ما تعرفي . غايتو حانتظر معاهم لنهاية الاسبوع ده.
وجامعة الجزيرة بقت من ناحية ادارية اي كلام والله قبل 4سنوات كانت الجامعة رهبة عديل وكل زول عارف حده وين لكن الان ما تعرفي الغفير من المدير وكل واحد عامل فيها ابو العريف غايتو ربنا يسهل بس
ما قلتي لي انك مرتبطة ام لا ؟

السلام عليكم ورحمة الله وبركاته
الغالية عواطف
عارفة إني بقيت أدخل المنتدى مخصوص عشانك
ربنا يخليك ويحفظك لأولادك ويسهل عليك كل عسير
عارفة المصالح الحكومية في كل البلاد العربية بالطريقة دي والله المستعان
إلا غايتو يكون عندك فيتامين و ساعدتها تكوني قاعدة في مكانك وخلال أقل من ساعة تلاقي ورقك كلو عندك
ياريت لو بعرف زول هناك كان ساعدتك والله
وبعدين شنو الأسئلة المحرجة دي..؟!
عندك عريس جاهز ولا شنو؟؟
ياستي أنا كنت مخطوبة قبل فترة وربنا ما أراد إنو نكمل مع بعض والحمد لله على قضائه وتدبيره وهسي زولتك free بس مرتبطة بالشغل
سمعت إنو وحدة من بنات سلوى محيسي زواجها قريب؟

الوية الغالية
تعرفي يا الاء كل تاحير لخير وانت لانه ربنا بريدك خارجك منه لانه اكيد ما حتسعدي معاه احسن من بدري اتخرجتي منه
سمعنا نحن برضو بزواج بت سلوي محيسي وكان مفروض من اجازة المدارس الفاتت لكن فجأة وصل لمسامعنا اجلوه سنة
ما عارفة فعلاً تأجيل لزمن معين او تأجيل نهائي .
اتمنى ربنا يسهل كل خطوة . تعرفي يا الاء يا ريت لو برضو نتراسل على الايميل علشان نلقى راحتنا في الكلام اكثر

غاليتي عواطف:
السلام عليكم ورحمة الله وبركاته
أنا متأكدة من كده وعسى أن تكرهو شئيا وهو خير لكم وعسى أن تحبو شيئا وهو شر لكم والله يعلم وأنتم لا تعلمون
وفعلا عملت بنصيحتك ورسلت ليك رسالة على الايمل بتاعك عشان نتواصل عن طريقوكمان

ماتتخيلي انا سعيدة غني عرفتك قدر شنو ويارب تدوم المحبة والإلفة ويبقى كمان صلة قرابة وأجر

كيفك يا الاء يا ست البنات
تعرفي انا شفت الايميل بتاعي لكن ما لقيت منك رسالة . طبعا انا بتوقع تراسليني على ايميلي الخاص [ندعوك للتسجيل في المنتدى أو التعريف بنفسك لمعاينة هذا الرابط] .
والله يا الاء انا كل يوم بكون مستعجلة افتح النت عشان القي منك رسالة مش حكاية غريبة نكون متشوقين لبعض بالصورة دي؟؟
تعرفي يا الاء انا متاكدة نحن طباعنا واخلاقنا وتربيتنا وكل نهج حياتنا قريب من بعض او نفس الشئ . ومتاكده انه لو عرفتي سارا بتي وصادق ولدي حتتبسطي جدا معاهم وهم كذلك حيرتاحوا ليك شديد .
بالمناسبة انا كل صديقات بتي صديقاتي برضو يعني حتلقينا كلنا اصدقائك
بس ربنا يسهل واخلص اجراءاتي وارجع الخرطوم

الغالية الاء
وصلتني رسالة على ايميلي من اصدقاء المنتدي اسمه وجدي الطيب نقد مصطفي من ابناء الدناقلة ومقيم بالجماهيرية الليبية يظهر كان مداوم على المنتدي وانقطع هو عن المنتدي ولم يتمكن من التواصل معكم لعدم توفر ايميل يمكنه من التواصل معكم
ومرسل لك ايميله على الفيس بوك (wagdi mostafa)
حتى القاك في رسالة قادمة



ا

واطف الغالية:
سلام من الله عليك
ومساء النور والياسمين انا فعلا رسلت رسالة على الإيمل اللي مكتوب في صفحة بياناتك الشخصيةولكن غريبة إنها ما وصلت
ما مشكلة حأرسلها تاني
اما بالنسبة للأخ وجدي فيمكنه أن يبحث في الفيس بوك عن Alaa Alnoor مع صورة مطابقة لتلك اللتي استخدمها في المنتدى
وشكرا له لسؤاله عنا
عواطف:
ماتنقطعي أرجوك
أتركك في رعاية الله وحفظه