مساطيل

من طرف بلسم السبت فبراير 28, 2009 11:28 am

مسطول بيالف فى شعر
تقول لي سليتك ... تقول لي جفتيك ... تقول لي عفصتك ... بعفصك وبعفص حنانك ... دبايب عقارب تداعب بنانك وكيفن هو حالك ؟ سألت التمرجي : البطاطس بعادي ؟ تخيل تجاهل وقبل لغادي .... فيها ايه لو مرة مسطول قال شعر ... عن السحالي الماشة موضة على الرصيف .. عن ضب بساكك في المعاش لمن فتر ... عن ديك بنقز في الحبل زي التقول بكر ... عن صارقيلة تتمطى وتقول يارب متين حنكون متر ؟

من طرف بلسم السبت فبراير 28, 2009 11:29 am

عالم مركب بالغلط ...طابونة بتبيع في اسكريم ... راكوبة في نص الزلط ...
كديسة لابسة فانيلة كط ... مستر عتود لابس شبط ... الحفلة رابة وفنانا بط ... التيس يبشر في الغنم ... وخرفان مسننة واقفة لط ... عالم غريب يابلد ...

من طرف بلسم السبت فبراير 28, 2009 11:31 am

مسطول شاف ليهو جنازة مسكتو الحيرة . ساْل واحد من الماشين خلفها اسمع يااخونا الجماعة ديل لفوها كيف [ندعوك للتسجيل في المنتدى أو التعريف بنفسك لمعاينة هذه الصورة]

من طرف بلسم السبت فبراير 28, 2009 11:39 am

مسطول شايل لوح ثلج ينقط علي راسو
قال:اموت واعرف مقدود من وين

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

مسطول سألوه
مارايك فى المراء العصرية
قال لهم ماتخلو ها تمغرب

من طرف بلسم الأحد مارس 01, 2009 8:53 am

اتنين مساطيل قاعدين في برندة عاملين بالسجارة ون تو (واحد يشيل نفس و اديها للتاني)
لما السجارة طلعت في النخاشيش وكدا واحد شاف الزنكي بتاع السقف بمشي و بجي زي بندول الساعة فسأل التاني و قال ليهو انتا الزنكي دا بمشي و بجي كدا مالو؟؟ قال ليهو شغال اوضة و برندة

واحد مسطول راكب امجاد ركب جنبه واحد شايل فرشة
بوهية وفرشة نقاشة ,و المسطول ساله قاليهو ؛ انتا شغال شنو ؟
الراجل قاليهو ؛ شغال نقاش ,, المسطول قاليهو ؛ طيب انقشنى انا
منو ؟

من طرف بلسم الأحد مارس 01, 2009 8:54 am

ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص
[مسطوله بتتكلم مع المرايا] Very Happy

من طرف بلسم الأحد مارس 01, 2009 8:55 am

اتنين مساطيل الأول قال للتاني: أنا مرتي من شدة ما صغيره لما أجي مارق بربطها في كراع البمبر!!
التاني قاليهو: وأنا مرتي من شدة ما صغيره بتفرش الطرادة وتصلى فيها
واحد مسطول صاد ليه سمكة
قاليها والله الليلة رحتى تونة ساكت

من طرف بلسم الأحد مارس 01, 2009 10:04 am

مسطول بكتب في خطاب سألو أخو... الجواب ده لي منو قاليهو لي نفسي.قال أخو:

طيب فيهو شنو قال ليه ماعارف لأني لسه ماقريتو .
مسطول أول مره يشوف فلبيني .. قال ود الذينا شبعان نوم

من طرف بلسم الأحد مارس 01, 2009 10:06 am

مسطول ومسطول يعني مسطولين:

وخيالهم حدادي مدادي

واحد قال للتاني

تخيل إنك مشيت هناك فى أدغال أفريقيا

واتورطت بطريقة كدا وقام واحد ربطك في شجرة ربطا شديد

والحبل مربوط تحت وفي شمعة بتحرق في الحبل
وتحت في أسد منتظرك تقع عشان يكتلك

مع العلم أن الحل الوحيد عشان تمرق روحك إنك تطفي الشمعة

ومافي زول جنبك عشان يساعدك

أها فى الليلة ديك؟

بتعمل شنو؟؟

المسطول التاني سرح بى خيالو كدااااااا

وقال ليهو بسيطة

أغني للأسدهابي بيرث دي تو يو ......... يقوم يطفي الشمعة

lol!

من طرف بلسم الأحد مارس 01, 2009 10:11 am

مسطول مرتو دخلت عليهو قال ليها كتلته لي خمسه ضبانات ..ضكرين وتلاته نتايات...قالت ليهو بس عرفتهم كيف دا ضكر ودي نتايه؟

قال ليها عرفت الضكرين لأنهم كانوا راكين لي في كيس الصعود حقي "يع" والتلاته نتايات لأنهن كانوا راكين ليك في علبة الديانا حقتك...

من طرف بلسم الأحد مارس 01, 2009 10:13 am

انشاء الله يارب تعجبكم النكت scratch

من طرف ود اللارسود الأحد مارس 01, 2009 6:38 pm

والله نكتك روووووووووووووووووووووووعة يا اخت بلسم وهاكي النكتة دي و انشاء الله تعجبك ..........
قال ليك واحد لي في مسطول بدق في مسمار والمسمار طار منو بعيد ...قالو ليو تعال هنا يا مسمار ..... والمسمار ابا يجيو........... قال ليو تعال هنا يا مسمار..... والمسمار ابا يجيو........قام شتت باقي المسامير في الارض وقال ليهم امشو جيبو

من طرف بلسم الأحد مارس 01, 2009 7:04 pm

حلوة ياود اللاسورد Laughing

وهاك النكتة دي
مسطول امه قالت ليهو: قوم الشمس طلعت .

قال ليها : دخليها واقفلي الباب معاك

من طرف بلسم الثلاثاء مارس 03, 2009 8:15 am

واحد مسطول مشه يخطب اهل العروس جابو ليهو شاى ليبتون اخونا وعلى [color=red]حسب السطله طلع الخيط والورقه وقال ليهم من قوله تيت عاملين لينا عمل[/color]
Razz

اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..
ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي ..
بعد مسافة الثاني من ورا .. قال ليه .. التافه دا قال ليك شنو ؟
Laughing

من طرف بلسم الثلاثاء مارس 03, 2009 8:18 am

مسطول ربطت معاهو اتصل بالازاعة

قال ليهم اهدى اغنية باب فين لكل ايتام العالم

مسطول مشى يكشف الدكتور قالى اعمل اشاعة طلع برة قال الدكتور مات
lol!

من طرف بلسم الثلاثاء مارس 03, 2009 8:31 am

مسطول دخل البيت لقا امو بتتحرق قاليها منورة يا حاجة
Laughing

تلاته شباب ساكنين مع بعض واحد ضابط وواحد مولانا وواحد بتاع سجارات
المهم بتاع السجارات ده قال لي مولانا عليك الله بكرة صحيني بدري
مولانا جا صحا المسطول
قام لبس هدوم الضابط وركب المواصلات في الحافلة اتنين اتشاكلو مع الكمساري قامو الركاب بقو يتكلمو مع صاحبنا
ياجنابو شوف الجماعة ديل
صاحبنا انتبه للوضع قال ليهم جنابو وينو
قالو ليهو انت
عاين للهدوم اللابسها وقال : مولانا ده مجنون ولا شنو اقول ليهو صحيني يصحي الضابط

من طرف walo الأربعاء مارس 04, 2009 9:05 am

نكتك حلوة شديد يا بلسم يديك العافية و منتظرين المزيد
تقبلي مروري Laughing

من طرف الوليد الأربعاء مارس 04, 2009 10:10 am

الأخت السلام عليكم و رحمة الله و بركاته
بعد الاذن مداخلة
مسطول لبس قميص مقلوب و طلع فى الشارع لاقاه واحد راكب عجلة دقشو رماه قام اتنفض لقى القميص مقلوب قال ليهو ما فتلتنا ياخى

من طرف بلسم الأربعاء مارس 04, 2009 11:10 am

تسلمى ولاء cheers

وهاك النكت دى

واحد مسطول سألوه عن الفرق بين الركشة والكاروقال في الكارو الحماره بره

مسطول سأل الدكتور قال ليهو فهمني كيف تحللوا البول وتحرمواالخمرة؟

:

من طرف بلسم الأربعاء مارس 04, 2009 11:13 am

ههههههههههه حلوة ياوليد
وتقبل منى دى
مسطول سأل صاحبو قالليهو: الشيء البقول ناووو وبطير ده شنو؟

قال: كديسة وشايتنها شلوت
Laughing

من طرف MONZER الأربعاء مارس 04, 2009 11:48 am

شكراً لك .العمه العزيزه بلسم ... هاكم النكته دي ..
مسطول ولدو عيان .. ودا للدكتور .. الدكتور قاليو ولدك دا شارب لبن مدتو منتهيه .. المسطول قاليو آآآآآآآآآه .. بتكون رضعتو حبوبتو

من طرف بلسم الأربعاء مارس 04, 2009 11:56 am

حلوة والله يامنزروتقبل منى دي مسطول عضاه دبيب.. قعد اضحك ... سألوه ليه بتضحك قال ليهم الدبيب راح فيها أصلى إنا عندي .. ايدز
Laughing

من طرف walo الأربعاء مارس 04, 2009 1:31 pm

تسلمو على النكت الرائعة واحب اسال بلسم وما عارفة الصراحة اقول ليك خالة بلسم ولا نقول ليك بلسم Very Happy

من طرف بلسم الأربعاء مارس 04, 2009 5:49 pm

شوفى ياولاء ياعسل
بالنسبة لمحمد ومنذر عماد يوسف هم اولاد ود عمى يعنى انا اعتبر عمتم
بالنسبة ليك انا اعتبربنت خالتك لان والدتى بتكون لوالدتك بنت خالها وكمان لوالدك نفس الشى
يعنى انا بنت خالتك وبنت عمتك
وانت اختاري ياعسل
lol!

من طرف MONZER الأربعاء مارس 04, 2009 6:03 pm

تقبلوا مني دي مسطول اتصل يحجز تذكرة طيران الموظف سالو ذهاب واياب ؟ قاليو لا لا خروج المغلوب

من طرف MONZER الأربعاء مارس 04, 2009 6:05 pm

عريس مسطول اصحابو قالو ليه ماشين نجيب تلج .. قال ليهم خلاص عزلوا البارد....

من طرف بلسم الأربعاء مارس 04, 2009 6:12 pm

هههههههههههه والله العريس ده بالغ

من طرف walo الخميس مارس 05, 2009 1:45 am

والله احنا لينا الشرف يا عسل انك تكوني بت خالتنا وبت عمتنا

من طرف بلسم الخميس مارس 05, 2009 9:03 pm

الشرف لي ياولاء flower

وتقبلوا مني دى
في شلة كل يوم يتسطلو مع بعض ويحكو نكت لقو نفسهم بيكرروا النكت زاتها
قاموا عملوا ارقام للنكت وبقوا يقعدوا يقولو رقم النكتة ويضحكوا
يوم واحد جاب معاهو ضيف. الضيف لقى الجماعة شغالين
نمرة 1
نمرة 18
نمرة 35
الضيف قام طوال خاشي في الونسة وقال 955 الجماعة كلهم ضحكو ضحك مبالغ فيهو
الضيف استغرب وقاليهم اشمعنى الرقم بتاعي ضحكم شديد كدة
واحد من الجماعة قاليهو دي جديدة اول مرة نسمعا
Laughing

من طرف بلسم الخميس مارس 05, 2009 9:11 pm

واحد مسطول سايق عربية قام واحد من اللساتك نزل في شارع سريع
جو الناس اتلمو فيه دايرين يتكلمو كده صاحبنا المسطول قال ليهم
هسسسسسسسسسسسسسس ولا كلمة اللستك نايم

lol!

من طرف MOHAMMED EMAD الخميس مارس 05, 2009 9:15 pm

والله نكاتكم روووووعة ... ما كنت متوقعة بتضحكني كده ....
الله يديكم العافية وادونا زياااده ....

من طرف بلسم الخميس مارس 05, 2009 9:18 pm

مسطوولـ مشى يباركـ لي واحد صاحبوو (شيين شنه مره اسمو بلة) المولود الجديد

المهم خشا لقا الشاافع شبه ابوو شين شديييييد ..

قال ليه كان تسموو زاد الطين

من طرف الوليد السبت مارس 07, 2009 3:26 pm

خلفة الله يا أخوانا

من طرف walo السبت مارس 07, 2009 5:10 pm

تسلم يدك يا بلسم نكتك روووعة معليش على الرد المتأخربس انشغلت شوية

من طرف محمد الامين الإثنين مارس 09, 2009 8:56 am

مسطول أخوهو مات ، الجماعه غسلوهو ولفوهو
في الكفن ، قام إتلفَت ليهُم وقال ليهم
مافي واحد معاهو ولاعه

واحـد عندو أرنب عاوز يبيعــــو جاهو واحـد مسطـــــــــول قال ليه القرد ده بي كم ؟ رد الراجـل : دا ارنب ما قــــــرد المسطول قال ليه يا ابو الشباب انا سألت الارنب ما سألتك انت ..

*** كان فى واحد مسطول زهجان شديد قاعد تحت شجرة أمام بيته ، جوهو ناس التعداد
سألوهو ( الأخ من أهل البيت ) قال ليهم ، لا... من كفار قريش !!

من طرف الوليد الثلاثاء مارس 10, 2009 5:41 am

واحـد عندو أرنب عاوز يبيعــــو جاهو واحـد مسطـــــــــول قال ليه القرد ده بي كم ؟ رد الراجـل : دا ارنب ما قــــــرد المسطول قال ليه يا ابو الشباب انا سألت الارنب ما سألتك انت ..

*ده ملك المساطيل يا أخ محمد الامين * ما مسطول و بس

من طرف الوليد الثلاثاء مارس 10, 2009 10:22 am

واحد مسطول قالو ليهو نديك امتحان* براك *
اذا جيت الأول نمنحك جائزة
حك راسو قال ليهم اذا جيت الثانى كيف

من طرف بلسم الأربعاء مارس 11, 2009 8:40 am

مسطول في المدرسة سمع الاستاذ بقول المثابرة تولّد النجاح
قال لى زميلوا: مــــــــتين هي المثابرةبقت دايه؟
[ندعوك للتسجيل في المنتدى أو التعريف بنفسك لمعاينة هذا الرابط]

مسطول مشي للدكتور بشتكي من ضرسو، الدكتور قاليهو: احشي ليك؟
قاليهو لا .. لا .. اديني في صحن!

من طرف بلسم الأربعاء مارس 11, 2009 8:44 am

[color]مسطول صدم عمود كهربا قال: الله يلعن ناس المويه ديل مالقو يختو برج موبتل إلا هنا؟![/color]

[color=blue]مسطول ينقنق: السخانه،السخانه، والله دا كلو من ناس الكوره ديل شابكننا سودانا فوق سودانا فوق لمن تكلوابينا جنب الشمس![/color]
Laughing

من طرف بلسم الأربعاء مارس 11, 2009 8:48 am

شايفك قدامي وما قادر أوصلك. وكل ما أحاول أقرب منك أخاف تصدمني. ومرات كتيرة أفكر فيك بلقاك إنت جاري وكل ما أسعى أفهمك ألقاك بتلف وتدور/ مسطول بتكلم مع لستك عربية
lol!

من طرف walo الأربعاء مارس 11, 2009 7:24 pm

بلسم كتب:[color]مسطول صدم عمود كهربا قال: الله يلعن ناس المويه ديل مالقو يختو برج موبتل إلا هنا؟![/color]

[color=blue]مسطول ينقنق: السخانه،السخانه، والله دا كلو من ناس الكوره ديل شابكننا سودانا فوق سودانا فوق لمن تكلوابينا جنب الشمس![/color]

ههههههه بالغو عديل المساطيل ديل تسلم يدك يا بلسم

من طرف No0oNa الخميس مارس 12, 2009 10:44 pm

سماسم طبعا النكت خيال يسلموا ولكل الي زادوهم
بس صراحه ما كيفتني الا دي
واحد مسطول سألوه عن الفرق بين الركشة والكاروقال في الكارو الحماره بره

احسها قويه بحقنا نحن بني حواء ولا شنو lol!

من طرف بلسم السبت مارس 14, 2009 11:58 am

واحد مسطول ماشى فى الشارع لقى عمود نور
مكتوب عليه شقة للايجار راح قعد يخبط على
العمود لغاية لما جاله مسطول تانى قال له انت
بتعمل ايه هنا قال له اصلى لقيت مكتوب شقة
للايجار قمت قعدت اخبط بس محدش رد علىّ
قام التانى قال له غريبة مع ان الجماعة منورين
النور فوق

من طرف الوليد السبت مارس 14, 2009 12:21 pm

واحد مسطول قاعد جوه غرفة و مفتح الشبابيك و الباب جات طيرة طائرة دخلت بالباب و طلعت بالشباك قال ليها عملت شنو يعنى

من طرف بلسم الإثنين مارس 16, 2009 7:59 am

واحد مسطول قال والله اليومين ديل من شدة الحر تفتح الباب تلقى الشارع قاعد في ضل الحيطة

من طرف بلسم الإثنين مارس 16, 2009 8:01 am

مرة واحد مسطول قاعد جنب موية المطرة ومبسوط جداً من منظر الموية الكتيرة , قام جاء واحد راكب عربية عاوز يعدي في الموية وخايف وسأل المسطول هل ممكن أعدي ؟ ورد عليه المسطول طبعاً مافي مشكلة . ولما مشى شويه العربية غرقت وطلع منها السواق زعلان من المسطول وقال ليهو ماقلت مافي مشكلة , رد عليه المسطول والله حسي دي جات بطة مشت عديل
Laughing

من طرف بلسم الإثنين مارس 16, 2009 8:04 am

فى مسجل الحافلة فجأة شريط المسجل وقف المسطول سأل الراكب جنبو: اسمع يا أخي وداللمين ده نزل ولاشنو؟

lol!

من طرف ابو لين الإثنين مارس 16, 2009 4:41 pm

اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير )
قام المسطول الاول سأل التاني ( لا حولا دي مسطرة ولا شنو )
رد التاني :لا لا أكيد دي يكون سيف الجامعة البيقولوه دا

من طرف ابو لين الإثنين مارس 16, 2009 4:44 pm

مسطول بحب الكتشينة
جاء ساطل سطلة ليها ضل
دخل البيت
امو قالت ليهو يا عثمان غطي البت دي
قال ليها لا يا امى بعرج يا حاجة (دى للبعرفوا كتشينة)

مسطول يوم عرسو ساطل سطله شديد، بعد الناس مشت
دخل البيت جوه لقى العروس قاعدة، قال انا كنت
عارف مع جوطتهم دى حينسو ليهم زول

مسطول عضاه دبيب.. قعد اضحك ... سألوه ليه بتضحك قال ليهم الدبيب راح فيها أصلى إنا عندي .. ايدز

مسطول حاقد على احوص الاحوص بعمل لقيمات جلس المسطول جنب الأحول يرمى القيمات برا الزيت والمسطول يقول تشششش

من طرف ابو لين الإثنين مارس 16, 2009 4:47 pm

واحد مفلس و منحوس ماشى الطريق شاف حادث سيارة كبيرةوشاف الضحايا مرميين..وما فى واحد جنبهم ...قام فكر وقطع اضانه الاتنين ورقد جنبهم عشان ياخد ليهو شوية تعويض..وبعد شوية اكتشف
انو الجماعة بصوروا فى فيلم سينمائى

فى واحد دخل مطعم عشان ياكل وما معاهو مليم...والجماعو طبعا رفضو يدوه اكل...وحلف ليهم لو ما جابو ليهو الاكل حيعمل نفس الحركة اللى عملها اخوه...فالجماعة خافوا وقاموا جابوا ليهو الاكل وبعد ما غسل يده...سالوه اها اخوك دا عمل شنو؟؟قال ليهم... نام بدون عشاء