نكات مساطيل

مسطول مشى أخطب ليهو واحده معاه أمو وأبو بعد جو ناس الحله سألوهو قالو ليهو أه النتيجه شنو قال ليهم تعادل أنا وأمي وأبوي موافقين وهي وأمها وأبوها رافضين

مسطول سواق تكسي ركبت معاهو واحده قالت ليهو نادي الضباط لو سمحت قال ليها ناديهم براك

مسطول متشاكل مع حبيبتو
قام شال الطوريه وماشي في الشارع
الناس سألوهو ماشي وين
قال ليهم ماشي ارجع المويه لي مجاريها

مسطول ماشي في الشارع جاتو مذيعة قالت ليو القمر وينو قاليها هدة قالت ليو مبروك ربحت جائزة عشرين جنيه قاليها داك برضو واحد تاني

مسطول بشنقو فيو أشر ليهم بي يدو قامو نزلو قالو ليو مالك قاليهم احي قربت اموت

مسطول قال لي مرتو بتفكري في شنو_قالت لي في البتفكر فيهو انت_ادها كف طاخ قالها يعني عايزة تعرسي فيني

مسطول شاف الكديس شايل الكبريت في خشمو بلعب بيها قال لي جيب ولعة يا اصلي

مسطول شايل جك عصير موديهو الصالون شاف قشره موزه في الارض قال لو مشيت العصير ح يتدفق أحسن أخت الجك أمشي أخد زلقتي وأجي أشيلو تاني

نصحيه من اخوكم مسطول: شوف ياأخوي لا تقول لي امك لا أبوك لا عمك لا عمتك لا خالك لا خالتك لا جدك لا حبوبتك مافي زول بنفعك غير أهلك

مسطول لقي ليهو بت جميلة جمال شديد قال ليها إنتي عارفة ربنا أداك اي حاجة إلا رقم تلفوني..

اثنين مساطيل فيهم واحد بمشى بفتح باب الثلاجة بسرعة وبقفلو وتانى يفتحو ويقفلو سألو اخوه انت مجنون قال ليهو لا لكن داير أشوف البفتح النور الجوه دا منو

بتاع دكان مسطول عندو فار مزهجو بياكل ليهو البضاعه حقتو ...قام شرك ليهو وقبضوا وكسر ليهو سنونو ... قال ليهو حتأكل شنو تاني ... قام قال الفار : بثف الثكر

مسطول لقا فار جاري ورقة برنسيس قال لية اوعك تكتر البرنجي

مسطول جا لقا في الشارع كلب جنبو فار ميت قال حظ الكدايس يكتلو الفيران ويلبسو الجريمة لي الكلاب

مسطول قدمو ناس الحله عشان يصلي بيهم بعد ما اقامو الصلا قال ليهم كدي كشفو في ذول غريب قالو ليهو مافي قال ليهم خلاص لفو الفرشات وامشو

مسطول عميان كل يوم الصباح بطلع في الكرسي في الشارع ويمسك الجريده نظام قاعد يقرا فيها شغال العالم دا مالو بقا جايض كدي قتلي وجرحة اشتباكات دامية ارحل ارحل الجرايد غير المشاكل مافيها شي جاهو واحد قال لية لوسمحت جريدة قوون دي اقرا العناوين

[نكات ظريفة والمساطيل في نعيم ولك مني كل الود والتحايا يا ود الخالة مع تحياتي للأخ عزمي]

الاخ/ مجاهدلك التحيه علي النكات الجميله دي والله رسمت البسمه علي شفاهنا اديك العافيه يامجاهد .

مشكور يا ابني على هذه النكات @@@سحاااااابة@@@