كرسى الاعتراف 4 - وليد الطيب

THE GHOST كتب:لك كل التحكم ابو لين

ولك كل الحريه في متابعة حلقات الكرسي ... وضيف على الكيف

ابو لين / يوم الجمعه الجاي ان شاء الله عندنا ضيف ممتع ومميز ... بس دعواتك انو يكون فاضي
========

طيب اخ وليد ممكن من وقتك شويه ..

س/ تم تغير المنتدى مرتين في وقت قصير جدا ! اي الاشكال الثلاث هو الشكل الافضل للمنتدى ؟

س/ لو قدر لك انت تختار المكان الذي تتزوج فيه ! في البلاد كنت ستختار ؟ واي المدن ؟
فى البدء اهلا بعودتك الجميلة اواب
وعلى الرحب والسعة اخى اواب كل وقتى لكصغير
بالنسبة لشكل المنتدى اعتقد انو الشكل الاخير هو الاجمل والافضل
اما السؤال الثانى فلكالما تمنيت ان اتزوج فى وطنى الحبيب السودان
ووطنى فى قريتى الجميلة الدناقلة والحمدلله الذى حقق لى هذه الامنية الجميلة بين اهلى وعشيرتى الذين يحتلون مساحات واسعة داخل قلبى

ود اللارسود كتب:1 موقف طريف مر عليك و انت بالمنتدى

2اصعب مشكلة واجهتك بحياتك

3 العضو الذي يخاف وليد الطيب من اسئلته

4 رسالة عتاب لمن توجهها
رسالة شكر لمن توجهها
(بشرط يكون الشخص المقصود من المنتدى)
:

5 ما الجانب الاخر من شخصيتك والذي تعلنه هنا لاول مرة

6 سؤال اجباري الاجابة عليه
قم بتوجيه نصائح لخمسة اعضاء تقوم انت باختيارهم
1-صعب ان الواحد يتذكر لكن اخر موقف كان مع ساره ازهرى على مرتين بكون عاوز ارسل مساهمتى فى مكانين مختلفين بتتداخل معاى ساره فى نفس الوقت
2-اصعب مشكلة كانت هى الاختيار بين الغربة والرجوع للسودان والحمدلله اتخذت القرار الصحيح برجوعى السودان
3-بالعكس انا مابخاف من اى عضو بل بستمتع بالاسئلة الصعبة كى توضح للجميع نوعية الشخصية التى تتعامل معها وتتعرف على وليد اكتر
4-رسالة عتاب لكل الاعضاء الذين تسجلو بهذا المنتدى واصبحو مجرد اسماء فى قائمة الاعضاء دون مشاركات
رسالة شكر لكل الاعضاء والمشرفين القائمين على امر هذا المنتدى واخص بالشكر محمد عبدالجبار
5-انى شخصية بسيطة ومرحة ومحب جدا لجميع الاعضاء فهم بمثابة الهواء الذى اتنفسه
6رغم انو هذا السؤال اجبارى اخى مصعب ولكن كل الاعضاء الذين يشاركون كتاباتهم تنم عن الوعى والادراك فكلهم لا هم لهم سوى النهوض بهذا المنتدى لذا لا اجد من اقدم له النصح فكتاباتهم تدل على رجاحة عقولهم

ابو لين كتب:والله يا ولى قلبنا معاك دا ياداب الساعات الاوائل ولسة بنجور بيعمل فى الاحماء وقدامنا اسبوع

بس سوال ابو لين بيقول انت عجوز ودفعتو تعترف ام تنكر

سوال تانى ماذا تغير فيك بعد الزواج وهل الزواج كما يقولون مقلب كبير
بطل سلبطة يا ابولين انا امتحنت من مدنى الثانوية وحضرت كورسات فى الدناقلة اصلو ما لاقيتك فى فصل

بالعكس الزواج استقرار وبعد الزواج الانسان بكون مرتب ترتيب جيد
المقلب شنو يا ابولين مالك عاوز تطفش بنجور

crash كتب:هل تعتبر في شخصيتك شيء من الغرور والتكبر ؟؟؟؟

اي زول اول ماتشوفه بكون عندك انطباع عنه .. في رايك انطباع الناس عنك شنو ؟ انت متوقع شنو .. بعدين السؤال دى فيو تصحيح .. اي زول يورينا انطباعه عنك اول ماشافك ... بكل صراحة ومن غير مانت تزعل ولا رايك شنو ؟ ولو عايزين يعني ممكن اقول انا انطباعي عنك لما شفتك

اخر مرة فرحت من قلبك ؟
الحمدلله الذى لم يجعل فى شخصيتى شئ من الغرور او التكبر فنحن فى النهاية كلنا من تراب
فلماذا التكبر والغرور؟؟؟؟؟
اما بالنسبة لانطباع الناس عنى فانا اترك لك حرية الاختيار اختى رشا وفى كل الحالتين سواء كان رأيك ايجابى او سلبى ليس هنالك ما يدع للزعل ويمكن لاى شخص ان يقول رأيه عنى ولنبدأ بك انتى
اخر مرة فرحت من قلبى عند تأهل المريخ لدورى المجموعات فى دورى ابطال افريقيا

walo كتب:مرحب بيك وحبابك عشرة يا جدي وليد في كرسي الاعتراف
سؤالي ليك رايك في جيلنا الحالي ؟
مرحب بيك كتير ونورتى الكرسى حفيدتى ولو
رأى فى جيلكم الحالى انه جيل نشأ فى عهد العولمة والتكنولوجيا بعد ان اصبح العالم عبارة عن قرية صغيره
فهو جيل طموح وعلى قدر عالى من الذكاء الشئ الوحيد الذى افتقده هو البراءة الجميلة والوداعة فى مرحلة الطفولة فلو انك تعاملت مع اى طفل من هذا الجيل
تحس انك تتعامل مع انسان كبير مدرك لكل الاشياء التى حوله

ابو لين كتب:ولى جيناك تانى

1- اين وجدت نفسك فى
الدمازين
مدنى
الخرطوم
ام فى الغربة
2- عضو تتمنى ان يجلس على هذا الكرسى
3- عضو او اكثر تشدك كتاباته حد الشوق
4- عضو غيابو بدبرس بيك
5- شخص تستغرب من عدم انضمامه للمنتدى حتى الان
6- ما رايك فى مشاركات جنة الاطفال (اقصد فريق الشباب) وهل تراهم انشط منا
7- ارجو اكمال المعادلات التالية باسماء اعضاء(ممنوع الشف من ود الارسود
.............. +.............. = تجانس رائع
............. +..............= خزر غير مبرر
...............+.............= غياب فى غياب
غير مسموح وضع ابو لين اعلاهويستتبع
1-الدمازين لاننى عشت فيها منذ الطفولة.ولكننى احن الى مدنى اكثر نسبة للميلاد والاهل
2-اتمنى ان يجلس ابوالزعيم على هذا الكرسى
3-سوباوى+رفيدة+ابوليلى
4-بنجور+بلسم
5-ياسر صالح
6-مشاركاتهم تعطى القا وبريقا على المنتدى ولولاهم لما استمر هذا المنتدى
7- ود اللارسود+اواب=تجانس رائع
بنجور+سلافه عابدين=عذر غير مبرر
حمراى+ود جابر=غياب فى غياب

/لو ربنا رزقك بطفل ولد وانشاءالله يتحقق ماذا تسميه او بصيغه
اخرى احب الاسماء اليك(كلنا عارفيين خير الاسماء ماعبد وحمد)

ابو لين كتب:

/لو ربنا رزقك بطفل ولد وانشاءالله يتحقق ماذا تسميه او بصيغه
اخرى احب الاسماء اليك(كلنا عارفيين خير الاسماء ماعبد وحمد)

وكان طلعت بت يا وليد تحمدا وتعبدا كيف

الا تسميها عابدة الشيخ
ههههههههههههههه


سوال سريع كدا على الماشى
من هو العضو الاكثر ابتكارا للجميل وبكل صراحة (عضو واحد فقط)
اواب التجانى

بحر الأحزان كتب:سلامات وليد ..
كيفك مع الكرسي ... 8)شكلو مسخن..
سؤالي : هل النشوء في بيئة مليئة بالخلافات تخلق شخصية غير متزنة؟؟
اهلا بيك ماب فى كرسينا المتواضع ده
مسخن الشوية دى ده مولع نار عديل كده
من وجهة نظرى انها ممكن تخلق شخصية غير متزنة لانو الطفل بتأثر بما يحيط به واللهو اسرتة فاذا كان هنالك صراعات وخلافات داخل الاسرة فهو حتما سوف يشاهدها
وبالتالى سوف تأثر عليه والله اعلم
افتونا يا ناس السيكولوجى

بنجور كتب:جيتك تانى ياوليد شايفك بارد نسخن بيك حبه
1/ قالوا بتجى الدناقله ومابتمرق من البيت صاح!!!
2/ موقف حزين-مفرح-محرج مربيك!!!
3/ رايك بصراحه فى مشرف الصور!!!تانى بصراحـــــــــه
4/ رايك فى شباب اليوم وخصوصا البنات!!
وانا زى ماقلت ليك محـــــــــــــرش
بجيك تــــــــــانى
1-اغلب الاوقات فعلا بكون فى البيت ما عدا الامسيات لانو بكون مرهق شديد من الشغل والسفر
2-موقف حزين وفاة الاستاذ مصطفى سيد أحمد
مفرح ان اكون ضمن اعضاء منتدى الدناقلة
محرج فى احدى وانا فى المواصلات تمت سرقة محفظتى ولم استطيع ان ادفع للكمسارى
3- بكل صراحة ابولين انسان عزيز على نفسى ودوما مشغول بهموم ومشاكل الدناقلة وكيفية وضع الحلول
4-لكل جيل ميزاته ولا يوجد جيل خالى من الايجابيات والسلبيات وشباب اليوم على قدر عالى من الثقافة وخصوصا البنات

ابو لين كتب:الاخ وليد

هل تولد لك الاحساس بـ

ان اواب هو ذا قوست
وان مآب لها علاقة ببحر الاحزان

هل تجد العذر للجعاتى وربما لحمراى لكل هذا الغياب

وهل تجد كما اجد ان منتدى المناسبات هو الاهم بين كل المنتديات يليه المنتدى التوثيقى ثم منتدى النوادر الرائع هذا ثم البقية تاتى ام لك ترتيب اخر

واخيرا هل تخشى ان ينفلت الزمام من ايدينا ونسيئ لبعضنا دون نشعر او على الاقل نجرح بعضنا (بصراحة)
واخيرا تانى وبى صراحة برضو هل ترانا(كلنا طبعا) نحمل هم هذا المنتدى ام اننا ندخل لمجرد التسلية واذا كانت الاجابة سلبية فماذا تتمنى ان نفعل كخطوة عملية


مع تحياتى
فيصل القاسم
معليش
اقصد ابو لين

ملحوظة
وردت كلمة محرش كتير وانفى ان يكون لابو لين صلة بها

سامعك كتير بتشكر مشرف الصور (صاحبك يا ولى) اكيد ما زول كعب ولا شنو
اواب كالشبح فى انه يعمل بصمت وخفاء ليفاجأنا بالجديد فهم يجتمعان فى عنصر المفاجأة
اما بحر الاحزان فالحزن احساس داخلى ولكنى اراها بحر الابداع
الجعلتى وحمراى عودونا دوما مشاركاتهم المتميزه والمتواصلة وليس لدى خلفية عن غيابهم ولكن وبقول ليهم وزى ما بقولو
الغائب عذروا معاهو
اولا من هذا المنبر الشكر كل الشكر للاخ محمد عبد الجبار على هذا المجهود الرائع-ليس لدى ترتيب فكل المنتديات عندى مهمة فهى كاعضاء الجسد الواحد
كل يؤدى دوره
اتمنى انو نكون يدا واحده وجسم واحد وزى ما بقولو حبوباتنا مصارين البطن بتتشاكل بس الاختلاف يكون فى اطار اخوى ولا يتعدى الى ما غير ذلك
اذا لم نكن نحمل هم هذا المنتدى لما شاركنا فيه اساسا وانت تعلم مشغوليات الحياه وظروف العمل والدراسة وغيرها
هسى يا ابولين فى زول قال ليك انت حرشت بنجور ولا زى ما بقولو الفى بطنو حرقص براهو برقص

Mohamed كتب:الاخ العزيز وليد

نتمنى لك جلسة طيبة و مريحة على متن كرسي الاعتراف
"بس ما باين الجماعة حيرسوها ليك على بر"


ثلاث أشخاص تعتقد انهم لو انضموا الى المنتدى سيكون لهم الاثر البالغ في دفع عجلته للامام؟
هههههههههههههههههههههههههههههه شكلهم كده لكن اخوك بقدر عليهم
1-ياسر صالح
2-اصف بدوى -انضم اخيرا
3علاء الدين عثمان

crash كتب:شكلي جيت متأخرة شوية ....
ماعارفة لكن انطباعي الأول عنك كان انك انسان عندك غرور وعاجباك نفسك شديييييييييد بس شكلو الانطباع مافي محله ....

الناس ديل مسخنين بيك كدة مالهم ؟؟؟؟

هل تعرف الكره ؟؟ جاوب وبكل صراحة
وهل تستطيع ان تغفر الخيانه ؟؟؟
مرحب بيك اختى رشا
بخصوص انطباعك عنى فلكل انسان انطباع معين يحس به عند مقابلته لشخص ما لاول مره وهذا الانطباع قد يكون صحيحا او خاطئا
فكل منا لديه هذا الاحساس و كم من مرات يكون انطباعنا جيد عن انسان للوهلة الاولى ونتفاجأ بشخص اخر عند الاحتكاك والتعامل المباشر معه والعكس صحيح
ولا الومك على ذلك
والله يا رشا الناس دى ما عارفة مسخنة كده مالا لكن ان شاء الله انا قدر التحدى
الحب والكره ضدان مجتمعان فى دواخل كل منا ولكن عندما يغب على شخصية الانسان الحب يختفى الكره
بالنسبة لى اتمنى انو ما يجى يوم واكره فيه اى انسان مهما كان
الخيانة من اصعب الاشياء فى الدنيا وغفرانها بعتمد على اى نوع من الخيانة كانت؟؟؟

سارة كتب:انا ما عندي اسئلة كتيرة
لكن لقيت لي سؤال كدا
رايك شنو في الازواج اللي بيساعدوا زوجاتهم في المطبخ والاعمال المنزلية؟
وهل في رايك المساهمة دي بتقلل من الرجولةولا بالعكس؟
وهل انت من النوع دا؟
سؤال تاني:
انا عارفة انو السؤال دا اتكرر كتير لكن انا حاسال بطريقة تانية
رايك شنو في اولاد الزمن دا والخزعبلات البيعملوا فيها من تقليد للحضارة الغربية
بالنسبه للتشبه بيهم في طريقة ارتداء الملابس واستماع لموسيقاهم وحتي طريقة المشي والتفكيروالالفاظ وحتي طريقة الرقص
ملاحظة:
ماتحاول تتهرب من اي سؤال وجاوب بوضوووووووووووووووووووووووووح
وان شاء الله حأجي راجعة تاني لطرح المزيد من الاسئلة
بالنسبة عن رأى فى مساعدة الازواج لزوجاتهم بالجد دى حاجة جميلة جدا وبعضد قيم الموده والرحمة والالفه بين الزوجين
ده كلام عار تماما من الصحة فالرجولة لا يقللها سواء ساعدت زوجتك ام لا
فالرجولة شهامة وكرم ومواقف والاعمال المنزلية ليست حكرا على المرأه وحدها
الحمدلله انا بساعد زوجتى فى المنزل ولا عيب فى ذلك
بالمناسبة ده سؤال مهم جدا وظاهرة دخيلة على مجتمعنا السودانى وبصراحة شديدة انا برجع ظهور العادات دى للتربية الخاطئة فالاسرة هى الاساس
لذلك لا بد للوالدين والاخوان الكبار التدخل كى لا تتفاقم هذه الظاهرة ولو كانت الاسر تردع ابنائها لما حدث ذلك
وهذه الظاهرة وجودها ليس حكرا على الاولاد فقط وانما منتشرة ايضا وسط البنات

/ قالوا بتجى الدناقله ومابتمرق من البيت صاح!!!

ابو لين كتب:

/ قالوا بتجى الدناقله ومابتمرق من البيت صاح!!!

رايك شنو في الازواج اللي بيساعدوا زوجاتهم في المطبخ والاعمال المنزلية؟

بناءً على ما سبق من بنجور وسارة
سؤالى هو
بتورق الخضرة ولا ما بتورقا

[ندعوك للتسجيل في المنتدى أو التعريف بنفسك لمعاينة هذه الصورة]
بعووووووووووووووووووووس الكسره
اذا كان صدام حسين بقطع الشاورما
ههههههههههههههههههههههههه

بنجور كتب:صباح الخير وليد
عندى سؤال سالونى ليهو لما كنت جالس فى الكرسى احب اشوف رايك فيهو
وهو لوخيرت بين الحبيب والصديق ايهما تختار (لازم تختار واحد فقط)!!
نهارك سعيد بنجور
بخــــــــــــــــــــــــتار
الصـــــــــــــــــــــــــــــــــديق

moh55 كتب:سلام يا صاحبى حا اسأل فى الممنوع
ماندمان على عدم انتماءك الى قبيله سيد البلد
بالعكس كنت حا اكون ندمان لو كنت هلالابى
فانا مريخى حتى النخاع
واااااااااااااااااااااااااااااه لو ما كنت من ديل
والصــــــــــــــــــــــــــــــفوة ديل ما اهلى

بنجور كتب:نهارك سعيد
اسئله سخنه حبه كده:-
1/ مشرف كســــــــــــــــــــلان فى نظرك من هو!!!
2/ على حس تغيير الولاه لو اعطيت فرصه تبديل فى
المشرفين بحيث لايخرج واحد من اللسته كيف
سترتبهم !!!
3/ رايك فى الاعضاء اللذين كانت مساهماتهم نشطه
واصبحوا غياب او اثروا الاطلاع فقط!!!
4/ ورينا هواياتك الاخرى (ركوب خيل-سباحه-كتابات-
بايات فى القصة القصيره-غناء-اى جلكسات بنصدق)
لك الود منى ومن المحرشنى هههههه
1- بكل تأكيد وليد على نسبة لعدم دخوله المنتدى منذ ان دخل القفص الذهبى
2- بالنسبة للترتيب فأرى الترتيب الحالى هو الانسب
3-طبعا دى حاجة سلبية جدا وبتخصم من رصيدهم عند الاعضاء وبالتالى حا تؤثر ايضا سلبا على المنتدى
لذلك ارجو من الجميع المشاركة ووضع هذا المنتدى الجميل فى حدقات العيون
4- من غير اى جلكسات يا صديقى وما تقول عجوز بحب لعبة كرة القدم ليس كمشجع فقط وانما ايضا كلاعب-الكرة الطايره
والسباحة والاطلاع واحيانا كتابة الخواطر

الجعلتي كتب:العزيز وليد طبعا انت عشت في الغربة وبقولوا الغربة بتبكي هل بكيت وانت هناك
والله يا الجعلتى الغربة صعبة جدا وامكن الواحد يكون ما بكى البكاء الصريح لكن كل يوم بمر الالم بزيد اكتر
وطبعا ده فى الفتره الاولى لكن بعداك بتكون الامور عادية والزول بتاقلم على الاوضاع

ابو لين كتب:يا ولى ما قلت لينا تتمنى خليفتك فى الكرسى يكون منو

ابو لين كتب:ههههههههههه
طبعا الاخ محمد عبد الجبار ما عندو مشكلة وجاهز انشاء الله لكن شكلوا اواب مدخرو لليوم الاسود



لمن توجه الاتى(ما ضرورى يكون فى المنتدى)
1-متى يبلغ البنيان يوما اشده
اذا كنت تبنيه وغيرك يهدم

2- لمتين مواعيدك سراب

3- يا مرحبا يا مرحبا نورك غطى الكهرباء

4- انا شفت ناس ظالمين كثير
بس أنت أظلم من ظلم

لو اتيحت لك فرصة للسفر والالتقاء بثلاثة من اعضاء المنتدى الذين لم تلتقى بهم من قبل والموجودين خارج السودان فمن تختارولماذا(سوال اختيارى)وما هو اول ما تقول لهم بعد السلام (ايضا اختيارى)
1-الى جميع اعضاء المنتدى بالالتفاف حوله واضفاء مزيدا من المشاركات لكى يحتفظ برونقه وجماله
2-الغائب وليد على
3-الانيق ســــوباوى لاقتراب موعد عودته للوطن
4-الى حكم مباراة الهلال مع اول اغسطس الانغولى
انا حا ابدأ من الاخر وهو ماذا سأقول لهم بعد السلام لان هذه الاجابة مشتركة لهم جميعا وهى بالطبع سأجلس معهم واتعرف بهم
اكثر عن قرب وسوف اتجاذب معهم الحديث عن المنتدى
الاعضاء هم
محمد عبد الجبار وذلك للمجهود الرائع الذى قدمه لنا
عمر محمد احمد صديق لاهنئه على شجرة الانساب
كمال عوض الله لاهتمامه بكافة مشاريع الاصلاح بالدناقلة

بنجور كتب:نهارك سعيد
1/ شعورك وانت مودع الكرسى!!!
2/ كلمه شكر وتقدير لمن تكون!!
3/ سوبر استار الاسبوع فى المنتدى من يكون!!
4/ ......+........=احلى ناس!!!
5/ 3باقات ورد كيف توزعها!!!
6/ رايك فى الزول المحرسنى شنو!!وهل عرفتو!!
الى اللقـــــــــــــــــــــــــاء قريبا انشاءالله

3-اكيد اناااااااااااااااااااا يا بنجور ولا عندك رأى تانى

انا عارف وانت عارف يا بنجووووووووووور