كرســـي الاعتراف 5 _ بــلــســم

Mohamed كتب:شكرا الاخت بلسم على هذه الاجابات الشافية و الوافية
و بالمناسبة الاسئلة كانت أكثر من كده, بس عدّلت البوست و حذفت نصفها تقريبا
في أمان الله

لاشكر على واجب الحمدلله النقصت ايدى وجعتنى من الكتابه ولايهمك كان داير تعيده تانى ماعندك مشكلة

ابوفدوى كتب:ازيكم يا ناس الكرسى المولع نار
وانتى يا بلسم فرحانه بالباص دا
لو شاف اجاباتك العم كمال عوض الله
كات ما كان وكان
مبروك المرور المرة دى
ابوفدوى

ابو لين كتب:يا بلسم متين بتشعرى بانك بالجد البلسم الشافى

طول الوقت هههههههههههههه .بجد لما اساعد اى واحد مضايق
من قلبى اتمنى ان اراك قريبا فى بيتك وسوالى ماذا لو اصر الشريك على ان تتركى العمل (هل تتنازلى ولو كانت مبرراته منطقية ام ..............)
شوف انا مقتنعه اذا حسيت ان شغلى باثر على بيتى بيتى اولا من غير حتى هو يطلب
لكن اذا كنت ما مقصرة ومبرراته مامقنعه دى دايره ليها قعدددة يعنى اجتماع طارئ
تغرب ففى الاسفار سبعة فوائد

هل تححقت لك فوائد الغربة بصورة مرضية وماذا اخذت منك ؟؟؟؟
والله الحمدلله . ممكن اخذت منى هو معرفتى المحددودة بالاهل بس اتخيلي اضافت لشخصيتى كتير
هل تومنين بان ايام الاسبوع لها الوان وما هو لونك المفضل (اقصد يومك المفضل)

والله كلها زى بعض بس يوم الخميس افضلهم عندى ممكن لانه بعده جمعه
ما هو اول ما تفعلينه اذا صرت


- مشرفا لمنتدى صور الدناقلة
ا طرد ابولين هههههههههههههههههههههههه
بصراحة منتدى صور جميل وانت ماشاء الله عليك مشرف ممتاز

- مشرفا عاما للمنتدى.
كنت حاحاول انى اشارك الكل فى مواضيعهم .واحاول بقد الامكان اخلي كل المواد البقدكموها الاعضاء توضع فى مكانها الصحيح فى المنتديات يعنى حابعت للعضو واقول ليبه موضوعك جميل بس اجمل يكون فى المنتدى الفلانى واذا تكرمت ممكن ننقله ليك فى المنتدى المناسب له
وحافتح منتديات للاغانى للبرمجة للاستشارات لانه بصراحة عندنا كادر ما الاعضاء فى مهن ممكن نستشرهم فى اي مشكله تتعلقق بتخصصاتهم.
ارسال رساله للاعضاء اذا طوله الغيبه تشير الى اننا افتقدناكم فى المنتدى وكدا
الحمدلله الماكنت مشرف العام مسئوليه صعبه والله يعين عليها محمد

- وزيرا للتخطيط العمرنى بولاية الخرطوم
حاقول ليهم انقلونى ولاية الجزيرة لانها هى اللي عاوزة نهضة عمرانية واسكت على القرارات اللي حتصدر خليها فى سرك[ندعوك للتسجيل في المنتدى أو التعريف بنفسك لمعاينة هذا الرابط]

ولنا عودة

بلسم كتب:

- مشرفا عاما للمنتدى.
كنت حاحاول انى اشارك الكل فى مواضيعهم .واحاول بقد الامكان اخلي كل المواد البقدكموها الاعضاء توضع فى مكانها الصحيح فى المنتديات يعنى حابعت للعضو واقول ليبه موضوعك جميل بس اجمل يكون فى المنتدى الفلانى وازا تكرمت ممكن ننقله ليك فى المنتدى المناسب له
وحافتح منتديات للاغانى للبرمجة للاستشارات لانه بصراحة عندنا كادر ما الاعضاء فى مهن ممكن نستشرهم فى اي مشكله تتعلقق بتخصصاتهم.
ارسال رساله للاعضاء ازا طوله الغيبه تشير الى اننا افتقدناكم فى المنتدى وكدا
الحمدلله الماكنت مشرف العام مسئوليه صعبه والله يعين عليها محمد

ابو الزعيم كتب:

وبعدين شنو يا بلسم شايفك في ردك على سؤال المشرف العام حمدتي الله انك ما كنتي مشرف عام وقلتي الله يعين محمد .. انت ليك كم في المنتدى وما عارفة مدير المنتدى منو والمشرف العام منو